Juan 19:1 - Tsimane

¹ Chat qui muꞌ Pilato jéyacsi muꞌin väc̣häꞌtyity in paj qui fer siꞌbete in muꞌ Jesús.

Juan 19:1 Iomraidhean Croise

Isaías 50:6

Yụ soꞌmacsi murujru yụ paj qui siꞌbin yụ in, chimeꞌdye varjibun yutis yụ in, mijam jätäjjeyacsi yụ. Meꞌ tsanꞌ mistyin yụ in, meꞌ tsanꞌ chuptyin vejyaꞌ yụ in, yụ qui namꞌ jam jätäjjeyacsi, memꞌ jiꞌc̣huꞌc̣huti yụ.

Isaías 53:5

Tsunsidyes na jiquej mọꞌ juchaj meꞌte areꞌte in, tsunsidyes ac̣hiꞌyedyeꞌ siꞌbete in. Mọꞌ vaꞌtacdyeꞌ jịꞌĉojtyes muꞌ, mọꞌ jiꞌchäĉujsinꞌ, mọꞌ areꞌredyeꞌ jịꞌĉojtyeꞌsiꞌ muꞌ, mọꞌ jiꞌc̣honsinꞌ tsun.

Mateos 20:19

Chat qui raꞌ jiꞌmeꞌtyin yụ in yoctyiꞌyaꞌ ayoꞌ in jam judíoyaꞌ in. Muꞌin raꞌ dyisactyin yụ in, judyeyaꞌ raꞌ siꞌbin yụ in, judyeyaꞌ raꞌ croshcheꞌ pactyin yụ in, chibin qui na ramꞌ mạyedyeꞌ meꞌ buꞌyi yụ, chat qui raꞌ vañinyeban yụ.

Mateos 23:34

Mọꞌdyes yụ raꞌ juteyeyac muntyiꞌ in muꞌin cayinactyiꞌ p̂eyacdyeꞌ in, muꞌin dyijyedyeꞌtumtyiꞌ in, judyeyaꞌ jiꞌchäyinactyiꞌ in. Miꞌin na raꞌ jam jụjjeĉunacsi, pạrej raꞌ ijabutiĉaꞌ miꞌin, pạrej raꞌ pacbutiĉaꞌ croshcheꞌ miꞌin, judyeyaꞌ pạrej raꞌ siꞌbibutiĉaꞌ vajmuꞌyadyeꞌĉan miꞌin, judyeyaꞌ pạrej raꞌ junanaj ĉụiꞌ jịjijcayibutiĉaꞌ miꞌin, meꞌ meꞌ raꞌ meꞌbutiĉaꞌ miꞌin.

Lucas 18:33

judyeyaꞌ raꞌ siꞌbin yụ in, judyeyaꞌ raꞌ ijan yụ in. Chibin qui na ramꞌ mạyedyeꞌ meꞌ buꞌyi yụ chat qui raꞌ vañinyeban yụ —jéyacsi Jesús jịꞌchiyactyiꞌ muꞌ.

Lucas 23:16

Mọꞌdyes yụ raꞌ jiꞌsiꞌbete fer útsi chat qui raꞌ farajjebajte yụ —jéyacsi Pilato muntyiꞌ in.

Lucas 23:23

Muꞌin na yejĉoij cọdyevaꞌte in paj qui jụjtacsi judyeyaꞌ paj qui pactac croshcheꞌ muꞌ. Yejĉoij äjnaqui in junꞌ quiꞌ chuc jụjtacsi Pilato.

Jäqui'ves Corintoĉantyidyes 11:24

Muꞌin judíoty ayoꞌ muꞌin ĉanamꞌ quiꞌ siꞌbin yụ in, cäts chibin quiꞌtac arajtac jiyiꞌ quiꞌ sip cạiꞌ yụ.

Hebreodyes 11:36

Chimeꞌdye pạrej muꞌyaꞌ fer ñinac in judyeyaꞌ siꞌbac in, pạrej saptac cadenayaꞌ in judyeyaꞌ ĉärꞌtac in.

Tashches Pedros 2:24

Muꞌdye Cristo ĉụiꞌsiꞌĉan aꞌ muꞌ cabusinꞌ juchaj tsun, croshcheꞌ ijac muꞌ, muꞌtum sänjaꞌ tsun paj qui aty jam junꞌsinꞌ juchaj tsun, paj qui rụij bäꞌjaꞌ Jenꞌdyes. Muꞌ nash jịꞌĉojtyeꞌ areꞌredyeꞌ tsundyesiꞌ paj qui tsạꞌ buꞌjaꞌ Jenꞌdyes.