Juan 19:4 - Tsimane

⁴ Cuvij muꞌ shupqui Pilato muntyisyaꞌ vej muꞌin, yi muꞌ jéyacsi: —Jeshaꞌ yụ raꞌ jịꞌcaveyeyac uts Jesús paj qui cạvetinte ĉụiꞌsiꞌyaꞌ vej miꞌin itŝiꞌ juchaj dạcbite yụ —jéyacsi.

Juan 19:4 Iomraidhean Croise

Mateos 27:19

Chimeꞌdye aty ayoscheꞌ bäꞌyaquis muꞌ Pilato, mọꞌ na p̂en muꞌ juteyete p̂eyacdyeꞌ, mọꞌ yiꞌ: "Jam raꞌ meꞌtem uts muntyiꞌ, anic nash muꞌ rụijtyity. Yụ nash tamintute mụiꞌ, tsäquiꞌ tsäquiꞌ tamiñiꞌ yụ."

Mateos 27:24

Pilato aty cạvacsi aty jam junꞌ jụjte in, dadamꞌ mọmoꞌ cheꞌi fạ́coij in, chat qui muꞌ Pilato cọdaqui ojñiꞌ, muntyisyaꞌ vej muꞌin muꞌ favaqui un muꞌ. Yi muꞌ, jéyacsi muntyiꞌ in: —Meꞌ jịꞌĉoiꞌ yụ jam yụ jiꞌijate uts muntyiꞌ, jam yụ́siꞌ juchaj ọij, miꞌincheꞌ raꞌ tŝọiꞌ.

Mateos 27:4

Jéyacsi muꞌ: —Anic därsiꞌ juchaj yụ, yụ nash yụꞌtyeyete jiꞌijacdyes yirity muntyiꞌ itŝity juchaj. Muꞌin vorjete in: —Jam tsundyes mọꞌ, mídye raꞌ cạiꞌ.

Mateos 27:54

Muꞌin väc̣häꞌtyity in ayoꞌtumdye in, muꞌin ĉọjcatety jiquej in muꞌ Jesús, aty cạveꞌ in bubaquiꞌ jac judyeyaꞌ yocsiꞌ jedyeꞌ jiꞌcavitiꞌ in, chat qui tyumꞌ tyeij ĉojtyiꞌĉan muꞌin, yi in: —¡Rụijdye jiquej meꞌ anictyity Jenꞌtyiꞌ Ạvaꞌ muꞌ uts muntyiꞌ!

Lucas 23:4

Chat qui yi muꞌ Pilato jéyacsi muꞌin tashcheꞌ cudyitity Jenꞌcheꞌ in judyeyaꞌ räjenꞌdye muꞌin muꞌyaty in. Jéyacsi: —Mijam méquiꞌ dạcbite yụ juchaj utssiꞌ muntyis muꞌ.

Lucas 23:41

Anic qui namꞌ rụij meꞌ pacsinꞌ tsun in, mọꞌ juchaj ĉụiꞌsiꞌ tsun mọꞌ jiꞌmeꞌsinꞌ, útsi na muntyis itŝiꞌ méquis juchaj muꞌsimꞌ —jéyaqui penꞌdyeꞌ muꞌ.

Lucas 23:47

Muꞌ väc̣häꞌtyitytyiꞌ ayoꞌ muꞌin Romaĉantyiꞌ in aty cạvepte sänꞌdyeꞌ muꞌ, chat muꞌ q̂uinꞌdyemꞌ timaꞌquete Jenꞌ, yi: —Anic rụijtyity uts muntyiꞌ jiquej.

Juan 18:33

Pilato cuvij sisan acaꞌĉan muꞌ, jiꞌvorvete muꞌ Jesús jéte: —¿Mi caꞌ judíoty ayoꞌ muꞌin? —jéte.

Juan 18:38

Vorjete Pilato: —¿Jụꞌñis ĉaĉaij rụijsis p̂eyacdyeꞌ o? Jeshaꞌ jítiꞌ —jéte. Quivij shupqui muꞌ Pilato jéyacsi muntyiꞌ in: —Itŝiꞌ méquiꞌ dạcbite yụ juchaj utssiꞌ muꞌ.

Juan 19:6

Muꞌin tashchety cudyitity Jenꞌcheꞌ in judyeyaꞌ muꞌin yụꞌtactyiꞌ ĉọjcaiꞌtyiꞌ Jenꞌsiꞌ acaꞌ in, cạvete in äjyedyeꞌtum p̂eyaqui in yi in: —¡Uts pacme croshcheꞌ, uts pacme croshcheꞌ! —yi in. Jéyacsi Pilato: —Miꞌindye cạmac, miꞌindye raꞌ pactinte croshcheꞌ, yụ jam yiris dạcbite juchaj muꞌ —jéyacsi.

Jäqui'ves Corintoĉantyidyes 5:21

Cristo itŝity juchaj, Jenꞌ qui namꞌ jeñej buꞌyi juchajtumtyiꞌ jacaviti tsundyes paj qui tsun Cristoty tsun rụij yụꞌtac tsun Jenꞌsiꞌyaꞌ vej muꞌ.

Hebreodyes 7:26

Där jämꞌ muꞌ cudyiti Jenꞌcheꞌ tsundyes, muꞌ jemonjaty tsun. Muꞌ jam jụꞌñity, mijam damꞌ juchaj meꞌchuiꞌtyiꞌ, pạrejtactyiꞌ juchajtumtyiꞌyaꞌ in, anic jiyi cheꞌve yụꞌtac muꞌ, ọyaꞌyaꞌdye mạyedyeꞌcheꞌ.

Tashches Pedros 1:19

meꞌdye Cristosyaꞌ chäsh muꞌ, mọꞌ mọjoꞌchaꞌ yaꞌiꞌsiꞌ, mọꞌyaꞌ jiꞌc̣honnac muꞌ Jenꞌ. Ĉụiꞌsiꞌ chäsh muꞌ yụꞌtaqui muꞌ Cristo, jiꞌijatiyaꞌ jiquej muntyidyes juchaj, jeñej jam jụꞌñis oveca, meꞌ buꞌyi muꞌ.

Tashches Pedros 2:22

Muꞌsiꞌ jam méquis juchaj muꞌ mijam väñädyeꞌ muꞌ.

Tashches Pedros 3:18

Muꞌdye Cristo yirimꞌ ijac tsunsidyesiꞌ juchaj jiquej, mijam raꞌ jụꞌñisĉan mạyedyeꞌ quivij ijac muꞌ. Meꞌ tsanꞌ rụijtyity muꞌ, ñịbedyes qui namꞌ jịꞌĉojtyeꞌ tsundyesiꞌ ac̣hiꞌyejatydyes tsun, paj qui jämꞌ yuꞌsinꞌ Jenꞌyaꞌ. Ijacyaꞌ jiquej muꞌ, mọꞌ sänꞌdyes aꞌ muꞌ säñiꞌ, chat qui Ạꞌedyeꞌyaꞌ Jenꞌsiꞌ muꞌ vañinyeban muꞌ.

Tashches Juansi' 3:5

Chịj tyuꞌ u miꞌin atsijyaꞌ jiquej muꞌ Jesucristo muꞌ atsij vaꞌquictyityisinꞌ juchaj tsun, meꞌdyes muꞌ atsij úcheꞌ jijtuij jiquej, muꞌsiꞌ na itŝiꞌ méquis juchaj muꞌ mijam méquiꞌ meꞌchuiꞌ.