Juan 3:2 - Tsimane

² Uts ĉọcte tsedyedyeꞌ muꞌ Jesús jéte: —Jịꞌchiyacsity, tsun cạvepyac ferdyeꞌ mi, mọꞌdyes chị́yeyac mi Jenꞌtyiꞌ jutactyiꞌ muꞌ paj qui jịꞌchiyacsi muntyiꞌ mi. Jam meꞌchupte Jenꞌsiꞌ ferdyeꞌ jụijyaꞌ mi, a vuty jam tupuj meꞌ jịꞌcaveyacsi um ferdyeꞌ mi —yi muꞌ Nicodemo jéte Jesús.

Juan 3:2 Iomraidhean Croise

Mateos 22:16

Mọꞌdyes muꞌin fariseo in juteyete in pạrej cäc̣häꞌchucsity in, muꞌintumdye pạrej cäc̣häꞌchutety in muꞌ Herodes, vaj meꞌ ĉọcte Jesús in, jéte in: —Jịꞌchiyacsity, tsun nash chị́yebiyac mi anic rụij p̂eyaquity mi, chimeꞌdye rụij jịꞌchiyacsi mi Jenꞌsiꞌ p̂eyacdyeꞌ muꞌ, junꞌ chuc raꞌ bäꞌjaꞌ tsun, mijam dyijtucsebim muntyis dyijyedyeꞌ muꞌin, ĉaĉaij na mi vaj cäts cạvacsi muntyiꞌ in.

Mateos 23:7

Chimeꞌ muꞌin fer mạꞌjeꞌ in paj qui muntyiꞌ in jämꞌjeĉunacsi cayeĉan in judyeyaꞌ chimeꞌ paj qui jämꞌyedyeꞌtum vorjeyacsi in, judyeyaꞌ paj qui jéyacsi muntyiꞌ in: "Mi nash jịꞌchiyacsity."

Mateos 23:8

Miꞌin na raꞌ jam meꞌ, paj yoctyiꞌ in jam jínac in: "Mi jịꞌchiyacsity", ĉaĉaij na yirity mọmoꞌ muꞌyaꞌ anictyity Jịꞌchiyacsity miꞌin, mọꞌdyes miꞌin vojity buꞌyi miꞌin.

Marcos 12:14

Muꞌin ĉọshte Jesús in jéte in: —Jịꞌchiyacsity, tsun nash chị́yeyac mi nash anic rụij p̂eyaquity räjĉan, chimeꞌdye rụij jịꞌchiyacsi mi Jenꞌsiꞌ p̂eyacdyeꞌ muꞌ, junꞌ chuc raꞌ bäꞌjaꞌ tsun, mijam dyijtucsebim muntyis dyijyedyeꞌ muꞌin, ĉaĉaij na mi vaj cäts cạvacsi räj muntyiꞌ in. Mọꞌdyes tsun mạꞌjeꞌ jéyac, ¿tupuj buty yụꞌtyeja querec̣ha jacchetydyety ayoꞌ mujuꞌchatydyety Romaĉantyidyety ayoꞌ? ¿Jemoñeꞌ buty yụꞌtyeja? —yi jéte in.

Juan 1:38

Camanꞌyi muꞌ cạvi Jesús cạvacsi, muꞌin cäc̣häꞌchutety in. Jéyacsi: —¿Jedyeꞌveij tyuꞌ caꞌ atsij miꞌin? Vorjete in: —Jịꞌchiyacsity, ¿junaꞌ dyäqui um?

Juan 10:38

Anicdye meꞌ, Jenꞌsiꞌ dyijyedyeꞌ cạpte yụ tupuj anicjitiĉaꞌ yụ miꞌin ĉaĉaij na cavibutiĉaꞌ ferdyeꞌ yụs miꞌin. Meꞌ tsanꞌ jam mạꞌjeꞌ anicjibutiĉaꞌ yụs p̂eyacdyeꞌ jụijyaꞌ miꞌin, tupuj cavibutiĉaꞌ ferdyeꞌ yụs miꞌin, mọꞌ jorojĉan jiꞌchäquiyinac miꞌin junꞌ chuc Jenꞌtum yụ jeñej yirity mọmoꞌ shupqui tsun —jéyacsi Jesús muꞌin judío in.

Juan 12:37

Meꞌ tsanꞌ muꞌ Jesús anic daiꞌ quiꞌ jịꞌcaveyacsi ferdyeꞌ muꞌinsiꞌyaꞌ vej muꞌin, uts na muꞌin tacaꞌ meꞌ mọmoꞌ in, jam anicjete in.

Juan 14:10

¿Jam adac anicjitim yụ nash Jenꞌtum buꞌyi judyeyaꞌ muꞌ Jenꞌ yụ́tum buꞌyi chimeꞌ? Ọij jiꞌchäyitidyeꞌ soꞌmeyacsiꞌ yụ miꞌin, mọꞌ jam ĉụiꞌsiꞌ dyijyedyeꞌ yụ. Muꞌ Jenꞌ yụ yụ́tum buꞌyity, muꞌsiꞌ dyijyedyeꞌ carijtyepte yụ.

Juan 15:24

Därsiꞌ ferdyeꞌ yụ jịꞌcaveyacsi yụ, mijam raꞌ yoctyiꞌ meꞌ in. Jam meꞌ jụijyaꞌ yụ, a vuty muꞌ Jenꞌ u jam ĉọcsebi juchaj muꞌin. Muꞌin na meꞌ tsanꞌ cavibun ferdyeꞌ yụ in, memꞌ fáquin mọmoꞌ yụ in, judyeyaꞌ Jenꞌ yụ fáquibun chimeꞌ yụ in.

Juan 2:11

Mọꞌ jịꞌcaveyacsi tashches ferdyeꞌ muꞌ Jesús, muꞌĉan Canáĉan Galileaĉansiꞌ bäꞌyedyeꞌ mọꞌ, jịꞌcaveyacsi därsiꞌ ferdyeꞌ muꞌ. Muꞌin qui jịꞌchiyactyiꞌ muꞌ dadamꞌ anicjete in.

Juan 20:16

Yi muꞌ Jesús jeꞌ: —María. Camanꞌyiꞌ mọꞌ jéte hebreosĉan p̂eyacdyeꞌ: —Rabuni. (Rabuni yiꞌ caꞌ yiꞌ "Jịꞌchiyacsity".)

Juan 3:26

Chat qui ĉọcte Juan jéte in: —Jịꞌchiyacsity, muꞌ penꞌdyetutety mi nopej Jordán jiquej, muꞌ p̂eijtety mi, muꞌ nash Jiꞌc̣honacsity, yi mi jiquej, muꞌ chimeꞌ chojtacsi muntyiꞌ q̂uinꞌ, anic muꞌ mujuꞌchaꞌ cäc̣häꞌchute muntyiꞌ in, jam jeñej mi, uyaꞌyaꞌ cäc̣häꞌchun in —jéte in.

Juan 4:31

Jambiꞌdyemꞌ ventyecte in, muꞌin jịꞌchiyactyiꞌ muꞌ jéte in muꞌ Jesús: —Jịꞌchiyacsity, säcseva.

Juan 5:36

Jam Juan mọmoꞌ jịꞌchiqueyacsi junꞌ chuc yụ, chimeꞌdye mọꞌ carijtacdyeꞌ soꞌminsiꞌ yụ Jenꞌ, mọꞌ jämꞌtyes yụ muꞌsiꞌyaꞌ ferdyeꞌ muꞌ, mọꞌ dadamꞌ mọjoꞌchaꞌ jịꞌchiqueyacsiꞌ, yụ nash jutactyiꞌ Jenꞌtyiꞌ muꞌ.

Juan 6:2

Anic daiꞌ muntyiꞌ jịjcate in ĉaĉaij na cạvepte in ferdyeꞌ muꞌ jịꞌcaveyacsis, junꞌ chuc jiꞌchäcacseban areꞌreijtyiꞌ muntyiꞌ in.

Juan 7:31

Muntyiꞌ qui namꞌ daiꞌ anicjete in, yi in: —Muꞌ Jiꞌc̣honacsity Muntyiꞌ, mọꞌ jorojĉanjisinꞌ ĉaĉaij na anic daiꞌ quiꞌ ferdyeꞌ jiꞌcaviyisinꞌ.

Juan 9:16

Pạrej muꞌin fariseo yi in: —Muꞌ muntyiꞌ meꞌjintyiꞌ mi jam nash muꞌ Jenꞌyaty atsij, meꞌdyes qui jam ạ̈räjjeꞌ mọꞌ mạyedyeꞌ jịꞌjutyitidyes —yi in. Pạrej na yi muꞌyaꞌ in: —Juchajtumtyiꞌ jụijyaꞌ muꞌ muntyiꞌ, junꞌdyemꞌ joꞌmes meꞌchuiꞌ ferdyeꞌ —yi in. Mijam méquiꞌ cäts dyijyi muꞌcheꞌ in.

Uñedye' 10:38

Chịj miꞌin junꞌ chuc muꞌ Jenꞌ jasoꞌmiti Jenꞌsiꞌ ĉụiꞌsiꞌ Ạꞌedyeꞌ muꞌ, jajiꞌtŝuti ferdyeꞌ muꞌ. Muꞌdye Jesús Nazaretĉantyiꞌ paiꞌ nati nọ́tacsi muntyiꞌ in judyeyaꞌ jiꞌchäcacseban muꞌin jameꞌtity sọyoꞌ in. Meꞌ tupuj muꞌ ĉaĉaij na Jenꞌdye japenꞌdyetuti.

Uñedye' 2:22

Yejĉoij p̂eyaqui Pedro jéyacsi: —Seꞌvibutiĉamꞌ jämꞌ ọij p̂eyacdyeꞌ yụ, miꞌin Israeltyiꞌ vóshiꞌ miꞌin, muꞌ Jesús Nazaretĉantyiꞌ anic där soꞌmac ferdyeꞌ muꞌ. Daiꞌ quiꞌ muꞌ jiꞌcaviyinac ferdyeꞌ muꞌ, Jenꞌsiꞌtum ferdyeꞌ muꞌ carijtaqui miꞌinsiꞌyaꞌ vej, meꞌ muꞌ jiꞌcaviyinac junꞌ chuc muꞌ anictyity jutactyiꞌ Jenꞌtyiꞌ muꞌ.

Filiposĉantyidyes 1:14

Chimeꞌdye araj räj vojity tsun, meꞌ tsanꞌ chịj in junꞌ chuc ĉäꞌräij yụ, jam qui namꞌ mọꞌ jäquijnacsiꞌ, meꞌdye chat Ayoꞌ yi paj qui dadamꞌ meijquejĉoij voroꞌtacsi in Jenꞌsiꞌ p̂eyacdyeꞌ muꞌ, mijam damꞌ noiꞌyedyeꞌtum voroꞌtacsi in.