Juan 10:5 - Tsimane

⁵ Mọꞌin oveca in jam tupuj yoctyiꞌ jịjcate in, ĉaꞌjoyete mọmoꞌ in ĉaĉaij na jam chị́yepte p̂eyacdyeꞌ in —jéyacsi Jesús.

Juan 10:5 Iomraidhean Croise

Marcos 4:24

Chimeꞌdye muꞌ jéyacsi: —Seꞌvevac jämꞌ mọꞌ p̂eyacdyeꞌ, chiquetiñeꞌ raꞌ miꞌin judyeyaꞌ qui raꞌ yoctyiꞌ jiꞌjiyeyacsi miꞌin. Meꞌ raꞌ jụijyaꞌ miꞌin, dadamꞌ raꞌ yocsiꞌ cäch soꞌmac miꞌin.

Lucas 8:18

Jämꞌ seꞌvevac ọij p̂eyacdyeꞌ tyi chuc chicacsity jụijyaꞌ in, muꞌin raꞌ mujuꞌchaꞌ soꞌmac in, jam na chicacsity jụijyaꞌ in, meꞌ tsanꞌ dyijyedyeꞌtum ĉúti in, chutyeyac raꞌ in mọꞌ damꞌsis dyijyedyeꞌ muꞌin —jéyacsi Jesús.

Juan 10:16

Chimeꞌdye muꞌyaꞌ yoctyiꞌ oveca buꞌyity in, yụ́tyiꞌ chimeꞌ in, jam úĉantyiꞌ in. Muꞌin raꞌ chimeꞌ fayacsi yụ, muꞌin qui raꞌ seꞌvibun p̂eyacdyeꞌ yụ in, muꞌinmun raꞌ chimeꞌ vajmuꞌyaij in, räjtumdye qui raꞌ yụ yirity mọmoꞌ ĉọjcacsity.

Juan 10:4

Aty jorojyaꞌ in muꞌdye mọmoꞌ tashcheꞌ buꞌyi cạcsi, muꞌin na jịjcate in ĉaĉaij na chị́yepte in mạꞌedyeꞌ p̂eyacdyes muꞌ.

Jäqui'ves Timoteodyes 4:3

Ayijbanꞌ raꞌ tupudyeꞌ, muntyiꞌ raꞌ in aty raꞌ jam mạꞌjeꞌ seꞌvebanꞌ in mọꞌ rụijsis p̂eyacdyeꞌ, muꞌin qui ramꞌ quevacsi in yoc yoc jịꞌchiyacsity in, cäjsis jiꞌchäyitidyeꞌ tuiꞌtyiꞌ in, muꞌin jéyacsity in mọꞌ mạꞌjes seꞌveꞌ in, ĉaĉaij na raꞌ jam mạꞌjeꞌ rụijsis p̂eyacdyeꞌ seꞌveꞌ in.

Tashches Juansi' 2:19

Muꞌin meꞌtyity in, meꞌ tsanꞌ tsuntumtyiꞌ jiquej in, shubantyiꞌ qui namꞌ in, ĉaĉaij na jam ĉojtyiꞌĉan cäc̣häꞌchute Jenꞌ in, jam jeñej tsun. Jam meꞌ jụijyaꞌ in, a vuty jam farajjisinꞌ u in. Muꞌin meꞌtyity in jam jẹjcaiꞌ cäc̣häꞌchute Jenꞌ in, mọꞌyaꞌ tupuj chị́jaꞌ tsun muꞌin jam ĉojtyiꞌĉan cäc̣häꞌchute Jenꞌ in.

Tashches Juansi' 2:21

Meꞌ tsanꞌ yụ jéyac q̂uinꞌ ọij sánacdyeꞌcheꞌ, jam qui namꞌ yi yụ miꞌin jam chị́yetiñeꞌ p̂eyacdyeꞌ, yụ ọij jéyac ĉaĉaij na miꞌin aty chị́yetiñeꞌ judyeyaꞌ chịj miꞌin muꞌ cạiꞌtyiꞌ rụijsis p̂eyacdyeꞌ muꞌ jam junꞌ väñädyeꞌ jiꞌshupqueꞌ.

Jị'cavacdye' 2:2

Yụ anic chị́yeyac junꞌ chuc bäꞌyi miꞌin, fer carijtaqui yụ́dyes miꞌin, judyeyaꞌ tyumꞌchutidyeꞌtum jiꞌcajñetiñeꞌ ñịbedyes miꞌin, judyeyaꞌ chimeꞌ jam dyichchucsi miꞌin muꞌin ac̣hiꞌyity in. Chimeꞌdye miꞌin jịꞌĉojtacsi muꞌin väñädyeꞌyaꞌ yity in: Tsun jutactyiꞌ Jenꞌtyiꞌ muꞌ, miꞌin qui namꞌ chị́yacsi anic väväjñity in.