Juan 16:3 - Tsimane

³ Meꞌ raꞌ meꞌtyinac in ĉaĉaij na jam damꞌ chäyin yụ in, mijam Jenꞌ yụ chäyibun chimeꞌ yụ in.

Juan 16:3 Iomraidhean Croise

Lucas 10:22

Chat qui muꞌ Jesús jéyacsi muꞌyaty in: —Jenꞌ yụ räj yuꞌtyiyin jiquej yụ räj meꞌchuiꞌ yụ ayoꞌbuꞌyedyes yụ. Jam yirity tyi chäyin yụ in, meꞌdye Jenꞌ mọmoꞌ chäyin yụ. Chimeꞌdye Jenꞌ jam yirity tyi chị́yete, yụ mọmoꞌ Ạvaꞌ muꞌ chị́yete yụ. Chimeꞌdye jụꞌñity chuc yụ mạꞌjeꞌ jịꞌchiqueyacsi paj qui chị́yeteve in muꞌ Jenꞌ, muꞌin mọmoꞌ tupuj chị́yete in —yi jéyacsi Jesús.

Juan 15:21

Meꞌ raꞌ muꞌin in jịꞌñibeꞌcanac in, ĉaĉaij na yụ́yaty miꞌin. Meꞌ raꞌ muꞌin in ĉaĉaij na jam chị́yete Jenꞌ in, muꞌ jutintyiꞌ yụ.

Juan 15:23

Tyi chuc fáquintyiꞌ yụ in, chimeꞌdye Jenꞌ yụ fáquibun yụ in.

Juan 17:25

Yụ́tyiꞌ Jenꞌ, mimꞌ yirity rụijtyity, jacchety na muntyiꞌ in jam chäyin in, yụ na chị́yeye judyeyaꞌ muꞌin anicyity mícheꞌ in chichäyindye in junꞌ chuc yụ jutactyiꞌ mity.

Juan 17:3

Tyi chuc mi chäyintyiꞌ in judyeyaꞌ yụ chimeꞌ chäyin yụ in, muꞌin raꞌ míyaꞌ bäꞌyi in, meꞌdye mimꞌ yirity Anictyity Jenꞌ, judyeyaꞌ yụ Jesucristo jutactyiꞌ mi.

Juan 8:19

Chat qui jéte in: —¿Junaꞌ Jenꞌ um? Vorjeyacsi Jesús: —Mijam chäyitiĉaꞌ yụ miꞌin tyi buty yụ, chidyemꞌ Jenꞌ u yụ maꞌyity jam chäyibutiĉaꞌ u miꞌin. Chäyitiĉaꞌ jụijyaꞌ yụ miꞌin, a vuty chimeꞌ chäyibutiĉaꞌ Jenꞌ yụty u miꞌin —jéyacsi Jesús.

Juan 8:55

Meꞌ tsanꞌ meꞌ jétinte miꞌin, jam qui namꞌ chị́yetinte miꞌin, yụ na jämꞌ chị́yete. Yi yụ jéyac jụijyaꞌ "Yụ jam chị́yete", a vuty väväjñity shupqui u yụ, yojdyemꞌ miꞌin u. Yụ na chị́yete muꞌ judyeyaꞌ chiquepte yụ p̂eyacdyeꞌ muꞌ.

Uñedye' 3:17

Vojity, yụ nash chị́yebiyac dyijyedyeꞌ miꞌin judyeyaꞌ ayos miꞌin chimeꞌ. Meꞌ tsanꞌ jiꞌijatinte jiquej muꞌ Jesús, jam qui namꞌ chịj miꞌin junꞌ buty mọꞌ cạiꞌ jiquej.

Tashches Corintoĉantyidyes 2:8

Jacchety ayoꞌ jiquej in mijam méquiꞌ chị́yepte in Jenꞌsiꞌ dyijyedyeꞌ muꞌ, chäyibuse jiquej jụijyaꞌ in, a vuty jam ijate croshcheꞌ u in muꞌ mạyedyeꞌchety Ayoꞌ tsun.

Jäqui'ves Tesalonicaĉantyidyes 1:8

Muꞌ raꞌ vaꞌtyeyeyacsi jụꞌñity chuc vaꞌquectety Jenꞌ in, muꞌin jam chiquety in jämꞌsiꞌ p̂eyacdyeꞌ p̂eijtes muꞌ Jesús Ayoꞌ tsun.

Tashches Timoteodyes 1:13

Meꞌ tsanꞌ aꞌc̣his p̂eyacdyeꞌ jiꞌshupqueyete yụ jiquej judyeyaꞌ jịꞌñibeꞌcacsi yụ muꞌin cäc̣häꞌchutety in, anic fer ñịbeꞌtacsi jiquej yụ. Meꞌ tsanꞌ meꞌ, Jenꞌ qui namꞌ ñịbeꞌ ĉun yụ ĉaĉaij na yụ jambiꞌdyemꞌ anicjete Jesús yụ, jambiꞌdyemꞌ chị́yete jiquej yụ muꞌdye Jesús meꞌse yụ.

Tashches Juansi' 2:23

Tyi chuc vaꞌquecbitety Jenꞌtyiꞌ Ạvaꞌ muꞌ, chimeꞌjajitidye raꞌ muꞌ Jenꞌ javaꞌquicdyi. Tyi chuc meꞌchubitety Jenꞌtyiꞌ Ạvaꞌ muꞌ, muꞌ raꞌ Jenꞌ jameꞌchuti.

Tashches Juansi' 3:1

Äjyejamꞌ, junꞌ quiꞌ muꞌ Jenꞌ anic där mạꞌjisinꞌ u, där jämꞌ muꞌ ạvatusinꞌ tsun, muꞌ jísinꞌ: "Miꞌin nash ạvaꞌ yụ́tyiꞌ", jísinꞌ, mọꞌyaꞌ chị́jaꞌ mạꞌjitidyes muꞌ. Mọꞌdyes muꞌin úchety muntyiꞌ in jam chäyisinꞌ in tsun Jenꞌtyiꞌ ạvaꞌ muꞌ, ĉaĉaij na jam Jenꞌ chị́yete in.

Tashches Juansi' 4:8

Tyi chuc jam mạꞌjeyacsity, muꞌ jam chị́yete Jenꞌ ĉaĉaij na muꞌ Jenꞌ mạꞌjeyacsity buꞌyi.

Tashches Juansi' 5:20

Chimeꞌdye chị́jaꞌ tsun aty atsij Jenꞌtyiꞌ Ạvaꞌ muꞌ, muꞌ soꞌmisinꞌ ĉojtyiꞌĉandyes dyijyedyeꞌ paj qui tupuj chị́yeja muꞌ anictyity Jenꞌ. Tsun anictyitytum buꞌjaꞌ Jenꞌ judyeyaꞌ Jesucristotum buꞌjaꞌ chimeꞌ, Jenꞌtyiꞌtum Ạvaꞌ muꞌ. Muꞌ Jesucristo anictyity Jenꞌ muꞌ tsạꞌchusinꞌ tsun judyeyaꞌ yuꞌsinꞌ paj qui Jenꞌyadyety tsun.