Juan 15:1 - Tsimane

¹ Jesús jéyacsi: —Yụ nash anicsis cätidyeꞌ buꞌyity, meꞌ buꞌyi yụ, muꞌ na Jenꞌ yụ quịꞌtyiꞌ mọꞌ cätidyeꞌ.

Juan 15:1 Iomraidhean Croise

Mateos 15:13

Vorjeyacsi muꞌ Jesús: —Jeshaꞌ, mọꞌin cätidyeꞌ in jam quịcsis jụijyaꞌ Jenꞌ yụ mạyedyeꞌchety, räj raꞌ mọꞌin c̣hoijjeyac in.

Mateos 20:1

Meꞌ buꞌyiꞌ ayoꞌbuꞌyedyeꞌ Jenꞌsiꞌ muꞌ, jeñej buꞌyiꞌ yirity muntyiꞌ quevacsity carijtaquity in. Pamꞌ sacyi muꞌ quevacsequi muntyiꞌ in paj qui ovaĉan carijtaqui in.

Mateos 21:33

Seꞌvibutiĉaꞌ raꞌ miꞌin yocsiꞌ jịꞌĉocdyes p̂eyacdyeꞌ yụ. Muꞌyaꞌ jiquej yirity muntyiꞌ jämꞌtyety quịjodyeꞌ ova quịꞌtyiꞌ. Sópetuiꞌ judyeyaꞌ jämꞌtyeꞌ cuptaquis ova, judyeyaꞌ jämꞌtyeꞌ chimeꞌ mọꞌĉan moches cạvacdyes quịjodyeꞌ. Aty ijaijyaꞌ jämꞌtyeꞌ joꞌmemes, chat muꞌ yụꞌtyeyacsi ĉọjcaptety in, muꞌin raꞌ jiꞌcheteyebajte in mọꞌ vädacdyeꞌ, chat qui yocsiꞌve jac jịjcaij muꞌ.

Marcos 12:1

Jesús jiꞌchäyitidyeꞌĉan muꞌ yụꞌtyeyeyacsi jịꞌĉocdyes p̂eyacdyeꞌ muꞌ. Jéyacsi: —Muꞌyaꞌ jiquej yirity muntyiꞌ jämꞌtyety quịjodyeꞌ ova quịꞌtyiꞌ. Sópetuiꞌ judyeyaꞌ jämꞌtyeꞌ cubaquis ova, judyeyaꞌ jämꞌtyeꞌ chimeꞌ mọꞌĉan mochches cạvacdyes quịjodyeꞌ. Aty ijaijyaꞌ jämꞌtyeꞌ joꞌmemes, chat qui muꞌ yụꞌtacsi ĉọjcaptety in, muꞌin raꞌ jiꞌcheteyebajte in mọꞌ vädacdyeꞌ, chat qui yocsiꞌve jac jịjcaij muꞌ.

Lucas 13:6

Jesús yụꞌtyeyacsi jịꞌĉocdyes p̂eyacdyeꞌ, jéyacsi: —Muꞌyaꞌ jiquej yirity meꞌchuiꞌtyiꞌ ova. Mọꞌyaꞌ chimeꞌ cätidyeꞌĉan ovaĉan yocsiꞌ sacacdyeꞌ tịj mọꞌ higuera. Muꞌ aꞌtumtyiꞌ ĉọ́queꞌ mọꞌ higuera, mạꞌjeꞌ tsanꞌ jäcbiꞌ väsh mọꞌ, mijam qui namꞌ mọꞌyaꞌ yiris tibuꞌ dạcbiꞌ.

Juan 1:17

Mọꞌ yụꞌtacdyeꞌ jiquej Jenꞌ soꞌmisinꞌ Moisésyaꞌ, mọꞌ na ñịbeꞌjitidyes Jenꞌsiꞌ muꞌ judyeyaꞌ mọꞌ rụijsis p̂eyacdyeꞌ, mọꞌ tuiꞌ muꞌ Jesucristo.

Juan 1:9

Q̂uinꞌ aty atsij úcheꞌ jaccheꞌ muꞌ anictyity mạijchucsity, mạijchucseti räj úchety muntyiꞌ in.

Juan 15:2

Muꞌ räj tochjibun dacaꞌ yụ jụꞌñis chuc jam väshiꞌsiꞌ, mọꞌ na väshiꞌsiꞌ dacaꞌ jụijyaꞌ yụ, memꞌ shovꞌjibun yụ, meꞌ buꞌyiꞌ jämꞌ yụꞌtyeꞌ paj qui dadamꞌ mọjoꞌchaꞌ väshiꞌ.

Juan 6:32

Vorjeyacsi Jesús: —Yụ jéyac, jam nash Moisésvun soꞌmacsi mạyedyeꞌches säcsedyeꞌ vóshiꞌvundyes jiquej miꞌin, Jenꞌ soꞌmacsi. Muꞌdye Jenꞌ yụ́tyiꞌ mumꞌ tupuj soꞌminac miꞌin mọꞌ anicsis mạyedyeꞌches säcsedyeꞌ.

Juan 6:55

Ọij shush yụ jeñej anicsis säcsedyeꞌ meꞌ buꞌyiꞌ, judyeyaꞌ chäsh yụ jeñej anicsis tyédyeꞌ.

Romaĉantyidyes 11:17

Meꞌdye muꞌin chimeꞌ judío in, muꞌin jeñej buꞌyi dacaꞌ anicsis cätidyeꞌ orivos, meꞌ buꞌyi muꞌin in, pạrej tätstac dacaꞌ mọꞌ. Miꞌin na jam judío jeñej buꞌyi yiris dacaꞌ jeñej jam anicsis cätidyeꞌ orivos, meꞌ buꞌyi miꞌin jam judío miꞌin. Chat qui mọꞌ dacaꞌ peiꞌtac mọꞌyaꞌ täꞌtsacyaꞌ anicsischeꞌ orivo, mọꞌcheꞌ qui chịbiꞌ mọꞌ dacaꞌ, mọꞌmun chimeꞌ soꞌmac ferdyeꞌ mọꞌ tyumeꞌ chäsh ribinsimꞌ, meꞌ buꞌyi shupqui miꞌin jam judío miꞌin. Meꞌ tsanꞌ jam Jenꞌtyiꞌ jiquej tsimꞌtactyiꞌ miꞌin, miꞌinmun qui ñịbeꞌjeyac judíodyes miꞌin, Jenꞌ qui ñịbeꞌjinac.

Tashches Corintoĉantyidyes 3:9

Tsun vaj meꞌ carijtaqui Jenꞌdyes, miꞌin jeñej buꞌyi Jenꞌsiꞌ quịjodyeꞌ muꞌ, meꞌ buꞌyi miꞌin. Chimeꞌdye jeñej buꞌyi miꞌin mọꞌ acaꞌ jämꞌtyevaꞌques muꞌ Jenꞌ.

Tashches Juansi' 2:8

Meꞌ tsanꞌ meꞌ, ọij p̂eyacdyeꞌ jéyacsiꞌ yụ q̂uinꞌ miꞌin, mụiꞌsis buꞌyiꞌ qui namꞌ shupquiꞌ, mọꞌ jịꞌcätses muꞌ Cristoyaꞌ, judyeyaꞌ miꞌin chimeꞌ q̂uinꞌ, ĉaĉaij na mọꞌ tojmadyeꞌ aty ọyaꞌyaꞌquejĉoiꞌ q̂uinꞌ, mọꞌ na rụijsis mạijquedyeꞌ mạijyebanꞌ.