Juan 11:5 - Tsimane

⁵ Jesús mạꞌjeyacsi räjtumdye in, Marta judyeyaꞌ vojiꞌ mọꞌ, María judyeyaꞌ Lázaro.

Juan 11:5 Iomraidhean Croise

Juan 17:26

Yụ jéyacsi muꞌin in tyi buty mi, mọꞌdye raꞌ yejĉoij jịꞌchiqueyacsi yụ paj qui yụ yejĉoij muꞌintum in judyeyaꞌ chimeꞌ muꞌin in mạꞌjeyacsity bäꞌyi in, yojdyemꞌ yụ u mạꞌjitim, meꞌdye raꞌ chimeꞌ muꞌin in mạꞌjeyacsi muntyiꞌ in —yi Jesús jéte Jenꞌ muꞌ.

Juan 16:27

ĉaĉaij na muꞌdye Jenꞌ mạꞌjinac miꞌin. Muꞌ nash mạꞌjinac miꞌin ĉaĉaij na yụ mạꞌjitiĉaꞌ miꞌin judyeyaꞌ anicjitiĉaꞌ yụ miꞌin junꞌ chuc yụ Jenꞌyaty atsij.

Juan 11:36

Judío in aty meꞌ cạvete in chat muꞌin yi in: —¡Anic buty fer mạꞌjete jiquej muꞌ! —yi jítidyeij in.

Juan 11:8

Jịꞌchiyactyiꞌ muꞌ jéte in: —Jịꞌchiyacsity, jambiꞌ men muꞌĉantyiꞌ judío in mạꞌjeꞌ mijyaꞌ ujan in, uts na meꞌ mạꞌjeꞌ chimuꞌĉan jịjcaban mi —jéte in.

Lucas 10:38

Jesús jịꞌchiyactyiꞌtum muꞌ cuvij miꞌeban in. Ventyequeꞌ in yiris bäꞌyedyeꞌ, mọꞌĉan yiris p̂en bäꞌyiꞌ, Marta tịj mọꞌ, mọꞌ tiĉuñete.

Lucas 10:40

Mọꞌ na Marta jam mọꞌ jämꞌ ĉọiꞌ ĉaĉaij na mọꞌ cajotyitiꞌ dyijtuquiꞌ ĉụiꞌsiꞌ carijtacdyeꞌ mọꞌ. Mọꞌdyes qui jéte Jesús: —Jam cavibutiꞌ vojiꞌ om, mijam méquiꞌ ñútyin yụ, yiris mọmoꞌ carijtaquiꞌ yụ. Jévaꞌ mi paj qui mọꞌ ñútyinve yụ.

Lucas 10:41

Vorjeꞌ Jesús: —Marta, Marta, anic nash cajotyitiꞌ dyijtuiꞌ jedyeꞌ mi.

Juan 11:1

Muꞌyaꞌ jiquej yirity muntyiꞌ, Lázaro tịj muꞌ Betaniaĉan bäꞌyi muꞌ vojiꞌtum muꞌ, María judyeyaꞌ Marta. Mọꞌ María taiꞌbites yuj Jesússiꞌ jiquej jẹrejresyaꞌ, chịmoꞌdye shamꞌbibajte ĉụiꞌsiꞌyaꞌ fin mọꞌ. Muꞌ na Lázaro japacjoij

Juan 11:3

mọꞌdyes qui vojiꞌ muꞌ juteyete p̂eyacdyeꞌ Jesúsdyes, yiꞌ: —Jịꞌchiyacsity, uts penꞌdyeꞌ mi japacjoij —yiꞌ p̂eyacdyeꞌ mọꞌin.

Juan 11:6

Meꞌ tsanꞌ meꞌ aty jéyac junꞌ chuc japacjoij muꞌ Lázaro, mijam qui namꞌ cavin jaĉucdyi, taĉan chum muꞌĉan päräꞌ mạyedyeꞌ.