Juan 2:11 - Tsimane

¹¹ Mọꞌ jịꞌcaveyacsi tashches ferdyeꞌ muꞌ Jesús, muꞌĉan Canáĉan Galileaĉansiꞌ bäꞌyedyeꞌ mọꞌ, jịꞌcaveyacsi därsiꞌ ferdyeꞌ muꞌ. Muꞌin qui jịꞌchiyactyiꞌ muꞌ dadamꞌ anicjete in.

Juan 2:11 Iomraidhean Croise

Exodo 14:31

Muꞌin Israeltyiꞌ vóshiꞌ in aty cạvepteyaꞌ in Ayoꞌsiꞌ ferdyeꞌ muꞌ, mọꞌ jịꞌtŝoyacsis Egiptoĉantyiꞌ in, anic jämꞌ irijyi Ayoꞌcheꞌ in, anicjete qui chimeꞌ in, chimeꞌdye anicjete Moisés in, muꞌ úñity Ayoꞌtyiꞌ muꞌ.

Exodo 4:9

Päräꞌ quiꞌ jịꞌcaveyacsi jụijyam, jam anicjin jụijyaꞌ in, mijam seꞌvin jụijyaꞌ in, yocsiꞌ qui raꞌ jịꞌcaveyacsim. Jäqueꞌ ram ojñiꞌ cojiro Nilos, chojjeꞌ raꞌ mụijyam, chäsh raꞌ tŝọiꞌ ojñiꞌ, meꞌ raꞌ jịꞌcaveyacsim paj qui anicjin in.

Juan 1:14

Muꞌ P̂eyacdyeꞌ buꞌyity aꞌtum yuꞌti, atsij qui úcheꞌ tsuntum bäꞌyi, anic rụijtyity muꞌ, fer mạꞌjisinꞌ tsun muntyiꞌ. Tsun cạvepte ferdyeꞌ muꞌ, anic mujuꞌchaꞌ buꞌyi muꞌ, ĉaĉaij na muꞌ mọmoꞌ yiritytyity Jenꞌtyiꞌ Ạvaꞌ muꞌ.

Juan 1:17

Mọꞌ yụꞌtacdyeꞌ jiquej Jenꞌ soꞌmisinꞌ Moisésyaꞌ, mọꞌ na ñịbeꞌjitidyes Jenꞌsiꞌ muꞌ judyeyaꞌ mọꞌ rụijsis p̂eyacdyeꞌ, mọꞌ tuiꞌ muꞌ Jesucristo.

Juan 1:43

Nojno mạyedyeꞌ muꞌ Jesús dyijyi mạꞌjeꞌ Galileave jịjcaij. Jadaquicdyi Felipe chat jajiti: —Cäc̣häꞌchutiꞌ.

Juan 1:50

Jesús vorjete: —¿Mi anicjitim ọijdyes mọmoꞌ ĉaĉaij na yụ jéye junꞌ chuc sadam cạveye mi higueraĉan? Yụ raꞌ damꞌdye mọjoꞌchas ferdyeꞌ jịꞌcaveyeye —yi jajiti.

Juan 10:41

Daiꞌ muntyiꞌ atsij ĉọcte in, yi jítidyeij in: —Meꞌ tsanꞌ Juan jam jịꞌcaveyacsi ferdyeꞌ, rụij qui namꞌ p̂iijse Jesús, tas p̂eyacdyeꞌ cạ̈tsiꞌ muꞌyaꞌ —yi muntyiꞌ in.

Juan 11:15

meꞌ tsanꞌ meꞌ där qui namꞌ jämꞌ miꞌindyes itŝij yụ muꞌĉan, yoquiꞌdyemꞌ säñi jiquej u muꞌ, paj qui cavibutiĉaꞌ ferdyeꞌ yụs miꞌin paj qui anicjitiĉaꞌ yụ miꞌin. Jụdyej, ĉọcja yiristum muꞌ Lázaro —jéyacsi Jesús jịꞌchiyactyiꞌ muꞌ.

Juan 11:47

Mọꞌdyes qui muꞌin fariseo in vajmuꞌyaij muꞌin in tashchety cudyititytum Jenꞌcheꞌ in, räjtumdye judíoty ayoꞌ muꞌin. Yi jítidyeij in: —¿Junꞌ qui bu raꞌ q̂uinꞌ tsun ĉaĉaij na muꞌ Jesús anic daiꞌ jịꞌcaveyacsi ferdyeꞌ muꞌ?

Juan 12:18

Dyijtupte ferdyeꞌ in mọꞌdyes qui daiꞌ jiꞌrebete in muꞌ Jesús.

Juan 12:37

Meꞌ tsanꞌ muꞌ Jesús anic daiꞌ quiꞌ jịꞌcaveyacsi ferdyeꞌ muꞌinsiꞌyaꞌ vej muꞌin, uts na muꞌin tacaꞌ meꞌ mọmoꞌ in, jam anicjete in.

Juan 12:41

Meꞌ yi muꞌ Isaías jiquej, jäꞌmij p̂eijte muꞌ Jesús ĉaĉaij na muꞌ jäꞌmij cạvepte fer buꞌyedyeꞌ Jesússiꞌ muꞌ.

Juan 14:13

Yụ raꞌ jụjbiyac cọdacdyeꞌ miꞌin, jedyeꞌ chuc cọdaqui jụijyaꞌ miꞌin yụ́siꞌcheꞌ tịj, yụ raꞌ jụjbiyac, paj qui jorojĉanjeyaqui yụ Jenꞌsiꞌ fer buꞌyedyeꞌ yụ.

Juan 16:27

ĉaĉaij na muꞌdye Jenꞌ mạꞌjinac miꞌin. Muꞌ nash mạꞌjinac miꞌin ĉaĉaij na yụ mạꞌjitiĉaꞌ miꞌin judyeyaꞌ anicjitiĉaꞌ yụ miꞌin junꞌ chuc yụ Jenꞌyaty atsij.

Juan 16:30

Q̂uinꞌ chat tsun aty chị́yeyac, mi nash räj chị́yeꞌ jedyeꞌ, aty jam jemonac jéyac cọdacdyes p̂eyacdyeꞌ, mi na tạꞌcaty chịj, meꞌdyes qui meꞌ anicjeyac mi rụijdye meꞌ Jenꞌyaty atsij mi —jéte in jịꞌchiyactyiꞌ muꞌ.

Juan 2:1

Aty chibinyis mạyedyeꞌ ĉụiꞌdye jämiꞌ yiris feshta vämedyes Canáĉan, Galileaĉansiꞌ bäꞌyedyeꞌ. Mọꞌyaꞌ chimeꞌ Jesússiꞌ tseꞌ muꞌ, ĉọ́queꞌ mọꞌ feshta.

Juan 2:23

Muꞌĉan Jerusalénĉan muꞌ Jesús cạveꞌ mọꞌ feshta Jiꞌc̣honacdyes. Muꞌĉan jịꞌcaveyacsi ferdyeꞌ muꞌ mọꞌdyes qui daiꞌ anicjete in.

Juan 3:2

Uts ĉọcte tsedyedyeꞌ muꞌ Jesús jéte: —Jịꞌchiyacsity, tsun cạvepyac ferdyeꞌ mi, mọꞌdyes chị́yeyac mi Jenꞌtyiꞌ jutactyiꞌ muꞌ paj qui jịꞌchiyacsi muntyiꞌ mi. Jam meꞌchupte Jenꞌsiꞌ ferdyeꞌ jụijyaꞌ mi, a vuty jam tupuj meꞌ jịꞌcaveyacsi um ferdyeꞌ mi —yi muꞌ Nicodemo jéte Jesús.

Juan 4:3

Jesús chị́qui junꞌ chuc muꞌin fariseo in aty mọꞌ chịj in, aty qui jam maꞌjotyebajte in, mọꞌdyes qui sacjeꞌ jịꞌchiyactyiꞌtum muꞌ, Galileaĉan jijtuban in.

Juan 4:46

Aty meꞌsiꞌ muꞌ Jesús chimuꞌve jịjcaban Canáĉan, Galileaĉansiꞌ bäꞌyedyeꞌ, yóĉandyemꞌ vino jiꞌmuñeꞌ ojñiꞌ u. Chimeꞌdye muꞌĉan yirity ayoꞌ Capernaumĉantyiꞌ, japacjoij muꞌtyiꞌ ạvaꞌ.

Juan 4:54

Päräꞌ quiꞌ jịꞌcaveyacsi ferdyeꞌ muꞌ Jesús aty atsijbanyaꞌ Judeaĉantyiꞌ, Galileaĉan jijtuban.

Juan 5:23

paj qui yụ́cheꞌ räj irijyi muntyiꞌ in, yódyemꞌ irijjibun Jenꞌ u yụ in. Tyi chuc jam meꞌ irijyity yụ́cheꞌ in, meꞌdye chimeꞌ muꞌ Jenꞌ jam irijjibun yụ in.

Juan 6:14

Muntyiꞌ in cạvepte därsiꞌ ferdyeꞌ in Jesússiꞌ muꞌ, chat qui yi in: —Anicdye uts jasoꞌmitity p̂eyacdyeꞌ Jenꞌ, muꞌ p̂eijtety sánacdyeꞌ yiꞌ úcheꞌ ca raꞌ jijtuij jaccheꞌ —yi muntyiꞌ in.

Juan 6:2

Anic daiꞌ muntyiꞌ jịjcate in ĉaĉaij na cạvepte in ferdyeꞌ muꞌ jịꞌcaveyacsis, junꞌ chuc jiꞌchäcacseban areꞌreijtyiꞌ muntyiꞌ in.

Juan 6:26

Vorjeyacsi Jesús: —Yụ jéyac, meꞌ tsanꞌ quivdyiĉaꞌ yụ miꞌin, jam mọꞌ dyijtubutiĉaꞌ miꞌin mọꞌ ferdyeꞌ yụ cavibutiĉas miꞌin, jedyeꞌ chuc cạiꞌ mọꞌ, mọꞌdyes jam mạꞌjeꞌ anicjitiĉaꞌ yụ miꞌin, junꞌ chuc yụ jutactyiꞌ Jenꞌtyiꞌ muꞌ. Mọmꞌ dyijtutiñeꞌ miꞌin junꞌ chuc jiꞌsäcseyac jiquej junꞌ quiꞌ chuc c̣hụ́qui miꞌin.

Juan 6:30

Vorjete in: —Jiꞌcaviyitiĉamꞌ ferdyeꞌ mi paj qui tsun anicjebiyac p̂eyacdyeꞌ mi. Jiꞌcaviyitiĉamꞌ

Juan 7:31

Muntyiꞌ qui namꞌ daiꞌ anicjete in, yi in: —Muꞌ Jiꞌc̣honacsity Muntyiꞌ, mọꞌ jorojĉanjisinꞌ ĉaĉaij na anic daiꞌ quiꞌ ferdyeꞌ jiꞌcaviyisinꞌ.

Juan 9:16

Pạrej muꞌin fariseo yi in: —Muꞌ muntyiꞌ meꞌjintyiꞌ mi jam nash muꞌ Jenꞌyaty atsij, meꞌdyes qui jam ạ̈räjjeꞌ mọꞌ mạyedyeꞌ jịꞌjutyitidyes —yi in. Pạrej na yi muꞌyaꞌ in: —Juchajtumtyiꞌ jụijyaꞌ muꞌ muntyiꞌ, junꞌdyemꞌ joꞌmes meꞌchuiꞌ ferdyeꞌ —yi in. Mijam méquiꞌ cäts dyijyi muꞌcheꞌ in.

Jäqui'ves Corintoĉantyidyes 3:18

Mọꞌdyes q̂uinꞌ räj tsun aty jam bus buꞌjaꞌ vejyaꞌ tsun, Ayos quimꞌ mạijquedyemꞌ meꞌchupja vejyaꞌ tsun, mọꞌ qui jịꞌcaveyacsejaꞌ. Meꞌdye muꞌsiꞌ ferdyeꞌ muꞌ jämꞌ yuꞌtyiyicasinꞌ tsun, meꞌ meꞌ yejĉojaꞌ yojdyemꞌ muꞌ u. Meꞌ muꞌ Ayoꞌ, mọꞌ nash Jenꞌsiꞌ Ạꞌedyemꞌ.

Jäqui'ves Corintoĉantyidyes 4:17

Ọij q̂uinꞌ ñịbedyes jịꞌĉojtyejas tsun q̂uinꞌ ọyaꞌyas nash mọꞌ, cavin jiyiꞌ. Meꞌ tsanꞌ meꞌ räj ọij jịꞌĉojtyejas tsun, soꞌmac raꞌ tsun dadamꞌ mọjoꞌchas chäcdyis jämꞌsiꞌ Jenꞌyaꞌ, mọꞌ raꞌ jam jụꞌñisĉan mạyedyeꞌ mọtsiꞌ.

Jäqui'ves Corintoĉantyidyes 4:6

Tashcheꞌdyemꞌ jiquej, yoquiꞌdyemꞌ jämꞌtyeꞌyaꞌ jac jiquej u muꞌ Jenꞌ, meꞌ yi p̂eyaqui paj qui tojmadyeꞌĉansiꞌ shupquiꞌ mọꞌ mạijquedyeꞌ. Muꞌdye Jenꞌ mạijchubusinꞌ ĉojtyiꞌ tsun, paj qui tupuj cạvepja mạijquedyeꞌ Jenꞌsiꞌ muꞌ, mọꞌ cạvepjas tsun Jesucristosyaꞌ vejyaꞌ muꞌ.

Tashches Juansi' 5:13

Ọij q̂uinꞌ sáñeꞌ yụ miꞌindyes anicjeptintety Jenꞌtyiꞌ Ạvaꞌ muꞌ, yụ jéyac ọij paj qui jämꞌ chịj miꞌin, miꞌin aty Jenꞌyadyety miꞌin.