3 Muꞌcheꞌ raꞌ yụ jämꞌ yụꞌtyeyeyac vavdyes miꞌin, a raꞌ meꞌsiꞌ jụijyaꞌ, chat qui raꞌ caꞌñibun yụ jäshadyeyac, muꞌcheꞌ raꞌ penꞌdyetuyac miꞌin, yócheꞌdyemꞌ yụ u.
Tyi chuc mạꞌjeꞌ ayotun yụ, paj muꞌ cäc̣häꞌchun yụ. Paj raꞌ tsanꞌ junaꞌ yụ, cäc̣häꞌ raꞌ muꞌ, judyeyaꞌ raꞌ Jenꞌ yụ jasoꞌmiti bijodyeꞌ chimeꞌ —jéyacsi Jesús.
A nash jéyac yụ, meꞌ raꞌ tsanꞌ jọban yụ, quivij qui na ramꞌ caꞌñibun yụ miꞌinyaꞌ. Mạꞌjitiĉaꞌ jụijyaꞌ yụ miꞌin, a vuty maꞌjoij u miꞌin ĉaĉaij na raꞌ yụ Jenꞌyaꞌ jịjcaban yụ, muꞌ mujuꞌchaꞌ buꞌyityyaꞌ, uyaꞌyaꞌ yụ.
Miꞌin aty chị́yetiñeꞌ majmi mọꞌcheꞌ jịjcaiꞌsiꞌ yócheꞌdyemꞌ raꞌ yụ u —jéyacsi Jesús.
Yụ́tyiꞌ Jenꞌ, mídye soꞌmitim muꞌin anicjintyiꞌ yụ in. Yụ mạꞌjeꞌ paj qui muꞌin penꞌdyetun yụ in yócheꞌdyemꞌ raꞌ bäꞌyi u yụ, muꞌcheꞌ raꞌ cavibun yụ in fer buꞌyedyeꞌ yụ, mọꞌ soꞌmitis jiquej mi, ĉaĉaij na mi tạꞌcaty mạꞌjitim itŝiꞌdyemꞌ ọij jac jiquej.
Yi muꞌin in jéyacsi in: —Miꞌin Galileaĉantyiꞌ, ¿jedyeꞌ caꞌ cạvevaꞌtiñeꞌ mạyedyeꞌcheꞌ? Yojdyemꞌ mụiꞌdye Jesús jọban mạyedyeꞌcheꞌ jịjcaban u, meꞌdye raꞌ quivij atsijban muꞌ —yi muꞌin päräꞌ jiꞌcavitity muntyiꞌ in.
Tsun aty Jenꞌtyiꞌ ạvaꞌ muꞌ, mọꞌdyes qui raꞌ muꞌ soꞌmisinꞌ tsun ñịbeꞌyedyes mọꞌ jiꞌbisiyisinꞌsiꞌ tsun, mọꞌ raꞌ jasoꞌmiti muꞌ Cristo, tsundyesmun raꞌ chimeꞌ mọꞌ. Ñịbedyes jịꞌĉojtyejaꞌ jụijyaꞌ yojdyemꞌ muꞌ u, muꞌcheꞌdye raꞌ tsun penꞌdyetuja.
Meꞌ jụijyaꞌ miꞌin, yoctyiꞌ qui raꞌ muntyiꞌ chimeꞌ in miꞌindyes raꞌ timaꞌquete Jesús in Ayoꞌ tsun. Muꞌ raꞌ chimeꞌ timaꞌquinac miꞌin, meꞌ raꞌ muꞌ Jenꞌ soꞌminac ñịbeꞌjitidyes muꞌ judyeyaꞌ Jesucristos Ayoꞌ tsun.
Dyichchutiĉaꞌ bäꞌjaꞌ jụijyaꞌ tsun, ayoꞌbuꞌjaꞌ raꞌ muꞌtum. Ticameja jụijyaꞌ muꞌ, jam jiꞌjäcja jụijyaꞌ, meꞌdye raꞌ muꞌ chimeꞌ ticamisinꞌ.
Muꞌ na Cristo yiriꞌ quimꞌ meꞌ ĉụiꞌ yuꞌti ijac paj qui vayacjeyacsebi juchaj muntyis muꞌin, muꞌin daiꞌtyis in. Jábiyaꞌ raꞌ quivij muꞌ jiꞌcaviti, aty raꞌ jam quivij atsijban muꞌ jiꞌijabun juchadyes muꞌin, atsij raꞌ muꞌ jiꞌc̣honacseshan tyi chuc bisvaꞌtety in.
Tyi chuc jiꞌpeñeꞌtyiꞌ aꞌc̣his dyijyedyeꞌ in, yụ raꞌ yụꞌtacsi paj qui penꞌdyetun yụ in judyeyaꞌ ayoꞌbuꞌyi yụ́tum in, yojdyemꞌ yụ u jiꞌpeñeꞌ yụ räj aꞌc̣his dyijyedyeꞌ judyeyaꞌ penꞌdyetun yụ muꞌ Jenꞌ yụ, ayoꞌbuꞌyi muꞌtum yụ.