Juan 12:1 - Tsimane

¹ Aty c̣hẹiꞌyaꞌ feshta Jiꞌc̣honacdyes, jäbändyety mạyedyeꞌ jayej. Chat qui muꞌ Jesús Betaniaĉan jịjcaij yóĉandyemꞌ bäꞌyi Lázaro u, muꞌ vañinjebajtety jiquej.

Juan 12:1 Iomraidhean Croise

Mateos 21:17

Chat qui muꞌ Jesús muꞌĉan shuban, yạjquibanꞌ mọꞌ bäꞌyedyeꞌ Jerusalén, Betaniave qui jịjcaij, muꞌĉan qui ĉọshi.

Marcos 11:11

Jerusalénĉan siti muꞌ Jesús, rụij buꞌyi Jenꞌsiꞌĉan acaꞌ muꞌ. Paiꞌ cạvi muꞌĉan, chat qui jọban muꞌ ĉaĉaij na aty yómoij, Betaniave jịjcaban quivij, cạcsi muꞌin yiriꞌtac päräꞌ jiyity jịꞌchiyactyiꞌ muꞌ.

Lucas 24:50

Aty meꞌsiꞌ muꞌ Jesús jorojyaꞌ Jerusalén cạqui jịꞌchiyactyiꞌ muꞌ, Betaniave qui jịjcaij in. C̣họcoꞌjeyaqui un muꞌ, cọdyete Jenꞌ paj qui muꞌ ñịbeꞌjeyacsi.

Lucas 7:37

Mọꞌdye bäꞌyedyeꞌ mọꞌĉan yiris p̂en juchajtumsiꞌ. Seꞌvaquiꞌ mọꞌ aty muꞌ Jesús muꞌĉan säcsi fariseosĉan acaꞌ. Mọꞌĉan jịjcaiꞌ Simónsiꞌĉan acaꞌ, cạiꞌ jẹrejres puñujĉansiꞌ.

Juan 11:1

Muꞌyaꞌ jiquej yirity muntyiꞌ, Lázaro tịj muꞌ Betaniaĉan bäꞌyi muꞌ vojiꞌtum muꞌ, María judyeyaꞌ Marta. Mọꞌ María taiꞌbites yuj Jesússiꞌ jiquej jẹrejresyaꞌ, chịmoꞌdye shamꞌbibajte ĉụiꞌsiꞌyaꞌ fin mọꞌ. Muꞌ na Lázaro japacjoij

Juan 11:43

Chat qui fer p̂eyaqui yi: —¡Lázaro, shupĉada muꞌĉantyiꞌ!

Juan 11:44

Meꞌdye muꞌ shuban säñity, meꞌ tsanꞌ comonꞌtac aꞌ muꞌ quịꞌsiꞌyaꞌ. Jesús jéyacsi: —Dajjetyebajmac uts quịꞌsiꞌ paj miꞌeban muꞌ.

Juan 11:55

Aty raꞌ chaꞌsheꞌ in Jiꞌc̣honacdyes feshta dyijtucdyes judíos muꞌin. Anic daiꞌ muntyiꞌ in Jerusalénĉan jịjcaij in, cạvequety feshta in. Muꞌĉan jäꞌmij ĉụiꞌ jämꞌ yuꞌti in ĉụiꞌsiꞌyaꞌ yicdyeꞌ muꞌin, jambiꞌdyemꞌ chaꞌsheꞌ mọꞌ feshta in.

Juan 12:12

Nojno mạyedyeꞌ chị́qui in muꞌin Jerusalénĉantyiꞌ muntyiꞌ in venjoij raꞌ muꞌĉan muꞌ Jesús. Anic daiꞌ vajmuꞌyaij muꞌĉan in cạvequeꞌtyiꞌ feshta in Jiꞌc̣honacdyes.

Juan 12:20

Muntyiꞌ in daiꞌ Jerusalénĉan jịjcaij in timaꞌquecte Jenꞌ in feshtayaꞌ. Muꞌĉan chimeꞌ muꞌin muntyiꞌ griego in.

Juan 12:9

Judío chị́qui in aty muꞌĉan muꞌ Jesús Betaniaĉan. Muꞌĉan jịjcaij in mạꞌjeꞌ cạvete in muꞌ Jesús. Jam Jesús mọmoꞌ mạꞌjeꞌ cạvete in, Lázaromun mạꞌjeꞌ chimeꞌ cạvete in, muꞌ vañinjebajtety jiquej.