Juan 13:1 - Tsimane

¹ Aty mọꞌ rispera mọꞌ feshtas Jiꞌc̣honacdyesiꞌ. Muꞌ na Jesús chịj aty ayij tupudyeꞌ yạjquibanꞌ raꞌ ọij jac, Jenꞌyaꞌ qui raꞌ jịjcaban muꞌ. Jesús räjĉan mạꞌjeyacsi jịꞌchiyactyiꞌ muꞌ, yejĉoij jịꞌcaveyacsi mạꞌjitidyes muꞌ junꞌ quiꞌ chuc yạjquicseban.

Juan 13:1 Iomraidhean Croise

Proverbios 8:31

Yụ chimeꞌ anic där maꞌjotyepte jämꞌtacdyeꞌ muꞌ, judyeyaꞌ muntyiꞌ in chimeꞌ anic där maꞌjotyepte yụ", meꞌ yiꞌ p̂eyaquiꞌ mọꞌ rụijsis dyijyedyeꞌ Jenꞌsiꞌ muꞌ.

Mateos 26:45

Aty meꞌsiꞌ quivij chimuꞌve camanꞌ jéyacseĉan jịꞌchiyactyiꞌ muꞌ: —¿Tacaꞌ yejĉoij ĉọshiꞌ u miꞌin? ¿Tacaꞌ yejĉoij jịꞌjutyiti chimeꞌ u miꞌin? A nash ayij tupudyeꞌ yụ Anictyity Muntyiꞌ yụ, a nash raꞌ soꞌmac yụ juchajtumtyiꞌyaꞌ in.

Mateos 28:20

Jịꞌchiyacsi raꞌ jämꞌ miꞌin paj qui muꞌin chimeꞌ räj chäquibun p̂eyacdyeꞌ yụ in, räj p̂eyacdyeꞌ yụ soꞌmeyac miꞌin. Yụ raꞌ räjĉan mạyedyeꞌ penꞌdyetuyac miꞌin junꞌ quiꞌ chuc ọij jadyic tupudyeꞌ.

Lucas 22:53

Yóquiꞌ na Jenꞌsiꞌĉan acaꞌ muꞌ räjĉan tsanꞌ meꞌ buꞌyi yụ jiquej muꞌĉan, jam méquiꞌ ĉucdyiĉaꞌ yụ miꞌin. Q̂uinꞌ chat aty chaꞌshejaꞌ mọꞌ tupudyeꞌ miꞌindyes, aty mọꞌ tojmadyeꞌĉansiꞌ Sọyoꞌ carijtaquiꞌ —jéyacsi Jesús.

Lucas 9:51

Aty c̣hẹiꞌyaꞌyetiꞌ mọꞌ tupudyeꞌ junꞌsiꞌ chuc raꞌ caꞌñibun mạyedyeꞌcheꞌ muꞌ Jesús, chat qui sacti maꞌyedyeꞌtum, Jerusalénve jịjcaij, mijam méquiꞌ yocve dyijyi muꞌ.

Juan 11:55

Aty raꞌ chaꞌsheꞌ in Jiꞌc̣honacdyes feshta dyijtucdyes judíos muꞌin. Anic daiꞌ muntyiꞌ in Jerusalénĉan jịjcaij in, cạvequety feshta in. Muꞌĉan jäꞌmij ĉụiꞌ jämꞌ yuꞌti in ĉụiꞌsiꞌyaꞌ yicdyeꞌ muꞌin, jambiꞌdyemꞌ chaꞌsheꞌ mọꞌ feshta in.

Juan 12:23

Jesús yi jéyacsi: —Atyuꞌ u c̣hẹiꞌyaꞌ tupudyeꞌ yụ Anictyity Muntyiꞌ yụ, jorojĉan raꞌ fer buꞌyedyeꞌ yụ ĉaĉaij na yụ mạyedyeꞌchety.

Juan 13:29

Jeñety muꞌ Jesús p̂eyeꞌ mọꞌ yaꞌijsiꞌ raꞌ feshtadyes jedyeꞌ, judyeyaꞌ damꞌ soꞌmacsi querec̣ha ñịbety in, meꞌ meꞌ ĉọpte pạrej p̂eyacdyeꞌ in, ĉaĉaij na muꞌ Judas ĉọjcacsebity querec̣ha muꞌin, meꞌ yụꞌte in.

Juan 13:34

Q̂uinꞌ qui namꞌ mụiꞌsis p̂eyacdyeꞌ yụ raꞌ soꞌmeyac, yiꞌ: Vaj meij jäꞌmij mạꞌjitiĉamꞌ miꞌin, yojdyemꞌ yụ mạꞌjeyac u, meꞌdye raꞌ miꞌin chimeꞌ mạꞌjitidyeij.

Juan 14:28

A nash jéyac yụ, meꞌ raꞌ tsanꞌ jọban yụ, quivij qui na ramꞌ caꞌñibun yụ miꞌinyaꞌ. Mạꞌjitiĉaꞌ jụijyaꞌ yụ miꞌin, a vuty maꞌjoij u miꞌin ĉaĉaij na raꞌ yụ Jenꞌyaꞌ jịjcaban yụ, muꞌ mujuꞌchaꞌ buꞌyityyaꞌ, uyaꞌyaꞌ yụ.

Juan 14:31

Jenꞌ na yụ räj chiquete yụ junꞌ chuc jin yụ, meꞌ chicaqui Jenꞌ yụ paj qui räj muntyiꞌ chịj in yụ anic fer mạꞌjeyaqui Jenꞌ yụ. Jụdyej sacyebadac jọbajshaꞌ úyaty tsun —jéyacsi Jesús.

Juan 16:28

Anicdye meꞌ, muꞌyaty atsij yụ Jenꞌyaty yụ, úcheꞌ jaccheꞌ jijtuij yụ. Q̂uinꞌ qui na ramꞌ yạjquibanꞌ ọij jac yụ, Jenꞌyaꞌ qui raꞌ jịjcaban yụ —jéyacsi Jesús.

Juan 17:1

Jesús aty meꞌsiꞌ ijaij jéyacsi chat qui cạvi mạyedyeꞌcheꞌ yi: —Yụ́tyiꞌ Jenꞌ, a toꞌ o ayij tupudyeꞌ, jorojĉanjibutiꞌ fer buꞌyedyeꞌ yụ Ạvaꞌ mi, paj qui chimeꞌ yụ jorojĉanjepye fer buꞌyedyeꞌ mi.

Juan 17:16

Yojdyemꞌ yụ u jam jacches dyijyedyeꞌ cạiꞌ yụ, meꞌdye chimeꞌ muꞌin tsimꞌtactyiꞌ mi jam jacches dyijyedyeꞌ cạiꞌ in.

Juan 17:26

Yụ jéyacsi muꞌin in tyi buty mi, mọꞌdye raꞌ yejĉoij jịꞌchiqueyacsi yụ paj qui yụ yejĉoij muꞌintum in judyeyaꞌ chimeꞌ muꞌin in mạꞌjeyacsity bäꞌyi in, yojdyemꞌ yụ u mạꞌjitim, meꞌdye raꞌ chimeꞌ muꞌin in mạꞌjeyacsi muntyiꞌ in —yi Jesús jéte Jenꞌ muꞌ.

Juan 17:5

Yụ́tyiꞌ Jenꞌ, q̂uinꞌ raꞌ míyaꞌ jịjcaban yụ, soꞌmitiꞌ fer buꞌyedyes yụ yojdyemꞌ meꞌchuiꞌ jiquej u yụ mísiꞌyaꞌ vej, itŝiꞌdyemꞌ jiquej ọij jac, meꞌ buꞌyi yuꞌtiꞌ quivij.

Juan 18:4

Muꞌ na Jesús ĉụiꞌ chịj räj jedyeꞌ chuc raꞌ jịꞌĉojtyeꞌ ñịbedyes muꞌ. Muꞌ jiꞌrebeĉunacsi jéyacsi: —¿Tyi caꞌ quevtinte miꞌin?

Juan 19:28

Jesús chịj tas jịꞌcätsepte Jenꞌsiꞌ dyijyedyeꞌ muꞌ. Chat qui yi muꞌ paj qui cạ̈tsiꞌ sánacdyeꞌ, yi: —Jajri yụ.

Juan 2:13

C̣hẹiꞌyaꞌ judíos feshta muꞌin Jiꞌc̣honacdyes feshta, chat qui muꞌ Jesús muꞌĉan jịjcaij Jerusalénĉan.

Juan 6:4

Aty c̣hẹiꞌyaꞌ tyitiꞌ judíos feshta muꞌin, mọꞌ Jiꞌc̣honacdyedyes.

Juan 7:30

Dyijyi tsanꞌ in mạꞌjeꞌ jiꞌĉärꞌte in, jam qui namꞌ junꞌte in paj qui tapjete in ĉaĉaij na jambiꞌ ayij tupudyeꞌ muꞌ.

Juan 7:6

Vorjeyacsi Jesús: —Jambiꞌ ayij tupudyeꞌ yụ paj qui jiꞌcaviti muntyiꞌyaꞌ yụ. Miꞌin na jam meꞌ, junꞌsiꞌ chuc ĉụiꞌ mọmoꞌ tupudyeꞌ ayij miꞌin, tupuj muꞌĉan jịjcaij miꞌin.

Juan 8:20

Muꞌĉan muꞌ Jesús jịꞌchiyacsi Jenꞌsiꞌĉan acaꞌ muꞌ, yóĉandyemꞌ yụꞌtacĉan querec̣ha u. Meꞌ tsanꞌ meꞌ jéyacsi Jesús, jam qui namꞌ ĉärꞌte in ĉaĉaij na jambiꞌ ayij tupudyeꞌ muꞌ.

Romaĉantyidyes 8:37

Räj ọij jịꞌĉojtyejas tsun, meꞌ tsanꞌ meꞌ, jam qui namꞌ méquiꞌ penjaꞌ tsun, muꞌ qui namꞌ mạꞌjisinꞌtyiꞌ Jesucristo, dadamꞌ ferdyeꞌ soꞌmisinꞌ paj qui fer buꞌjaꞌ bäꞌjaꞌ.

Tashches Corintoĉantyidyes 1:8

Muꞌ raꞌ fer buꞌyi yuꞌtyinac miꞌin paj qui rụij bäꞌyi miꞌin junꞌ quiꞌ chuc jadyiquis tupudyeꞌ, atsijbanyaꞌ muꞌ Jesucristo Ayoꞌ tsun, paj qui jam jụꞌñiij daquishunac ĉụiꞌsiꞌyaꞌ vej muꞌ.

Hebreodyes 3:14

Tsun nash penꞌdyeꞌ buꞌjaꞌ Cristotum, yejĉojaꞌ jụijyaꞌ ĉútiĉaꞌ muꞌcheꞌ, yojdyemꞌ tashcheꞌ jiquej ĉútiĉaꞌ u, jemoñeꞌ meꞌ q̂uinꞌ tsun yejĉojaꞌ meꞌ tsun, junꞌ quiꞌ chuc jadyic tupudyeꞌ.

Hebreodyes 3:6

Muꞌ na Cristo jam úñity, muꞌ Ạvaꞌ muꞌ Jenꞌtyiꞌ, jämꞌ chicaqui Jenꞌ muꞌ, muꞌ rụij ayoꞌbuꞌyi Jenꞌtyidyes muntyiꞌ muꞌ. Meꞌ tsun chimeꞌ Jenꞌtyiꞌ muntyiꞌ shupquejaꞌ tsun, yejĉojaꞌ jụijyaꞌ sóñiꞌyedyeꞌtum bisaĉaꞌ Jenꞌdyes tsun.

Hebreodyes 6:11

Tsun mạꞌjeꞌ paj qui miꞌin räj yejĉoij ferdyeꞌyaꞌ dyijtutiñeꞌ Jenꞌdyes carijtaqui miꞌin, meꞌ raꞌ chat jämꞌ chịj miꞌin junꞌ chuc raꞌ Ayoꞌtum bäꞌyi miꞌin, muꞌ bisvaꞌtintety miꞌin.

Tashches Pedros 1:13

Mọꞌdyes jemoñeꞌ jiꞌfercaqui dyijyedyeꞌ miꞌin, judyeyaꞌ raꞌ jämꞌ ĉujcati miꞌin. Dyijtuvac jäꞌmij ñịbeꞌyedyes raꞌ miꞌin, mọꞌ soꞌminacsiꞌ raꞌ Jenꞌ aty atsijbanyaꞌ muꞌ Jesucristo, mọꞌ bisvac.

Tashches Juansi' 4:19

Tsun mạꞌjeyacsejaty ĉaĉaij na muꞌ Jenꞌ tashcheꞌ mạꞌjisinꞌ tsun jiquej.