Juan 15:2 - Tsimane

² Muꞌ räj tochjibun dacaꞌ yụ jụꞌñis chuc jam väshiꞌsiꞌ, mọꞌ na väshiꞌsiꞌ dacaꞌ jụijyaꞌ yụ, memꞌ shovꞌjibun yụ, meꞌ buꞌyiꞌ jämꞌ yụꞌtyeꞌ paj qui dadamꞌ mọjoꞌchaꞌ väshiꞌ.

Juan 15:2 Iomraidhean Croise

Proverbios 4:18

Muꞌin na rụijtyity in jam muꞌinsiꞌ meꞌ majmi in, mạijquedyeꞌ muꞌin cäc̣häꞌchuiꞌ in, meijquejĉoij rụij bäꞌyi in junꞌ quiꞌ chuc nạijjoiꞌ.

Mateos 13:12

Tyi chuc chiquepte dyijyedyeꞌ jụijyaꞌ muꞌ, muꞌin raꞌ soꞌmac in paj qui dadamꞌ mujuꞌchaꞌ chị́yepte in, jam raꞌ jayej muꞌindyes in. Muꞌin na jam mạꞌjeꞌ chiqueptety in, Jenꞌ raꞌ jäctyetacseban mọꞌ damꞌ meꞌchuiꞌsiꞌ in.

Mateos 13:33

Jesús jéyacsi yocsiꞌ jịꞌĉocdyes p̂eyacdyeꞌ, yi: —Meꞌ buꞌyiꞌ nash ayoꞌbuꞌyedyeꞌ Jenꞌsiꞌ muꞌ, jeñej buꞌyiꞌ mọꞌ jiꞌdujraquis pan. Yiris p̂en jämꞌteyaꞌ pan, jäcte jaꞌsha, cafonte jiꞌdujraquistum, meꞌ tsanꞌ daiꞌ jaꞌsha tas qui namꞌ sajquenꞌjete mọꞌ, jiꞌdujrete mọꞌ jiꞌdujraquis.

Mateos 15:13

Vorjeyacsi muꞌ Jesús: —Jeshaꞌ, mọꞌin cätidyeꞌ in jam quịcsis jụijyaꞌ Jenꞌ yụ mạyedyeꞌchety, räj raꞌ mọꞌin c̣hoijjeyac in.

Mateos 21:19

Cạveꞌ yiris cätidyeꞌ higuera jeijsis majmi. Mọꞌ ĉọ́queꞌ itŝiꞌ na mọs väsh, shan mọmoꞌ mọꞌyamꞌ. Chat qui jeꞌ muꞌ cätidyeꞌ: —¡Q̂uinꞌ chat jadyic mi meꞌquiꞌdye jebac väsh mi! Yédyeꞌĉan mọmoꞌ sacñenꞌ tyeiꞌ mọꞌ cätidyeꞌ.

Mateos 25:29

Tyi chuc jịꞌcätseꞌtyiꞌ, dadamꞌ raꞌ soꞌmac paj qui mujuꞌchaꞌ meꞌchuiꞌ muꞌ, tyi chuc jam jịꞌcätseꞌtyiꞌ, Jenꞌ raꞌ jachutyiti mọꞌ damꞌ meꞌchuiꞌsiꞌ muꞌ.

Mateos 3:10

Jenꞌ aty raꞌ tuiꞌ vaꞌtacdyeꞌ, jeñej yirity muntyiꞌ jịvaꞌchaiꞌ jam väshis cätidyeꞌ, meꞌdye raꞌ chimeꞌ Jenꞌ jịvaꞌchacsi muꞌin jam rụij bäꞌyity in, tsäquiꞌsis raꞌ vaꞌtacdyeꞌ vaꞌtyeyac in.

Mateos 3:12

Muꞌ raꞌ jịꞌcäts yụꞌtacsi muntyiꞌ in juchadyes, jeñej yirity muntyiꞌ tyiftety trivo, muꞌ tyiftactyiꞌ jämꞌ yụꞌtac acaꞌĉan muꞌ, mọꞌ na simꞌ jiꞌcoꞌshayac tŝijĉan, jam quivꞌjoiꞌsiꞌĉan, meꞌdye raꞌ chimeꞌ muntyiꞌ in.

Mateos 7:19

Jụꞌñis chuc jam jämꞌsiꞌ cätidyeꞌ mọꞌ jam jämꞌsiꞌ jiꞌshupques väsh mọꞌ, mọꞌ tupuj p̂ạc judyeyaꞌ jiꞌcoꞌshayac tŝijĉan.

Marcos 4:20

Mọꞌ na jämꞌyaꞌ jac tŝọiꞌsiꞌ vej, mọꞌ cạiꞌ jeñej muꞌin jämꞌ seꞌvety p̂eyacdyeꞌ in, judyeyaꞌ chiqueꞌ in, mọꞌdyes qui muꞌin Jenꞌdyes bäꞌyi in, jeñej jämꞌsiꞌ väsh, meꞌ buꞌyi muꞌin in, pạrej yiris vej quịcsiꞌ chibin quiꞌtac vej jubanꞌ mọꞌ, judyeyaꞌ pạrej jäbän quiꞌtac vej jubanꞌ mọꞌ, judyeyaꞌ pạrej cien vej jubanꞌ mọꞌ, meꞌ meꞌ raꞌ carijtaqui Jenꞌdyes in.

Lucas 8:13

Vej mijcheꞌ tŝọiꞌsiꞌ, mọꞌ cạiꞌ jeñej seꞌveꞌtyiꞌ tsanꞌ in mọꞌ p̂eyacdyeꞌ, tashcheꞌ tsanꞌ maꞌjodyeꞌtum tiĉuñeꞌ in. Mijam qui namꞌ ĉojtyiꞌĉan muꞌin jiꞌsiteꞌ in, jeñej buꞌyiꞌ itŝis ribin mọꞌ cätidyeꞌ, meꞌ buꞌyiꞌ mọꞌ p̂eyacdyeꞌ shupquiꞌ muꞌindyes in, damꞌtuquimꞌ cäc̣häꞌchuiꞌ in. A qui namꞌ jịꞌĉojtacyaꞌ in farajjecajcaiꞌ in, mijam damꞌ dyijtubanꞌ in.

Juan 15:1

Jesús jéyacsi: —Yụ nash anicsis cätidyeꞌ buꞌyity, meꞌ buꞌyi yụ, muꞌ na Jenꞌ yụ quịꞌtyiꞌ mọꞌ cätidyeꞌ.

Juan 15:16

Miꞌin na jam tsimꞌtiĉaꞌ yụ miꞌin, yoj na yụ tsimꞌtyeyac miꞌin judyeyaꞌ yụꞌtyeyac chimeꞌ paj qui Jenꞌdyes bäꞌyi miꞌin, paj qui jam fibiꞌ bäꞌyi miꞌin. Meꞌ jụijyaꞌ miꞌin Jenꞌ raꞌ jụjjibunac cọdacdyeꞌ, jedyeꞌ chuc cọdyetyetinte jụijyaꞌ miꞌin yụ́scheꞌ tịj.

Juan 15:3

Miꞌin aty c̣hiconꞌtactyiꞌ ĉojtyiꞌ ĉaĉaij na ọij p̂eyacdyeꞌ jịꞌchiqueyeyacsiꞌ yụ miꞌin, mọꞌ aty yuꞌtyinac c̣hiconꞌtactyiꞌ miꞌin.

Juan 15:6

Tyi chuc jam yejĉoij yụ́tum jụijyaꞌ in, muꞌin raꞌ vaꞌcac in, yojdyemꞌ tochtacsiꞌ dacaꞌ o meꞌjeyac raꞌ in. Aty chañej jụijyaꞌ chat qui dụriꞌjeyac judyeyaꞌ jiꞌcoꞌshayac.

Juan 15:8

Yejĉoij yụ́tyidyes Jenꞌ bäꞌyi jụijyaꞌ miꞌin, mọꞌyaꞌ raꞌ jorojĉanjebitinte fer buꞌyedyeꞌ Jenꞌsiꞌ muꞌ, judyeyaꞌ raꞌ anic cäc̣häꞌchutiĉaty shupqui miꞌin.

Juan 17:12

Penꞌdyetucsidyemꞌ yụ úcheꞌ jaccheꞌ jiquej in, yụ ĉọjcacsi judyeyaꞌ ñutsjetacsi yụ mọꞌyaꞌ mísiꞌyaꞌ ferdyeꞌ mọꞌ soꞌmitis jiquej mi. Jam jiꞌmonacsi yụ, yirity mọmoꞌ muꞌinĉantyiꞌ in aty moñi muꞌ, muꞌ vaꞌtacdyety muntyiꞌ, mumꞌ yirity moñi, mọꞌyaꞌ cạ̈tsiꞌ sánacdyeꞌ.

Romaĉantyidyes 11:17

Meꞌdye muꞌin chimeꞌ judío in, muꞌin jeñej buꞌyi dacaꞌ anicsis cätidyeꞌ orivos, meꞌ buꞌyi muꞌin in, pạrej tätstac dacaꞌ mọꞌ. Miꞌin na jam judío jeñej buꞌyi yiris dacaꞌ jeñej jam anicsis cätidyeꞌ orivos, meꞌ buꞌyi miꞌin jam judío miꞌin. Chat qui mọꞌ dacaꞌ peiꞌtac mọꞌyaꞌ täꞌtsacyaꞌ anicsischeꞌ orivo, mọꞌcheꞌ qui chịbiꞌ mọꞌ dacaꞌ, mọꞌmun chimeꞌ soꞌmac ferdyeꞌ mọꞌ tyumeꞌ chäsh ribinsimꞌ, meꞌ buꞌyi shupqui miꞌin jam judío miꞌin. Meꞌ tsanꞌ jam Jenꞌtyiꞌ jiquej tsimꞌtactyiꞌ miꞌin, miꞌinmun qui ñịbeꞌjeyac judíodyes miꞌin, Jenꞌ qui ñịbeꞌjinac.

Romaĉantyidyes 11:22

Ọij jiꞌchäquiyisinꞌ Jenꞌ anic jämꞌyity, tsäquiꞌ qui namꞌ muꞌ, muꞌ soꞌmacsi vaꞌtacdyeꞌ, tyi chuc juchaijtyiꞌ jụijyaꞌ in muꞌ raꞌ vaꞌtacdyeꞌ soꞌmacsi. Muꞌ jämꞌjinac miꞌin jam judío miꞌin, yejĉoij ĉúti jụijyaꞌ muꞌcheꞌ miꞌin jämꞌyitycheꞌ Jenꞌ. Jam meꞌ jụijyaꞌ miꞌin, muꞌ raꞌ vaꞌquicnac miꞌin, jeñejjinac raꞌ tätstacsiꞌ dacaꞌ, meꞌjinac raꞌ.

Romaĉantyidyes 8:28

Chị́jaꞌ tsun, jedyeꞌ chuc räjĉan jịꞌĉojtyejaꞌ tsun, meꞌ tsanꞌ ñịbeꞌ cạvejaꞌ tsun, muꞌdye qui namꞌ Jenꞌ meꞌ yuꞌtyiyisinꞌ joꞌmes jịꞌĉojtacdyeꞌ paj qui jämꞌjojaꞌve p̂anjaꞌ Jenꞌdyes tsun, tsun mạꞌjejatydyes Jenꞌ, tsun fayactyiꞌ ĉụiꞌsiꞌyaꞌ dyijyedyeꞌ muꞌ, tsundyes räj yuꞌtyiyisinꞌ paj qui jämꞌjojaꞌve.

Tashches Corintoĉantyidyes 13:1

Meꞌ raꞌ tsanꞌ soꞌmac jụijyaꞌ yụ paj qui yocsiꞌĉan p̂eyacdyeꞌ p̂eyaqui yụ, meꞌ raꞌ tsanꞌ anjersiꞌĉan p̂eyacdyeꞌ p̂eyaqui yụ, jam qui namꞌ mạꞌjeyacsi bäꞌyi jụijyaꞌ yụ, fibis raꞌ shupquiꞌ mọꞌ p̂eyacdyeꞌ yụ, jeñej yiris dẹvyiꞌsiꞌ shọijyis, meꞌ buꞌyiꞌ raꞌ shupquiꞌ mọꞌ p̂eyacdyeꞌ yụ.

Titodyes 2:14

Muꞌ ĉụiꞌ jiꞌujati tsundyes jiquej, paj qui jiꞌc̣honsinꞌ tsun räj aꞌc̣hisĉan jedyeꞌ, judyeyaꞌ paj qui muꞌ c̣hiconꞌjibusinꞌ aꞌc̣his jedyeꞌ ĉojtyiꞌĉansiꞌ tsun, judyeyaꞌ yuꞌsinꞌ paj qui muꞌdyety tsun, paj qui fer dyijtujaꞌ tsun junꞌ chuc raꞌ jämꞌ bäꞌjaꞌ muꞌdyes.

Hebreodyes 12:15

Areꞌĉa vaꞌquecbitinte Jenꞌsiꞌ ñịbeꞌjitidyes muꞌ, mọꞌ mạꞌjeꞌ soꞌmisinꞌsiꞌ, mijam raꞌ meꞌchutiñeꞌ aꞌc̣his dyijyedyeꞌ, mọꞌ jeñej buꞌyiꞌ aꞌc̣his däräꞌ chịbiꞌsiꞌ venenotumsiꞌ, meꞌ buꞌyiꞌdye mọmoꞌ chimeꞌ aꞌc̣his dyijyedyeꞌ miꞌin, mọꞌ ac̣hiꞌtacsiꞌ daiꞌ muntyiꞌ in.

Tashches Juansi' 2:19

Muꞌin meꞌtyity in, meꞌ tsanꞌ tsuntumtyiꞌ jiquej in, shubantyiꞌ qui namꞌ in, ĉaĉaij na jam ĉojtyiꞌĉan cäc̣häꞌchute Jenꞌ in, jam jeñej tsun. Jam meꞌ jụijyaꞌ in, a vuty jam farajjisinꞌ u in. Muꞌin meꞌtyity in jam jẹjcaiꞌ cäc̣häꞌchute Jenꞌ in, mọꞌyaꞌ tupuj chị́jaꞌ tsun muꞌin jam ĉojtyiꞌĉan cäc̣häꞌchute Jenꞌ in.

Jị'cavacdye' 3:19

Yụ nash fạraꞌjeĉunacsi aꞌc̣hisyaꞌ dyijyedyeꞌ judyeyaꞌ vaꞌtacdyeꞌyaꞌ jịꞌchiyacsi yụ yósiꞌdyemꞌ muꞌin mạꞌjeyacsity u yụ. Mọꞌdyes dyijyevac juchajcheꞌ miꞌin judyeyaꞌ cäc̣häꞌchutiĉaꞌ yụ fer dyijtutiĉam.