Juan 13:5 - Tsimane

⁵ Chat qui chojjeꞌ ojñiꞌ jäꞌchäsĉan, chat qui favacsebi yuj muꞌin jịꞌchiyactyis muꞌ judyeyaꞌ qui shạcsebiban yuj muꞌin shạ́quityyaꞌ muꞌ.

Juan 13:5 Iomraidhean Croise

Génesis 18:4

Yụ raꞌ damꞌ cọdyetacsi ojñiꞌ paj qui favaqui yuj miꞌin, chat qui raꞌ jịꞌjutyimtuti miꞌin sonsiꞌyaꞌ onomꞌsimꞌ.

Génesis 19:2

Jéyacsi: —Atsijamꞌ miꞌin, yụ jeñej buꞌyi úñity miꞌin, yụ jéyac yụ́sĉan raꞌ acaꞌ dyäqui miꞌin. Muꞌĉan raꞌ favti yujyaꞌ miꞌin, nojno raꞌ pamꞌ jiyi miꞌin —yi jéyacsi Lot muꞌin anjer in. Vorjete in: —Yoshoropaij mi, jam tsanꞌ tsun mạꞌjeꞌ. Úĉan ramꞌ ĉọshi tsun cayeĉan.

Génesis 43:24

Chat qui muꞌ muntyiꞌ cạcsi Josésĉan acaꞌ judyeyaꞌ soꞌmacsi ojñiꞌ favtidyes yuj muꞌin. Chimeꞌdye jiꞌsäcsacsebi cuꞌdyeꞌ muꞌin.

Exodo 29:4

Chat tucsi ram Aarón judyeyaꞌ ạvaꞌ muꞌ sisdyeꞌyaꞌ Jenꞌsiꞌ acaꞌ tinates muꞌ judyeyaꞌ jiꞌdyucsi raꞌ mi.

Lucas 7:38

Mọꞌ c̣hẹiꞌyaꞌjete Jesús, mọꞌyaꞌdye táriꞌ Jesúsyaꞌ. Ĉụiꞌsiꞌyaꞌ táris mọꞌ favbite Jesússiꞌ yuj muꞌ, judyeyaꞌ ĉụiꞌsiꞌyaꞌ fin mọꞌ jiꞌchanbibajte yuj muꞌ, judyeyaꞌ pụꞌsepte yuj muꞌ, chat qui taiꞌbite jẹrejresyaꞌ.

Lucas 7:44

Chat qui muꞌ Jesús camanꞌyi cạveꞌ mọꞌ p̂en, yi jajiti Simón: —Cạvevaꞌ ọij p̂en junꞌ mọꞌ o. Jeshaꞌ sitiyaꞌ yụ acaꞌĉan mi, jam méquiꞌ soꞌmitim ojñiꞌ favacdyes yuj yụ. Ọij na p̂en jam memꞌ cavin yụ, mọꞌ ĉụiꞌsiꞌyaꞌ táris mọꞌ favbun yuj yụ judyeyaꞌ jiꞌchanbubun yụ ĉụiꞌsiꞌyaꞌ fin mọꞌ.

Juan 13:10

Vorjete Jesús: —Tyi chuc mụiꞌveyaꞌ dyuijtyiꞌ, muꞌ aty jämꞌ c̣hiconꞌtac, aty jam jemoñeꞌ quivij favac juban, yuj qui mọmoꞌ jemoñeꞌ favac muꞌ. Meꞌdye miꞌin chimeꞌ aty c̣hiconꞌtac miꞌin, jam qui namꞌ räjtum miꞌin —jéyacsi Jesús.

Juan 13:6

Ventyecte muꞌ Pedro aty raꞌ favbite yuj muꞌ, yi muꞌ Pedro: —Jịꞌchiyacsity, ¿mi adac raꞌ favbutiꞌ yuj mi? —jéte.

Juan 13:8

Vorjete Pedro: —Jam raꞌ junꞌ favbutiꞌ yuj mi —jéte Pedro. Vorjete Jesús: —Jam raꞌ favbiye jụijyaꞌ yuj mi, jam raꞌ junꞌ tupuj yụ́tyiꞌ shupqui mi —jajiti Jesús.

Juan 19:34

Yirity väc̣häꞌtyity p̂oc̣htaquisyaꞌ muꞌ p̂oc̣hjebajte tsanꞌ mạ́raꞌyaꞌ shupquiꞌ chäsh muꞌ ojñiꞌtum.

Uñedye' 22:16

Q̂uinꞌ chat yiristum mọmoꞌ jiꞌchojta, Ayoꞌsiꞌcheꞌ raꞌ tịj muꞌ cọdaquim Jenꞌcheꞌ chat qui raꞌ c̣hiconꞌjibun juchaj mi", yi jin yụ muꞌ Ananías —jéyacsi muꞌ Pablo —.

Tashches Corintoĉantyidyes 6:11

Meꞌ miꞌin chimeꞌ pạrej jiquej bäꞌyi miꞌin, q̂uinꞌ qui namꞌ aty c̣hiconꞌtac ĉojtyiꞌ miꞌin, aty Jenꞌdyety q̂uinꞌ miꞌin ĉaĉaij na Jesucristoyaꞌ muꞌ Jenꞌ rụij yuꞌtyinac miꞌin, muꞌsiꞌyaꞌ Ạꞌedyeꞌ muꞌ.

Efesoĉantyidyes 5:26

Muꞌsiꞌyaꞌ sänꞌdyeꞌ muꞌ c̣hiconꞌjityisinꞌ juchaj tsun judyeyaꞌ Jenꞌdyety yuꞌsinꞌ. P̂eyacdyeꞌ muꞌ c̣hiconꞌjibusinꞌ ĉojtyiꞌ tsun, mọꞌ yuꞌsinꞌ jeñej buꞌyi c̣hiconꞌtactyiꞌ ojñiꞌyaꞌ tsun, meꞌ buꞌyiꞌ mọꞌ p̂eyacdyeꞌ.

Tashches Timoteodyes 5:10

judyeyaꞌ chị́yacsi in jämꞌ carijtaquis Jenꞌdyes in, judyeyaꞌ jämꞌ bäꞌyis jämꞌ jiꞌp̂anaquis ĉụiꞌtyiꞌ ạvaꞌ mọꞌ judyeyaꞌ jiꞌdyäcacsis acaꞌĉan, judyeyaꞌ chịꞌ nọ́tacsis muꞌin anicjetety Jenꞌ in judyeyaꞌ muꞌin ñịbeꞌ bäꞌyity in, meꞌ nọ́tacsiꞌ jämꞌ bäꞌyiꞌ mọꞌ. Tyi chuc meꞌ carijtacaques jiquej in mọꞌin tupuj jiꞌsañitiꞌ in.

Hebreodyes 10:22

Mọꞌdyes tupuj c̣hẹiꞌyaꞌjeja Jenꞌ jämꞌtyiꞌtum ĉojtyiꞌ tsun, fercheꞌ anicjeja muꞌ, muꞌ c̣hiconꞌjityisinꞌtyiꞌ räj aꞌc̣his dyijyedyeꞌ jiquej tsun, aty jam jiꞌyoquitiĉaꞌ juchajyaꞌ tsun, q̂uinꞌ aty jeñej buꞌjaꞌ favacsiꞌ aꞌ tsun jämꞌsiꞌyaꞌ ojñiꞌ.

Tashches Juansi' 1:7

Cäc̣häꞌchujaꞌ jụijyaꞌ mọꞌ mạijquedyeꞌ muꞌ, yojdyemꞌ muꞌ Jenꞌ u mạijquedyeꞌĉan bäꞌyi, meꞌ raꞌ chat vaj cäts cäc̣häꞌchupja Jenꞌsiꞌ dyijyedyeꞌ muꞌ, judyeyaꞌ raꞌ muꞌsiꞌ chäsh muꞌ Jesucristos, Jenꞌtyiꞌ Ạvaꞌ muꞌ, mọꞌ raꞌ c̣hiconꞌjityisinꞌ räj juchaj tsun.

Tashches Juansi' 5:6

Jesús atsij jiquej ojñiꞌyaꞌ jiꞌchojti, judyeyaꞌ ĉụiꞌsiꞌ chäsh yụꞌtaqui chimeꞌ muꞌ. Jam ojñiꞌ mọmoꞌ jịꞌĉoiꞌ, ĉụiꞌsiꞌ chäsh yụꞌtaqui chimeꞌ muꞌ. Chimeꞌdye mọꞌ Jenꞌsiꞌ Ạꞌedyeꞌ muꞌ mọꞌ rụij p̂eyaquis, chimuꞌdye mọꞌ p̂eijte.

Jị'cavacdye' 7:14

Vorjete yụ: —Jam yụ chị́yacsi, mi nash chịj. Muꞌdye jiꞌchäquiyin yụ: —Uts nash cạvacsity mi muꞌin nash jiꞌcajñeꞌtyiꞌ därsiꞌ ñịbedyes in, muꞌin nash aty puptactyiꞌ coftyity muꞌin Oveca buꞌyitysiꞌĉan chäsh muꞌ, muꞌsiꞌyaꞌ chäsh muꞌ juiꞌbuij yụꞌtaqui in.