Juan 17:3 - Tsimane

³ Tyi chuc mi chäyintyiꞌ in judyeyaꞌ yụ chimeꞌ chäyin yụ in, muꞌin raꞌ míyaꞌ bäꞌyi in, meꞌdye mimꞌ yirity Anictyity Jenꞌ, judyeyaꞌ yụ Jesucristo jutactyiꞌ mi.

Juan 17:3 Iomraidhean Croise

Proverbios 8:35

Tyi chuc dạcbun yụs p̂eyacdyeꞌ yụ in, muꞌin raꞌ maꞌjotac Ayoꞌyaꞌ in, ĉaĉaij na mọꞌ tsạꞌchucsis.

Isaías 53:11

Jiꞌcajñeꞌ därsiꞌ ñịbedyes muꞌ, muꞌ rụijtyity Úñity Ayoꞌtyiꞌ, chat qui raꞌ maꞌjoban muꞌ, chịj raꞌ muꞌ jam fibidyes ñịbedyes muꞌ, muꞌ raꞌ rụij yụꞌtacsi vayacjeyacsebi juchaj muꞌin daiꞌtyiꞌ muntyiꞌ in, ĉaĉaij na muꞌ cạcsebi räj juchaj muꞌin.

Marcos 9:37

—Tyi chuc yụ́dyes tiĉuñete uts miquity in, yụ́mun chimeꞌ tiĉuñin yụ in. Tyi chuc tiĉuñin yụ in, jam yụmꞌ tiĉuñin yụ in, Jenꞌmun chimeꞌdye tiĉunꞌte in, muꞌ jutintyiꞌ yụ.

Lucas 9:48

Chat qui muꞌ Jesús jéyacsi: —Tyi chuc yụ́dyes tiĉunꞌtety uts miquity, yụ́dye mọmoꞌ tiĉuñin yụ in. Tyi chuc tiĉuñintyiꞌ yụ in, Jenꞌdye mọmoꞌ chimeꞌ tiĉunꞌte in, muꞌ jutintyiꞌ yụ. Tyi chuc uyaꞌyaꞌ yuꞌtity miꞌinĉantyiꞌ, muꞌ nash mujuꞌchaꞌ shupqui Jenꞌsiꞌyaꞌ vej muꞌ.

Juan 10:36

Damꞌdye yụ jam ñäñitidyeꞌ buꞌyiꞌ Jenꞌdyes shupquiꞌ, meꞌ tsanꞌ yi yụ: "Yụ Jenꞌtyiꞌ Ạvaꞌ muꞌ", ĉaĉaij na Jenꞌdye tsimꞌtyin yụ judyeyaꞌ jutin yụ paj qui úcheꞌ jaccheꞌ atsij yụ.

Juan 11:42

Chị́yeye yụ mi räjĉan seꞌvibutim cọdacdyeꞌ yụ, ọij mọmoꞌ q̂uinꞌ jéye mi paj seꞌvaqui uts muntyiꞌ in paj qui muꞌin anicjin yụ in yụ jutactyiꞌ mítyiꞌ —yi Jesús jéte Jenꞌ.

Juan 14:26

Yụ raꞌ cọdyete Jenꞌ paj qui muꞌ jutiyinac Ạꞌedyeꞌ muꞌ, mọꞌ Nọ́taquis, mọꞌ raꞌ cambiyadyes yụ́tum. Mọꞌ qui raꞌ räj jiꞌchäyinac judyeyaꞌ mọꞌdye raꞌ jiꞌdyijvibunac mọꞌ p̂eyacdyeꞌ mọꞌ soꞌmeyacsiꞌ yụ.

Juan 17:18

Yojdyemꞌ mi u jutitiꞌ jiquej mi paj qui yụ atsij úcheꞌ jaccheꞌ, meꞌdye yụ chimeꞌ yụ jutacsi muꞌin in paj qui voroꞌtacsi in úcheꞌ jacchety muntyiꞌ in.

Juan 17:21

Yụ́tyiꞌ Jenꞌ, yụ cọdyeye paj qui vaj cäts dyijyi in räj muꞌin in yojdyemꞌ yụ u mítum vaj cäts dyijyejaꞌ. Yụ cọdyeye paj qui meꞌdye muꞌin chimeꞌ in vaj cäts dyijyi tsuntum in, chat qui raꞌ jacchety muntyiꞌ in anicjin yụ in junꞌ chuc yụ anictyity jutactyiꞌ mi.

Juan 17:23

Meꞌ buꞌyi yụ muꞌintum in, yojdyemꞌ mi yụ́tum u, paj qui vaj cäts dyijyi in, meꞌ raꞌ jacchety muntyiꞌ in chịj raꞌ in junꞌ chuc yụ anictyity jutactyiꞌ mítyiꞌ, judyeyaꞌ raꞌ chịj chimeꞌ in mi mạꞌjeyacsi muꞌin anicjintyiꞌ yụ in, yojdyemꞌ mi u mạꞌjitim, meꞌdye chimeꞌ muꞌin in mạꞌjeyacsi mi.

Juan 17:25

Yụ́tyiꞌ Jenꞌ, mimꞌ yirity rụijtyity, jacchety na muntyiꞌ in jam chäyin in, yụ na chị́yeye judyeyaꞌ muꞌin anicyity mícheꞌ in chichäyindye in junꞌ chuc yụ jutactyiꞌ mity.

Juan 17:8

Aty yụ jiꞌjiyeyacsi mọꞌ p̂eyacdyeꞌ soꞌmitis jiquej mi, muꞌin jụjbun in. Muꞌin chịj in míyaty atsij yụ judyeyaꞌ anicjin yụ in yụ jutactyiꞌ mítyiꞌ.

Juan 3:17

Jenꞌ jutaqui Ạvaꞌ muꞌ, jam paj qui vaꞌtacdyeꞌ soꞌmacsi jacchety muntyiꞌ in. Damꞌdye muꞌ jutaqui Ạvaꞌ paj qui muꞌ jiꞌc̣honacsive muntyiꞌ in.

Juan 3:34

Muꞌ anictyity Jutactyiꞌ Jenꞌtyiꞌ muꞌ, mọmꞌ p̂eyepte Jenꞌsiꞌ p̂eyacdyeꞌ muꞌ, ĉaĉaij na Jenꞌ jasoꞌmiti ĉụiꞌsiꞌ Ạꞌedyeꞌ muꞌ, anic mọjoꞌchaꞌ mọꞌcheꞌ soꞌmete.

Juan 5:44

Mọmꞌ dyijtutiñeꞌ miꞌin muntyiꞌyamꞌ timaꞌcac miꞌin, jam qui namꞌ dyijtutiñeꞌ miꞌin paj qui Jenꞌ timaꞌquinac miꞌin, mọꞌdyes jam junꞌ anicjitiĉaꞌ yụ miꞌin.

Juan 6:57

Muꞌ tsạꞌtyiꞌ Jenꞌ yụ, muꞌ jutintyiꞌ yụ, muꞌ tsạꞌchun yụ, meꞌdye raꞌ yụ chimeꞌ, tyi chuc jibibuntyiꞌ shush yụ in, muꞌin raꞌ tsạꞌchucsi yụ.

Juan 7:29

Yụ qui namꞌ chị́yete ĉaĉaij na muꞌyaty jiquej atsij yụ, muꞌ jutin yụ —jéyacsi Jesús.

Juan 8:19

Chat qui jéte in: —¿Junaꞌ Jenꞌ um? Vorjeyacsi Jesús: —Mijam chäyitiĉaꞌ yụ miꞌin tyi buty yụ, chidyemꞌ Jenꞌ u yụ maꞌyity jam chäyibutiĉaꞌ u miꞌin. Chäyitiĉaꞌ jụijyaꞌ yụ miꞌin, a vuty chimeꞌ chäyibutiĉaꞌ Jenꞌ yụty u miꞌin —jéyacsi Jesús.

Tashches Corintoĉantyidyes 15:34

Tsạꞌejamꞌ dyijyedyeꞌĉan miꞌin, meꞌquiꞌdye raꞌ juchaij miꞌin, ĉaĉaij na pạrej muꞌyaꞌ miꞌinĉantyiꞌ in mijam chị́yete Jenꞌ pạrej in, mijam anicjete in. Där tsị́cadyeꞌ shupquiꞌ mọꞌ miꞌindyes.

Tashches Corintoĉantyidyes 8:4

Yụ raꞌ q̂uinꞌ jéyac junꞌ chuc mọꞌ shush mọꞌyaꞌ jadyiquis jämꞌtacdyeꞌyaꞌ. Chị́jaꞌ tsun mọꞌin jämꞌtacdyeꞌ in mijam méquiꞌ jenꞌ buꞌyiꞌ in, mijam méquiꞌ ferdyeꞌ meꞌchuiꞌ in, meꞌdye Jenꞌ mọmoꞌ yirity muꞌyaꞌ.

Jäqui'ves Corintoĉantyidyes 4:6

Tashcheꞌdyemꞌ jiquej, yoquiꞌdyemꞌ jämꞌtyeꞌyaꞌ jac jiquej u muꞌ Jenꞌ, meꞌ yi p̂eyaqui paj qui tojmadyeꞌĉansiꞌ shupquiꞌ mọꞌ mạijquedyeꞌ. Muꞌdye Jenꞌ mạijchubusinꞌ ĉojtyiꞌ tsun, paj qui tupuj cạvepja mạijquedyeꞌ Jenꞌsiꞌ muꞌ, mọꞌ cạvepjas tsun Jesucristosyaꞌ vejyaꞌ muꞌ.

Filiposĉantyidyes 3:10

Mọmꞌ yiris dyijtuiꞌ yụ paj qui rụij chị́yete yụ muꞌ Cristo, muꞌ vañinyebantyiꞌ jiquej ferdyeꞌyaꞌ muꞌ. Yụ mạꞌjeꞌ paj qui mọꞌdye ferdyeꞌ meꞌchupte yụ carijtacdyeꞌyaꞌ muꞌdyes yụ, judyeyaꞌ mạꞌjeꞌ yụ jịꞌĉojtyeꞌ ñịbedyes muꞌdyes, yojdyemꞌ muꞌ ñịbeꞌ cạveꞌ Jenꞌdyes jiquej u, meꞌdye mạꞌjeꞌ yụ chimeꞌ, meꞌ tsanꞌ säñi yụ carijtacdyedyes yụ Cristodyes, mọꞌ mạꞌjeꞌ yụ.

Filiposĉantyidyes 3:8

Anicdye meꞌ, meꞌ tsanꞌ anictyity hebreo naꞌi yụ, meꞌ tsanꞌ rụij bäꞌyity jiquej yụ, paj qui tsanꞌ rụij yụꞌtac Jenꞌyaꞌ yụ, meꞌ ĉúti yụ, q̂uinꞌ qui namꞌ anic fibis mọꞌ ĉọiꞌ yụ, ĉaĉaij na aty chịj yụ jam mọꞌ mọmoꞌ meꞌ, räj junꞌ chuc bäꞌyi yụ jiquej, junꞌ chuc dyijyi yụ, räj mọꞌ joꞌmemes fibis ĉọiꞌ yụ. Meꞌdye yiris mọmoꞌ dyijtuiꞌ yụ, dadamꞌ mọjoꞌchaꞌ mạꞌjeꞌ yụ paj qui rụij chị́yete yụ muꞌ Cristo Jesús, Ayoꞌ yụ, muꞌ chat mujuꞌchaꞌ yaꞌij, jam jeñej yocsiꞌ jedyeꞌ in, ọyaꞌyaꞌ in. Meꞌdyes farajjeꞌ yụ joꞌmes tashches dyijyedyeꞌ yụ räj, mọꞌ jeñej buꞌyiꞌ patsacdyeꞌ shupquiꞌ yụ́tum, yụ meꞌjeꞌ paj qui muꞌ penꞌdyetun yụ muꞌ Cristo, muꞌ chat mujuꞌchaꞌ yaꞌij.

Tashches Tesalonicaĉantyidyes 1:9

Muꞌindye jin tsun in aty seꞌveꞌ in junꞌ chuc miꞌin tiĉunꞌtiĉaꞌ jiquej tsun miꞌin, yoquiꞌdyemꞌ voroꞌtyeyacyaꞌ jiquej tsun u. Chimeꞌ muꞌin seꞌvaqui in junꞌ chuc miꞌin yacchutiñeꞌ jiquej jämꞌtacdyeꞌ in, cäc̣häꞌchutinte qui muꞌ anictyity Jenꞌ, muꞌ tsạꞌtyiꞌ

Jäqui'ves Tesalonicaĉantyidyes 1:8

Muꞌ raꞌ vaꞌtyeyeyacsi jụꞌñity chuc vaꞌquectety Jenꞌ in, muꞌin jam chiquety in jämꞌsiꞌ p̂eyacdyeꞌ p̂eijtes muꞌ Jesús Ayoꞌ tsun.

Hebreodyes 3:1

Vojity yụ, vaj yiriꞌyaꞌ Jenꞌtyiꞌ miꞌin, judyeyaꞌ fayactyiꞌ Jenꞌyaꞌ miꞌin. Dyijtumac miꞌin muꞌ Cristo Jesús, muꞌ jutactyiꞌ Jenꞌtyiꞌ muꞌ paj qui muꞌ anictyity cudyitity Jenꞌcheꞌ tsundyes, muꞌcheꞌ ĉútiĉaꞌ q̂uinꞌ tsun.

Jäqui'ves Pedros 1:2

Yụ cọdyete Jenꞌ paj qui muꞌ soꞌminac ñịbeꞌjitidyes muꞌ, paj qui chimeꞌ soꞌminac maꞌjodyeꞌ ĉojtyiꞌĉandyes miꞌin, paj qui jam quijnacdyeꞌtum soꞌminac, meꞌ buꞌyi raꞌ yuꞌtyiyinac muꞌ Jenꞌ ĉaĉaij na miꞌin jämꞌ chị́yetinte judyeyaꞌ chimeꞌ chị́yetinte muꞌ Jesús Ayoꞌ tsun.

Jäqui'ves Pedros 1:3

Jenꞌ ĉụiꞌsiꞌyaꞌ ferdyeꞌ muꞌ räj soꞌmisinꞌ mọꞌ jemonjas tsun paj qui rụij bäꞌjaꞌ, judyeyaꞌ cäc̣häꞌchubija Jenꞌsiꞌ dyijyedyeꞌ muꞌ, meꞌ raꞌ tsun ĉaĉaij na aty chị́yeja muꞌ Cristo. Muꞌ fayisinꞌ paj qui meꞌchubija ferdyeꞌ muꞌ judyeyaꞌ jämꞌyedyeꞌ muꞌ.

Jäqui'ves Pedros 1:8

Meꞌ cächjetiñeꞌ dyijyedyeꞌ jụijyaꞌ miꞌin, meꞌ raꞌ chat Jenꞌdyes bäꞌyi miꞌin, mijam raꞌ fibiꞌ bäꞌyi miꞌin, mijam qui raꞌ chimeꞌ fibiꞌ chị́yetinte Jesucristo Ayoꞌ tsun.

Tashches Juansi' 1:2

Atsijyaꞌ jiquej muꞌ Tsạꞌchucsity, tsun cạvete, mọꞌdyes qui tsun jéyacsi muntyiꞌ in judyeyaꞌ miꞌin chimeꞌ jịꞌchiqueyeyac junꞌ chuc muꞌ Tsạꞌchucsity muntyiꞌ, muꞌ yụꞌtacsi paj qui Jenꞌyaꞌ bäꞌyi in. Muꞌ Jenꞌyaty atsij jiꞌcaviti tsunyaꞌ, Jenꞌ jiꞌcaviyin tsun.

Tashches Juansi' 1:3

Tsun qui jịꞌchiqueyeyac miꞌin ĉaĉaij na cạvete tsun judyeyaꞌ seꞌvete tsun, paj qui Cristoty miꞌin paj qui vaj cäts yiriꞌyaꞌ cäc̣häꞌchupja Jenꞌsiꞌ dyijyedyeꞌ muꞌ, muꞌ Ạvatusinꞌtyiꞌ tsun judyeyaꞌ Jesucristosmun dyijyedyeꞌ chimeꞌ, Jenꞌtyiꞌ Ạvaꞌ muꞌ.

Tashches Juansi' 2:23

Tyi chuc vaꞌquecbitety Jenꞌtyiꞌ Ạvaꞌ muꞌ, chimeꞌjajitidye raꞌ muꞌ Jenꞌ javaꞌquicdyi. Tyi chuc meꞌchubitety Jenꞌtyiꞌ Ạvaꞌ muꞌ, muꞌ raꞌ Jenꞌ jameꞌchuti.

Tashches Juansi' 4:6

Tsun qui namꞌ Jenꞌtyiꞌ tsun, muꞌin chị́yetety Jenꞌ in muꞌin seꞌvibusinꞌ p̂eyacdyeꞌ tsun, muꞌin na jam Jenꞌtyiꞌ in muꞌin jam seꞌvibusinꞌ p̂eyacdyeꞌ tsunsiꞌ in. Chị́jaꞌ tsun tyi chuc seꞌvibusinꞌ p̂eyacdyeꞌ in, muꞌin meꞌchupte in Jenꞌsiꞌ Ạꞌedyeꞌ muꞌ, mọꞌ p̂eyeꞌsiꞌ rụijsis p̂eyacdyeꞌ, judyeyaꞌ chimeꞌ chị́jaꞌ tsun tyi chuc jam seꞌvibusinꞌ p̂eyacdyeꞌ in, muꞌin meꞌchubiꞌ sọyos dyijyedyeꞌ in, mọꞌ p̂eyes cäjsis p̂eyacdyeꞌ.

Tashches Juansi' 5:20

Chimeꞌdye chị́jaꞌ tsun aty atsij Jenꞌtyiꞌ Ạvaꞌ muꞌ, muꞌ soꞌmisinꞌ ĉojtyiꞌĉandyes dyijyedyeꞌ paj qui tupuj chị́yeja muꞌ anictyity Jenꞌ. Tsun anictyitytum buꞌjaꞌ Jenꞌ judyeyaꞌ Jesucristotum buꞌjaꞌ chimeꞌ, Jenꞌtyiꞌtum Ạvaꞌ muꞌ. Muꞌ Jesucristo anictyity Jenꞌ muꞌ tsạꞌchusinꞌ tsun judyeyaꞌ yuꞌsinꞌ paj qui Jenꞌyadyety tsun.