Juan 3:5 - Tsimane

⁵ Vorjete Jesús: —Yụ jéye, aꞌĉan mọmoꞌ naꞌi jụijyaꞌ muꞌ muntyiꞌ mọꞌ jam yaꞌiꞌ paj qui Jenꞌyaꞌ bäꞌyi, jemoñeꞌ Jenꞌsiꞌĉan Ạꞌedyeꞌ muꞌ naꞌi, meꞌ raꞌ chat Jenꞌyadyety ayoꞌbuꞌyedyeꞌĉan muꞌ.

Juan 3:5 Iomraidhean Croise

Mateos 18:3

Chat qui jéyacsi muꞌ: —Yụ anic jéyac, jemoñeꞌ camanꞌ dyijyeban miꞌin jeñej yirity dyijyi miquity, jam jụijyaꞌ meꞌ miꞌin, jam raꞌ junꞌ siti miꞌin ayoꞌbuꞌyedyeꞌĉan Jenꞌsiꞌ muꞌ.

Mateos 19:24

Cuvij yụ jébadyeyac, dadamꞌ mọjoꞌchaꞌ carij muꞌin jedyeꞌtumtyiꞌ in paj qui Jenꞌyaꞌ bäꞌyi in ayoꞌbuꞌyedyeꞌĉan muꞌ, uyaꞌyaꞌdye carij jiyi yirity cameyo socorꞌmuñi yóquesĉan toꞌ mọꞌ —jéyacsi Jesús.

Mateos 21:31

Yụ raꞌ jéyac: ¿jụꞌñity buty ạvaꞌ muꞌ chicaqui jenꞌ? Vorjete in: —Muꞌ tashchety ạvaꞌ muꞌ, chicaqui ĉụiꞌtyiꞌ jenꞌ muꞌ. Jesús jéyacsi: —Yụ jéyac, mọꞌin meꞌtaquis p̂en in judyeyaꞌ muꞌin tsimꞌtety querec̣ha in, muꞌin raꞌ tashcheꞌ buꞌyi raꞌ siti in Jenꞌsiꞌĉan ayoꞌbuꞌyedyeꞌĉan, jäquiꞌcheꞌ raꞌ miꞌin.

Mateos 28:19

Mọꞌdyes tạij miꞌin, paiꞌ ọij jac jịjcajamꞌ yoc yoc p̂eyaquity in ĉọcseĉamꞌ, jịꞌchiyacsi raꞌ miꞌin paj qui cäc̣häꞌchun yụ in, chimeꞌ raꞌ chojtacsi miꞌin Jenꞌsiꞌcheꞌ tịj muꞌ, judyeyaꞌ Ạvascheꞌ tịj yụ, judyeyaꞌ Ạꞌedyescheꞌ tịj muꞌ.

Mateos 3:11

Yụ nash chojtyeyac miꞌin ojñiꞌĉan, mọꞌ jịꞌĉoiꞌ aty dyijyi juchajcheꞌ miꞌin. Muꞌ qui raꞌ atsij mujuꞌchaꞌ fer buꞌyity, jam jeñej yụ, uyaꞌyaꞌ yụ, mijam tupuj yụ cạpte yujches muꞌ. Muꞌ raꞌ Jenꞌsiꞌ Ạꞌedyemꞌ yuꞌtyiyinac miꞌin judyeyaꞌ pạrej raꞌ yuꞌtyiyinac tŝij.

Mateos 5:20

Fariseo in judyeyaꞌ muꞌin jịꞌchiyacsity yụꞌtacdyeꞌ in anic chiquete Jenꞌ ĉúti in. Jéyac: jam mujuꞌchaꞌ chiquetinte Jenꞌ jụijyaꞌ miꞌin, jam raꞌ junꞌ ayoꞌbuꞌyedyeꞌĉan Jenꞌsiꞌ muꞌ siti miꞌin.

Marcos 10:14

Jesús cạvacsi aty meꞌ in mọꞌdyes muꞌ fạ́coij, jéyacsi jịꞌchiyactyiꞌ muꞌ: —Jam raꞌ meꞌ miꞌin ñutsjeĉunacsi miꞌin uts miquiꞌmuntyiꞌ in, paj atsij mọmoꞌ yụ́yaꞌ in. Tyi chuc sitity raꞌ Jenꞌyaꞌ in ayoꞌbuꞌyedyeꞌĉan muꞌ, muꞌin raꞌ jeñej buꞌyi uts miquiꞌmuntyiꞌ q̂uinꞌ in.

Marcos 16:16

Tyi chuc anicyity, tyi chuc jiꞌchojtity, muꞌin raꞌ c̣hoñi in. Tyi chuc jam anicyity muꞌin raꞌ vaꞌcacdyety in.

Marcos 9:47

Chimeꞌdye vej mi mọꞌ jiꞌjuchayin jụijyaꞌ, jemoñeꞌ fonꞌtaqui vej mi. Damꞌdye jämꞌ itŝiꞌ penꞌ vej mi siti mi Jenꞌsiꞌyaꞌ ayoꞌbuꞌyedyeꞌ muꞌ, jam qui vaꞌcac tŝijĉan mi pärenꞌdye vej mi,

Lucas 13:24

—Meꞌ nash, ịtsuꞌquiꞌves nash mọꞌ chụiꞌdyeꞌ mạyedyeꞌches, yụꞌtacac ferdyeꞌ paj qui tupuj siti muꞌin ịtsuꞌquisyaꞌ chụiꞌdyeꞌ, daiꞌ raꞌ tsanꞌ mạꞌjeꞌ sitiꞌ muꞌyaꞌ in jäꞌnajquiqui ramꞌ in, jam raꞌ junꞌyi siti in.

Lucas 13:3

Jam nash junꞌ meꞌ in. Yụ jéyac, jam dyijyi juchajcheꞌ jụijyaꞌ miꞌin, meꞌdye raꞌ miꞌin chimeꞌ, yojdyeꞌ muꞌin u in, räj raꞌ jadyic miꞌin.

Lucas 13:5

Jam junꞌ meꞌ in. Yụ jéyac, jam dyijyi juchajcheꞌ jụijyaꞌ miꞌin, meꞌdye raꞌ miꞌin chimeꞌ räj raꞌ jadyic miꞌin.

Juan 1:13

Muꞌin na Jenꞌtyiꞌ ạvaꞌ muꞌ jam aꞌĉan naꞌi in, jam jeñej muntyity ạvaꞌ in, mijam muntyisyaꞌ dyijyedyeꞌ naꞌiꞌ in, Jenꞌsiꞌyaꞌ dyijyedyeꞌ muꞌ meꞌ yụꞌtacsi ạvadyety muꞌ.

Juan 3:3

Jesús jéte: —Yụ jéye, tyi chuc jam naꞌebantyiꞌ quivij, muꞌ raꞌ jam junꞌ nạijbite Jenꞌsiꞌĉan ayoꞌbuꞌyedyeꞌ muꞌ —yi jéte.

Juan 3:4

Yi Nicodemo jéte: —¿Junꞌ bu raꞌ meꞌ naꞌeban quivij tupuj yirity ishoꞌ? ¿Tupuj buty sisan tseꞌsiꞌĉan aꞌ muꞌ paj qui quivij naꞌeban muꞌ?

Uñedye' 2:38

Vorjeyacsi Pedro: —Dyijyejamꞌ juchajcheꞌ miꞌin, jiꞌchojtiĉamꞌ miꞌin Jesucristoscheꞌ tịj muꞌ chat qui raꞌ muꞌ Jenꞌ vayacjibunac juchaj miꞌin, judyeyaꞌ raꞌ soꞌminac Ạꞌedyeꞌ muꞌ.

Uñedye' 3:19

Q̂uinꞌ dyijyejamꞌ juchajcheꞌ, camanꞌyebajshamꞌ Jenꞌdyes paj qui vayacjibunac juchaj miꞌin, chat qui raꞌ muꞌ Ayoꞌ yuꞌtyiyinac tupudyeꞌ paj qui pacaj ĉojtyiꞌĉan miꞌin,

Romaĉantyidyes 14:17

Jenꞌ ayoꞌbuꞌyiyaꞌ tsundyes, tsun raꞌ jam mọmꞌ dyijtujaꞌ säcsedyeꞌ judyeyaꞌ tyédyeꞌ tsun, jemoñeꞌ mọmꞌ dyijtuc paj qui rụij bäꞌjaꞌ Jenꞌdyes, judyeyaꞌ dyijtujaꞌ chimeꞌ junꞌ chuc aty jämꞌjitiĉaꞌ Jenꞌtum judyeyaꞌ maꞌjodyeꞌtum bäꞌjaꞌ chimeꞌ ĉaĉaij na meꞌ yuꞌsinꞌ Jenꞌsiꞌ Ạꞌedyeꞌ muꞌ.

Romaĉantyidyes 8:2

ĉaĉaij na Jenꞌsiꞌ Ạꞌedyeꞌ muꞌ, mọꞌsiꞌyaꞌ ferdyeꞌ mọꞌ tsạꞌchusinꞌ tsun ĉaĉaij na aty Jesucristoty tsun. Mọꞌ jiꞌc̣honsinꞌ tsun juchajyaꞌ paj qui mọꞌ juchas ferdyeꞌ mọꞌ jam bächäsinꞌ, paj qui jam sänꞌdyeꞌ yuꞌtyiyisinꞌ tsun.

Tashches Corintoĉantyidyes 15:50

Yụ raꞌ jéyac vojity, ọij jacchedyes aꞌ tsun, shushtum judyeyaꞌ chäshtum, mọꞌ raꞌ jam Jenꞌyaꞌ jịjcaiꞌ, yóĉandyemꞌ ayoꞌbuꞌyedyes Jenꞌsiꞌ umꞌ, mọꞌ focodyeꞌ jam junꞌ Jenꞌyadyes mọꞌ.

Tashches Corintoĉantyidyes 2:12

Tsun anicjejaty Jenꞌ jam soꞌmac jacchetysiꞌ dyijyedyeꞌ muꞌin, Jenꞌ soꞌmisinꞌ Ạꞌedyeꞌ muꞌ, mọꞌdyes qui tsun räj chị́yepja muꞌsiꞌ ñịbeꞌyedyes soꞌmisinꞌsiꞌ Jenꞌ.

Tashches Corintoĉantyidyes 6:11

Meꞌ miꞌin chimeꞌ pạrej jiquej bäꞌyi miꞌin, q̂uinꞌ qui namꞌ aty c̣hiconꞌtac ĉojtyiꞌ miꞌin, aty Jenꞌdyety q̂uinꞌ miꞌin ĉaĉaij na Jesucristoyaꞌ muꞌ Jenꞌ rụij yuꞌtyinac miꞌin, muꞌsiꞌyaꞌ Ạꞌedyeꞌ muꞌ.

Galaciaĉantyidyes 6:15

Meꞌ tsanꞌ seiꞌtactyiꞌ aꞌ jụijyaꞌ tsun, meꞌ tsanꞌ jam, jam mọꞌ jedyeꞌ yiꞌ, meꞌdye yiris mọmoꞌ jemoñeꞌ jedyeꞌ dyijtuc, paj qui muꞌ Jenꞌ mụiꞌsis dyijyedyeꞌ soꞌmisinꞌ tsun

Efesoĉantyidyes 5:26

Muꞌsiꞌyaꞌ sänꞌdyeꞌ muꞌ c̣hiconꞌjityisinꞌ juchaj tsun judyeyaꞌ Jenꞌdyety yuꞌsinꞌ. P̂eyacdyeꞌ muꞌ c̣hiconꞌjibusinꞌ ĉojtyiꞌ tsun, mọꞌ yuꞌsinꞌ jeñej buꞌyi c̣hiconꞌtactyiꞌ ojñiꞌyaꞌ tsun, meꞌ buꞌyiꞌ mọꞌ p̂eyacdyeꞌ.

Tashches Pedros 1:2

Jenꞌ Ạvatusinꞌtyiꞌ tsun, muꞌ ĉụiꞌsiꞌyaꞌ dyijyedyeꞌ muꞌ jäꞌmiij tsimꞌtyinac jiquej miꞌin. Ĉụiꞌsiꞌ Ạꞌedyeꞌ muꞌ yuꞌtyinac miꞌin paj qui muꞌdyety Jenꞌdyety miꞌin. Yuꞌtyinac chimeꞌ paj qui chiquetinte muꞌ Jesucristo judyeyaꞌ chimeꞌ paj qui c̣hiconꞌjibunac ĉojtyiꞌ miꞌin ĉụiꞌsiꞌyaꞌ chäsh muꞌ Jesucristos. Yụ cọdyete Jenꞌ paj qui ñịbeꞌjitidyes muꞌ soꞌminac miꞌin, paj qui chimeꞌ soꞌminac maꞌjodyeꞌ ĉojtyiꞌĉandyes miꞌin, paj qui jam quijadyeꞌtum soꞌminac.

Tashches Pedros 3:21

Mọꞌ ojñiꞌ jiquej jeñej buꞌyiꞌ jiꞌchojtidyeꞌ, mọꞌ jiꞌchojtidyeꞌ jịꞌĉoiꞌ c̣honꞌdyeꞌ tsun q̂uinꞌ, vañinyedyeꞌyaꞌ Jesucristos muꞌ c̣honjaꞌ tsun. Mọꞌ jam c̣hiconꞌjibusinꞌ aꞌ tsun, ĉojtyiꞌ qui namꞌ c̣hiconꞌjibusinꞌ paj qui rụijsisyaꞌ dyijyedyeꞌ cọdaĉaꞌ Jenꞌcheꞌ tsun.

Tashches Juansi' 2:29

A nash miꞌin chị́yetinte miꞌin muꞌ Jesucristo muꞌ nash rụijtyity, chị́vac chimeꞌ tyi chuc rụij bäꞌyity in muꞌin nash Jenꞌtyiꞌ ạvaꞌ in.

Tashches Juansi' 5:1

Tyi chuc anicjeꞌ mọꞌ p̂eyacdyeꞌ yiꞌsiꞌ: "Muꞌ Jesús muꞌ nash Jiꞌc̣honacsity Muntyiꞌ muꞌ bistety jiquej in", muꞌ nash Jenꞌtyiꞌ ạvaꞌ muꞌ. Jeshaꞌ, tsun muntyiꞌ tsun mạꞌjeja yirity muntyiꞌ jụijyaꞌ, chimeꞌdye mạꞌjepja ạvaꞌ muꞌ.