Juan 3:10 - Tsimane

¹⁰ Vorjete Jesús: —Yoj na jịꞌchiyacsi mi Israeltyiꞌ vóshiꞌ in, ¿junꞌ qui dash jam chiqueꞌ mi ọij jiꞌchäyitidyeꞌ?

Juan 3:10 Iomraidhean Croise

Mateos 11:25

Aty meꞌsiꞌ muꞌ Jesús cọdyete Jenꞌ muꞌ jéyaqui: —Yụ́tyiꞌ Jenꞌ, mi nash ayoꞌbuꞌyi mạyedyeꞌcheꞌ judyeyaꞌ jaccheꞌ. Yoshoropaij Jenꞌ mi nash jịꞌchiqueyacsi ọij dyijyedyeꞌ mi muꞌin jam chị́dyeꞌtumtyiꞌ in, muꞌin qui namꞌ chị́dyeꞌtumtyiꞌ in judyeyaꞌ dyijyedyeꞌtumtyiꞌ ĉútity in jam jịꞌchiqueyacsim.

Mateos 15:14

Paj muꞌyaꞌ muꞌin fariseo in. Muꞌin nash jeñej buꞌyi yirity tofety muntyiꞌ muꞌ tapchute yoctyiꞌ tofety muntyiꞌ, jiꞌmiꞌiti tsanꞌ in, vaj meꞌ toꞌĉan tŝọij jọꞌchaij in.

Mateos 22:29

Jesús vorjeyacsi: —Anic cäj cạtiñeꞌ dyijyedyeꞌ miꞌin, jeñej aty raꞌ jam vañinyeban säñity ĉọcsi u miꞌin, ĉaĉaij na jam chị́yebitinte Jenꞌsiꞌ sánacdyeꞌ muꞌ, mijam chị́yeptinte ferdyeꞌ muꞌ chimeꞌ.

Lucas 2:46

Chibin mạyedyeꞌ quevjajte muꞌĉan in, chat q̂uinꞌdyemꞌ dạĉajte in, Jenꞌsiꞌĉan na jiquej acaꞌ muꞌ. Jịꞌchiyacsitytum bäꞌvaꞌjoij seꞌvacsevaꞌbi p̂eyacdyeꞌ muꞌin judyeyaꞌ cọdyetacsi chimeꞌ p̂eyacdyeꞌ muꞌin.

Lucas 5:17

Yirisĉan mạyedyeꞌ muꞌ Jesús jịꞌchiyacsi muntyiꞌ in. Pạrej muꞌyaꞌ chimeꞌ fariseo in judyeyaꞌ jịꞌchiyacsity yụꞌtacdyeꞌ in Jenꞌsiꞌ muꞌ, muꞌin pạrej Galileaĉansiꞌ bäꞌyedyeꞌ atsijtyiꞌ in, judyeyaꞌ pạrej Judeaĉansiꞌ bäꞌyedyeꞌ atsijtyiꞌ in judyeyaꞌ pạrej Jerusalénĉantyiꞌ chimeꞌ in, muꞌyaꞌdye muꞌin chimeꞌ in seꞌvepte p̂eyacdyeꞌ in. Muꞌ na Jesús meꞌchupte Jenꞌsiꞌ ferdyeꞌ muꞌ paj qui tupuj jiꞌchäcacseban muntyiꞌ in.

Juan 3:9

Nicodemo jéte: —¿Jedyeꞌ buty cạiꞌ mọꞌ p̂eyacdyeꞌ?

Uñedye' 5:34

Muꞌyaꞌ na yirity muꞌĉantyiꞌ ayoꞌ, fariseo muꞌ, Gamaliel tịj muꞌ. Muꞌ jịꞌchiyacsity yụꞌtacdyeꞌ chimeꞌ, muꞌ ạ̈räjjetety muntyiꞌ in. Sacyi muꞌ Gamaliel jéyacsi paj qui jiꞌshupcacsi chum in Jenꞌtyiꞌ jutactyiꞌ muꞌ.

Romaĉantyidyes 2:28

Cạveja, yirity muntyiꞌ meꞌ tsanꞌ judío naꞌi jụijyaꞌ, meꞌ tsanꞌ seiꞌtactyiꞌ aꞌ jụijyaꞌ chimeꞌ, mọꞌ jam junꞌ tupuj paj qui meꞌ anictyity Jenꞌtyiꞌ ạvaꞌ shupqui.

Filiposĉantyidyes 3:3

Muꞌin yi in: "Tsun anictyity Jenꞌtyiꞌ ạvaꞌ muꞌ ĉaĉaij na seiꞌtactyiꞌ aꞌ tsun", yi in. Jam na meꞌ, tsun nash anictyity ạvaꞌ muꞌ ĉaĉaij na tsun anictyity timaꞌquejaty Jenꞌ, Ạꞌedyeꞌyaꞌ muꞌ timaꞌqueja tsun judyeyaꞌ maꞌjodyeꞌtum bäꞌjaꞌ tsun ĉaĉaij na Jesucristoty tsun. Meꞌ tsun jeñej anictyity seiꞌtactyiꞌ aꞌ tsun, meꞌ shupquejaꞌ tsun. Chimeꞌdye tsun jam ĉútiĉaꞌ ĉụiꞌsiꞌcheꞌ dyijyedyeꞌ tsun, mijam yicdyeꞌcheꞌ tsun.

Colosasĉantyidyes 2:11

Aty Cristoty miꞌin, muꞌ nash jiꞌc̣honnac miꞌin, jadyic bächänac ĉụiꞌsiꞌ dyijyedyeꞌ aꞌc̣his miꞌin. Mọꞌ jeñej buꞌyi jiꞌseiꞌtyinactyiꞌ Cristo miꞌin, meꞌ buꞌyiꞌ mọꞌ c̣honꞌdyeꞌ miꞌin, jam aꞌdyes jiꞌjäcac mọꞌ seiꞌtacdyeꞌ, ĉaĉaij na aty Cristoty miꞌin.