Juan 3:11 - Tsimane

¹¹ Yụ anic jéye, ọij jiꞌchäyitidyeꞌ p̂eyacdyeꞌ jéyacsiꞌ tsun miꞌin, ọij anic rụijsis, mọꞌ cạves tsun, mọꞌdyes tsun jéyac, miꞌin qui namꞌ jam anicyi.

Juan 3:11 Iomraidhean Croise

Isaías 53:1

¿Tyidyemꞌ raꞌ anicjeꞌ in ọij p̂eyacdyeꞌ seꞌveꞌsiꞌ tsun? ¿Tyidyemꞌ raꞌ cạvepte in Ayoꞌsiꞌ ferdyeꞌ muꞌ?

Mateos 11:27

Jesús jéyacsi: —Yụ́tyiꞌ Jenꞌ muꞌ yuꞌtyin yụ paj qui räj ayoꞌbuꞌyi yụ. Mijam tupuj yirity chäyibun dyijyedyeꞌ yụ in, ĉaĉaij na yụ Jenꞌtyiꞌ Ạvaꞌ muꞌ, yirity mọmoꞌ muꞌ Jenꞌ chäyibun dyijyedyeꞌ yụ. Chimeꞌdye jam tupuj yirity chị́yepte in dyijyedyeꞌ Jenꞌsiꞌ muꞌ, yụmꞌ yirity Ạvaꞌ muꞌ chị́yepte yụ dyijyedyeꞌ muꞌ. Chimeꞌdye tyi chuc mạꞌjeꞌyaꞌ, yụ tupuj jịꞌchiqueyacsi dyijyedyeꞌ Jenꞌsiꞌ yụ.

Mateos 23:37

Jesús fer dyijtucsi Jerusalénĉantyiꞌ in, yi muꞌ: —Miꞌin Jerusalénĉantyiꞌ, anic fer dyijtuyac miꞌin. Miꞌin ijacsi jiquej muꞌin jasoꞌmitity p̂eyacdyeꞌ Jenꞌ in judyeyaꞌ farajñeptinte mijyaꞌ miꞌin muꞌin jutactyiꞌ Jenꞌtyiꞌ muꞌ. Daiꞌ quiꞌ tsanꞌ yụ mạꞌjeꞌ vajmuꞌyaꞌtyeyac yụ́yaꞌ, jeñej yiris atava vajmọꞌyaꞌjeyaquiꞌ ạvaꞌ mọꞌ pavajĉan, jam qui namꞌ junꞌ jụjjitiĉaꞌ yụ miꞌin.

Lucas 10:22

Chat qui muꞌ Jesús jéyacsi muꞌyaty in: —Jenꞌ yụ räj yuꞌtyiyin jiquej yụ räj meꞌchuiꞌ yụ ayoꞌbuꞌyedyes yụ. Jam yirity tyi chäyin yụ in, meꞌdye Jenꞌ mọmoꞌ chäyin yụ. Chimeꞌdye Jenꞌ jam yirity tyi chị́yete, yụ mọmoꞌ Ạvaꞌ muꞌ chị́yete yụ. Chimeꞌdye jụꞌñity chuc yụ mạꞌjeꞌ jịꞌchiqueyacsi paj qui chị́yeteve in muꞌ Jenꞌ, muꞌin mọmoꞌ tupuj chị́yete in —yi jéyacsi Jesús.

Juan 1:11

Atsij ĉụiꞌsiꞌcheꞌ jämꞌtacdyeꞌ jijtuij, muꞌin na ĉụiꞌtyiꞌ chätidyeꞌ muꞌ jam junꞌ jụjjete in, memꞌ doroiꞌjete in.

Juan 1:18

Mijam tyi nạijte in muꞌ Jenꞌ, muꞌ qui namꞌ yiritytyity Ạvaꞌ muꞌ, muꞌdyemꞌ Jenꞌ muꞌyaꞌdye bäꞌyity muꞌtum, muꞌ räj jiꞌchäquiyisinꞌ junꞌ chuc muꞌ Jenꞌ.

Juan 12:49

Jam ĉụiꞌsiꞌ jiꞌchäyitidyeꞌ yụ, Jenꞌsiꞌ yụ muꞌ jutintyiꞌ yụ, muꞌsimꞌ, junꞌ chuc jin yụ meꞌdye raꞌ jịꞌchiyacsi yụ.

Juan 14:24

Tyi chuc jam mạꞌjintyiꞌ yụ in, muꞌin raꞌ jam junꞌ chäquibun p̂eyacdyeꞌ yụ in. Mọꞌ p̂eyacdyeꞌ yụ seꞌvibutiĉas miꞌin, mọꞌ jam ĉụiꞌsiꞌ dyijyedyeꞌ yụ, Jenꞌsiꞌ nash yụ, muꞌ jutintyiꞌ yụ.

Juan 3:12

Meꞌ tsanꞌ ọ́ches jacches p̂eyeꞌ yụ jiꞌchäyitidyeꞌĉan yụ, miꞌin qui namꞌ jam anicyi, chị́dyemꞌ mạyedyeꞌches p̂eyeꞌ jụijyaꞌ u yụ, dadamꞌ raꞌ mujuꞌchaꞌ jam anicyi miꞌin.

Juan 3:13

Mijam jụꞌñity mạyedyeꞌcheꞌ jịjcaij, meꞌdye yụmꞌ yirity Anictyity Muntyiꞌ yụmꞌ yirity mạyedyeꞌchety jijtuijtyiꞌ yụ, yócheꞌdyemꞌ bäꞌyi uij.

Juan 3:3

Jesús jéte: —Yụ jéye, tyi chuc jam naꞌebantyiꞌ quivij, muꞌ raꞌ jam junꞌ nạijbite Jenꞌsiꞌĉan ayoꞌbuꞌyedyeꞌ muꞌ —yi jéte.

Juan 3:5

Vorjete Jesús: —Yụ jéye, aꞌĉan mọmoꞌ naꞌi jụijyaꞌ muꞌ muntyiꞌ mọꞌ jam yaꞌiꞌ paj qui Jenꞌyaꞌ bäꞌyi, jemoñeꞌ Jenꞌsiꞌĉan Ạꞌedyeꞌ muꞌ naꞌi, meꞌ raꞌ chat Jenꞌyadyety ayoꞌbuꞌyedyeꞌĉan muꞌ.

Juan 5:43

Muꞌ Jenꞌ jutin yụ meꞌdyes atsij yụ úcheꞌ, miꞌin qui namꞌ jam méquiꞌ jụjjitiĉaꞌ yụ miꞌin. Yoctyiꞌ na raꞌ ĉụiꞌ jụijyaꞌ atsij, meꞌ tsanꞌ ĉụiꞌ mọmoꞌ yi: "Yụ jutactyiꞌ Jenꞌtyiꞌ muꞌ", muꞌ qui ramꞌ jụjjetinte miꞌin.

Juan 7:16

Vorjeyacsi Jesús: —Jam nash ọij ĉụiꞌsiꞌ jiꞌchäyitidyeꞌ yụ, muꞌ Jenꞌ jutintyiꞌ yụ, muꞌsiꞌ nash jiꞌchäyitidyeꞌ muꞌ.

Juan 8:14

Vorjeyacsi Jesús: —Jam nash meꞌ, meꞌ tsanꞌ ĉụiꞌ jịꞌchicaqui yụ, yaꞌiꞌ qui namꞌ p̂eyacdyeꞌ yụ, ĉaĉaij na yụ chịj junatyiꞌ chuc atsij yụ, judyeyaꞌ chịj chimeꞌdye yụ junaꞌ chuc raꞌ jịjcaij yụ. Miꞌin na jam junꞌ chịj junaty chuc yụ jijtuij mijam chimeꞌ chịj miꞌin junaꞌ chuc raꞌ yụ jịjcaij.

Juan 8:26

Tupuj tsanꞌ daiꞌ jéyac junꞌ chuc miꞌin, tupuj jéyac junꞌ chuc raꞌ vaꞌtacdyeꞌ soꞌmeyac. Mọꞌ qui namꞌ jiꞌchäyitidyeꞌ jịꞌchiyacsis yụ, mọꞌ soꞌminsiꞌ yụ muꞌ jutintyiꞌ yụ, muꞌ nash anic rụijtyity —jéyacsi Jesús.

Juan 8:38

Mọꞌ mọmoꞌ jịꞌchiyacsi yụ mọꞌ soꞌminsiꞌ Jenꞌ yụ. Meꞌdye miꞌin chimeꞌ chiquetinte ĉụiꞌtyiꞌ jenꞌ buꞌyity miꞌin —jéyacsi Jesús.

Uñedye' 22:18

Yụ qui namꞌ nạijte, muꞌ jin yụ: "Cavin shubada mi úĉantyiꞌ Jerusalénĉantyiꞌ, úĉantyiꞌ muntyiꞌ in jam raꞌ chäquibun p̂eyacdyeꞌ in", yi jin yụ.

Jäqui'ves Corintoĉantyidyes 4:4

ĉaĉaij na mọꞌ jacches ayoꞌ tomajjeyacsebiꞌ dyijyedyeꞌ muꞌin jam anicjetety in, paj qui jam mạijchucsebiꞌ ĉojtyiꞌ muꞌin mọꞌ jämꞌsiꞌ mạijquedyeꞌ Cristos muꞌ, muꞌ Jenꞌ buꞌyity, c̣hac yódyeijdyemꞌ muꞌ u.

Jị'cavacdye' 3:14

—Sáñeva anjerdyes, muꞌ ĉọjcacsity muꞌin ñuruꞌtyity yụ́tyiꞌ in Laodiceaĉan bäꞌyity in, jéme ọij p̂eyacdyeꞌ muꞌindyes in: "Yi muꞌ rụij jịꞌchiqueyacsity, muꞌ jịꞌcätseꞌtyiꞌ p̂eyacdyeꞌ, yódyetytumdyemꞌ jiquej u muꞌ Jenꞌ räj jämꞌtacsi jedyeꞌ in. Yi muꞌ jínac: