Juan 3:3 - Tsimane

³ Jesús jéte: —Yụ jéye, tyi chuc jam naꞌebantyiꞌ quivij, muꞌ raꞌ jam junꞌ nạijbite Jenꞌsiꞌĉan ayoꞌbuꞌyedyeꞌ muꞌ —yi jéte.

Juan 3:3 Iomraidhean Croise

Mateos 16:17

Jajiti Jesús: —Där maꞌjoij mi Simón, Jonástyiꞌ ạvamꞌ. Jam yirity muntyiꞌ jiꞌchäquiyin mi, meꞌdye Jenꞌ mọmoꞌ yụ́tyiꞌ mạyedyeꞌchety, mumꞌ yirity ọij jiꞌchäquiyin mi.

Mateos 19:24

Cuvij yụ jébadyeyac, dadamꞌ mọjoꞌchaꞌ carij muꞌin jedyeꞌtumtyiꞌ in paj qui Jenꞌyaꞌ bäꞌyi in ayoꞌbuꞌyedyeꞌĉan muꞌ, uyaꞌyaꞌdye carij jiyi yirity cameyo socorꞌmuñi yóquesĉan toꞌ mọꞌ —jéyacsi Jesús.

Mateos 21:31

Yụ raꞌ jéyac: ¿jụꞌñity buty ạvaꞌ muꞌ chicaqui jenꞌ? Vorjete in: —Muꞌ tashchety ạvaꞌ muꞌ, chicaqui ĉụiꞌtyiꞌ jenꞌ muꞌ. Jesús jéyacsi: —Yụ jéyac, mọꞌin meꞌtaquis p̂en in judyeyaꞌ muꞌin tsimꞌtety querec̣ha in, muꞌin raꞌ tashcheꞌ buꞌyi raꞌ siti in Jenꞌsiꞌĉan ayoꞌbuꞌyedyeꞌĉan, jäquiꞌcheꞌ raꞌ miꞌin.

Mateos 5:18

Yụ rụij jéyac, jam raꞌ jụꞌñisĉan mạyedyeꞌ mọtsiꞌ mọꞌ Jenꞌsiꞌ yụꞌtacdyeꞌ muꞌ, meꞌ tsanꞌ miquis jiꞌchäyitidyeꞌ räj raꞌ mọꞌ cạ̈tsiꞌ.

Marcos 10:14

Jesús cạvacsi aty meꞌ in mọꞌdyes muꞌ fạ́coij, jéyacsi jịꞌchiyactyiꞌ muꞌ: —Jam raꞌ meꞌ miꞌin ñutsjeĉunacsi miꞌin uts miquiꞌmuntyiꞌ in, paj atsij mọmoꞌ yụ́yaꞌ in. Tyi chuc sitity raꞌ Jenꞌyaꞌ in ayoꞌbuꞌyedyeꞌĉan muꞌ, muꞌin raꞌ jeñej buꞌyi uts miquiꞌmuntyiꞌ q̂uinꞌ in.

Marcos 9:47

Chimeꞌdye vej mi mọꞌ jiꞌjuchayin jụijyaꞌ, jemoñeꞌ fonꞌtaqui vej mi. Damꞌdye jämꞌ itŝiꞌ penꞌ vej mi siti mi Jenꞌsiꞌyaꞌ ayoꞌbuꞌyedyeꞌ muꞌ, jam qui vaꞌcac tŝijĉan mi pärenꞌdye vej mi,

Juan 1:13

Muꞌin na Jenꞌtyiꞌ ạvaꞌ muꞌ jam aꞌĉan naꞌi in, jam jeñej muntyity ạvaꞌ in, mijam muntyisyaꞌ dyijyedyeꞌ naꞌiꞌ in, Jenꞌsiꞌyaꞌ dyijyedyeꞌ muꞌ meꞌ yụꞌtacsi ạvadyety muꞌ.

Juan 1:5

Muꞌ mạijchucsi tojmadyeꞌĉan bäꞌyity in. Mọꞌ tojmadyeꞌ jam junꞌ quivꞌjepte mạijquedyemꞌ.

Juan 1:51

Chimeꞌdye yi Jesús jéyacsi: —Yụ anic jéyac, cạvetiñeꞌ raꞌ miꞌin vanacyiꞌ raꞌ mạyedyeꞌcheꞌ, cạveptinte raꞌ Jenꞌtyiꞌ anjer muꞌ, yụ́yaꞌ raꞌ rụij jijtuij in judyeyaꞌ raꞌ bojvi in, Anictyityyaꞌ Muntyiꞌ yụ —jéyacsi.

Juan 12:40

"Muꞌ qui Jenꞌ tyumꞌteyacsebi vej muꞌin, paj qui jam naijti in, judyeyaꞌ jiꞌyäjcacsebi ĉojtyiꞌ muꞌin, paj qui jam chicacsive in. Mijam méquiꞌ caꞌñibun Jenꞌdyes in paj qui muꞌ ñịbeꞌjeyacsi", yiꞌ ọij sánacdyeꞌ.

Juan 3:4

Yi Nicodemo jéte: —¿Junꞌ bu raꞌ meꞌ naꞌeban quivij tupuj yirity ishoꞌ? ¿Tupuj buty sisan tseꞌsiꞌĉan aꞌ muꞌ paj qui quivij naꞌeban muꞌ?

Jäqui'ves Corintoĉantyidyes 4:4

ĉaĉaij na mọꞌ jacches ayoꞌ tomajjeyacsebiꞌ dyijyedyeꞌ muꞌin jam anicjetety in, paj qui jam mạijchucsebiꞌ ĉojtyiꞌ muꞌin mọꞌ jämꞌsiꞌ mạijquedyeꞌ Cristos muꞌ, muꞌ Jenꞌ buꞌyity, c̣hac yódyeijdyemꞌ muꞌ u.

Jäqui'ves Corintoĉantyidyes 5:17

Tyi chuc aty Cristoty yụꞌtac, muꞌ mụiꞌtyity shupqui. Mọꞌ tashches dyijyedyemꞌ aty mọtsimꞌ, yedyej qui mụiꞌsis muꞌ.

Galaciaĉantyidyes 6:15

Meꞌ tsanꞌ seiꞌtactyiꞌ aꞌ jụijyaꞌ tsun, meꞌ tsanꞌ jam, jam mọꞌ jedyeꞌ yiꞌ, meꞌdye yiris mọmoꞌ jemoñeꞌ jedyeꞌ dyijtuc, paj qui muꞌ Jenꞌ mụiꞌsis dyijyedyeꞌ soꞌmisinꞌ tsun

Efesoĉantyidyes 2:1

Miꞌin jiquej sänꞌdyeꞌĉan bäꞌyi ĉaĉaij na juchaj jiꞌsännac miꞌin jiquej, mijam chiquetinte Jenꞌ jiquej.

Titodyes 3:5

Muꞌ qui jiꞌc̣honsinꞌ tsun, jam qui namꞌ ĉụiꞌsiꞌyaꞌ jämꞌyedyeꞌ tsun, junꞌ chuc rụij bäꞌjaꞌ. Muꞌdye mọmoꞌ ñịbeꞌ ĉúsinꞌ jiꞌc̣honsinꞌ tsun, ĉụiꞌsiꞌyaꞌ Ạꞌedyeꞌ muꞌ. Muꞌ c̣hiconꞌjisinꞌ tsun aty soꞌmisinꞌyaꞌ Ạꞌedyeꞌ muꞌ, mọꞌyaꞌ qui naꞌebajshaꞌ Jenꞌdyes tsun, yocsiꞌ qui aty dyijyedyeꞌ meꞌchujaꞌ.

Santiagos 3:17

Jam muꞌin meꞌ in muꞌin meꞌchuptety Jenꞌsiꞌ dyijyedyeꞌ in, muꞌin yedyej rụijsis dyijyedyeꞌ meꞌchuiꞌtyiꞌ in, jämꞌjiti bäꞌyi in, judyeyaꞌ jämꞌyedyeꞌtum bäꞌyi in, judyeyaꞌ seꞌvitidyeij in, judyeyaꞌ chimeꞌ ñịbeꞌ ĉọcsi in judyeyaꞌ nọ́tyetacsi yoctyiꞌ in. Chimeꞌdye muꞌin vaj cäts cạvacsi muntyiꞌ in, mijam fibiꞌnacdyeꞌtum bäꞌyi in, meꞌ buꞌyi muꞌin bäꞌyi in muꞌin Jenꞌsiꞌtum dyijyedyeꞌ bäꞌyity in.

Tashches Pedros 1:3

Timaꞌqueja muꞌ Jenꞌ, muꞌ Jesucristoty Jenꞌ muꞌ, Ayoꞌ tsun. Muꞌ där ñịbeꞌ ĉúsinꞌtyiꞌ tsun, mọꞌdyes qui tsun jiꞌnaꞌibusinꞌ cuvij, aty vañinjebajteyaꞌ muꞌ Jesucristo, tsun chimeꞌ tsạꞌchusinꞌ Jenꞌdyes. Q̂uinꞌ aty jam mọꞌ fibis anicyedyeꞌ tsun, Jenꞌ raꞌ soꞌmisinꞌ mọꞌ bisvaꞌquejas tsun.

Tashches Juansi' 2:29

A nash miꞌin chị́yetinte miꞌin muꞌ Jesucristo muꞌ nash rụijtyity, chị́vac chimeꞌ tyi chuc rụij bäꞌyity in muꞌin nash Jenꞌtyiꞌ ạvaꞌ in.

Tashches Juansi' 3:9

Tyi chuc Jenꞌtyiꞌ ạvaꞌ muꞌ, muꞌ jam yejĉoij juchaij, ĉaĉaij na ĉụiꞌsiꞌ tsạꞌsiꞌ Jenꞌsiꞌ muꞌ mọꞌ taĉan ĉojtyiꞌĉan muꞌ, mọꞌdyes qui muꞌ aty jam yejĉoij juchaij.

Tashches Juansi' 5:1

Tyi chuc anicjeꞌ mọꞌ p̂eyacdyeꞌ yiꞌsiꞌ: "Muꞌ Jesús muꞌ nash Jiꞌc̣honacsity Muntyiꞌ muꞌ bistety jiquej in", muꞌ nash Jenꞌtyiꞌ ạvaꞌ muꞌ. Jeshaꞌ, tsun muntyiꞌ tsun mạꞌjeja yirity muntyiꞌ jụijyaꞌ, chimeꞌdye mạꞌjepja ạvaꞌ muꞌ.

Tashches Juansi' 5:18

Chị́jaꞌ tsun, muꞌin Jenꞌtyiꞌ ạvaꞌ in jam yejĉoij juchaij in, ĉaĉaij na Jenꞌtyiꞌ Ạvaꞌ muꞌ ñutsjeyacsi, mọꞌdyes qui mọꞌ Sọyoꞌ jam junꞌ täjtacsiꞌ.

Tashches Juansi' 5:4

ĉaĉaij na muꞌin Jenꞌtyiꞌ ạvaꞌ in jiꞌpeñeꞌ in mọꞌ jacches dyijyedyeꞌ. ¿Jedyeꞌyaꞌ buty tupuj jiꞌpenjaꞌ mọꞌ jacches dyijyedyeꞌ? Anicyedyeꞌyaꞌ mọmoꞌ Jenꞌcheꞌ, mọꞌyamꞌ tupuj jiꞌpenjaꞌ mọꞌ jacches dyijyedyeꞌ.

Jị'cavacdye' 3:14

—Sáñeva anjerdyes, muꞌ ĉọjcacsity muꞌin ñuruꞌtyity yụ́tyiꞌ in Laodiceaĉan bäꞌyity in, jéme ọij p̂eyacdyeꞌ muꞌindyes in: "Yi muꞌ rụij jịꞌchiqueyacsity, muꞌ jịꞌcätseꞌtyiꞌ p̂eyacdyeꞌ, yódyetytumdyemꞌ jiquej u muꞌ Jenꞌ räj jämꞌtacsi jedyeꞌ in. Yi muꞌ jínac: