Juan 10:4 - Tsimane

⁴ Aty jorojyaꞌ in muꞌdye mọmoꞌ tashcheꞌ buꞌyi cạcsi, muꞌin na jịjcate in ĉaĉaij na chị́yepte in mạꞌedyeꞌ p̂eyacdyes muꞌ.

Juan 10:4 Iomraidhean Croise

Mateos 16:24

Chat qui muꞌ Jesús jéyacsi jịꞌchiyactyiꞌ muꞌ: —Tyi chuc mạꞌjeꞌ cäc̣häꞌchun yụ in, paj ĉụiꞌsiꞌ dyijyedyeꞌ yacchuqui in, paj vemete crosh in, chat qui raꞌ q̂uinꞌdyemꞌ cäc̣häꞌchun yụ in.

Juan 10:16

Chimeꞌdye muꞌyaꞌ yoctyiꞌ oveca buꞌyity in, yụ́tyiꞌ chimeꞌ in, jam úĉantyiꞌ in. Muꞌin raꞌ chimeꞌ fayacsi yụ, muꞌin qui raꞌ seꞌvibun p̂eyacdyeꞌ yụ in, muꞌinmun raꞌ chimeꞌ vajmuꞌyaij in, räjtumdye qui raꞌ yụ yirity mọmoꞌ ĉọjcacsity.

Juan 10:27

Ĉụiꞌtyiꞌ qui namꞌ oveca yụ seꞌvibun p̂eyacdyeꞌ yụ in, judyeyaꞌ yụ chị́yacsi chimeꞌ, meꞌdyes qui muꞌin cäc̣häꞌchun yụ in.

Juan 10:3

Muꞌ ĉọjcaiꞌtyiꞌ chụiꞌdyeꞌ muꞌ vanacjeyete, muꞌ qui ĉọjcacsity oveca cäts yirisisij fayaqui oveca muꞌ, jiꞌjäcacsebi tịj mọꞌin. Mọꞌin na chị́yepte in mạꞌedyeꞌ p̂eyacdyes muꞌ judyeyaꞌ jịjcate in, muꞌ jiꞌshupcacsebanyaꞌ sópeĉan.

Juan 10:5

Mọꞌin oveca in jam tupuj yoctyiꞌ jịjcate in, ĉaꞌjoyete mọmoꞌ in ĉaĉaij na jam chị́yepte p̂eyacdyeꞌ in —jéyacsi Jesús.

Juan 10:8

Muꞌin tashcheꞌ atsijtyiꞌ in jịꞌchiyacsity yuꞌti in, muꞌin in jam anictyity in, jeñej buꞌyi shishiꞌaty in, aꞌc̣histum dyijyedyeꞌ atsij in, mọꞌin na oveca in jam junꞌ jụjtacsi in.

Juan 12:26

Tyi chuc mạꞌjeꞌ ayotun yụ, paj muꞌ cäc̣häꞌchun yụ. Paj raꞌ tsanꞌ junaꞌ yụ, cäc̣häꞌ raꞌ muꞌ, judyeyaꞌ raꞌ Jenꞌ yụ jasoꞌmiti bijodyeꞌ chimeꞌ —jéyacsi Jesús.

Juan 13:15

Yojdyemꞌ yụ jämꞌtaqui u, meꞌdye raꞌ miꞌin chimeꞌ.

Juan 18:37

Yi muꞌ Pilato jéte: —¿Jaij meꞌ ayoꞌ mi? Jesús vorjete: —Meꞌ yụ yoj yidyeꞌ bu um, yụ atsij naꞌi úcheꞌ yụ, paj qui jéyacsi yụ rụijsis p̂eyacdyeꞌ. Tyi chuc mạꞌjeꞌ rụijsis p̂eyacdyeꞌ in muꞌin seꞌvin yụ in —jéte Jesús.

Juan 3:29

Yojdyemꞌ muꞌ vämity muntyiꞌ u muꞌ meꞌchuiꞌ mọꞌ p̂en, muꞌ na penꞌdyeꞌ muꞌ maꞌjoij seꞌvepteyaꞌ p̂eyacdyeꞌ vämitysiꞌ. Meꞌdye yụ chimeꞌ maꞌjotyeꞌ yụ ĉaĉaij na daiꞌ cäc̣häꞌchute Jesús in.

Tashches Corintoĉantyidyes 11:1

Cäc̣häꞌchubutiĉamꞌ yụs dyijyedyeꞌ yojdyemꞌ yụ u cäc̣häꞌchupte Cristos dyijyedyeꞌ muꞌ.

Efesoĉantyidyes 5:1

Miꞌin nash mạꞌjeyacdyety Jenꞌtyiꞌ ạvaꞌ muꞌ, mọꞌdyes jemoñeꞌ ferdyeꞌ yụꞌtiñeꞌ paj qui rụij cäc̣häꞌchuptinte dyijyedyeꞌ muꞌ.

Hebreodyes 12:2

Dyijtuja muꞌ Jesús, muꞌ tashcheꞌ jiquej soꞌmisinꞌ anicyedyeꞌ, judyeyaꞌ muꞌ ñútyisinꞌ paj qui yejĉojaꞌ anicyejaꞌ junꞌ quiꞌ chuc jadyic. Jesús anic dyichchuti ijac croshcheꞌ, meꞌ tsanꞌ därsiꞌ tsị́cadyemꞌ shupquimꞌ ijac croshcheꞌ, jam mọꞌ dyijtuiꞌ, muꞌ dyijtuiꞌ junꞌ chuc raꞌ därsiꞌ maꞌjodyeꞌ shupquimꞌ. Anicdye meꞌ q̂uinꞌ, tacve buꞌban Jenꞌyaꞌ.

Hebreodyes 6:20

Tashcheꞌ jäꞌmij muꞌcheꞌ buꞌban, tsun qui jäquiꞌdye jiꞌsässinꞌ. Muꞌcheꞌ muꞌ Jenꞌ meꞌ jayuꞌti paj qui muꞌ anictyity cudyitity Jenꞌcheꞌ muntyidyes in, mijam raꞌ jụꞌñisĉan mạyedyeꞌ mọtsiꞌ cudyitidyeꞌ muꞌ, yojdyemꞌ muꞌsiꞌ Melquisedecsiꞌ jiquej u muꞌ.

Tashches Pedros 2:21

Mọꞌ nash dyijyedyeꞌ Jenꞌsiꞌ muꞌ fayinacyaꞌ jiquej, muꞌ mạꞌjeꞌ paj qui miꞌin cäc̣häꞌchubitinte Jesucristos dyijyedyeꞌ muꞌ, junꞌ chuc muꞌ tyumꞌchutidyeꞌtum jiꞌcajñise ñịbedyes muꞌ, yoquiꞌdyemꞌ ñịbeꞌ cạvise tsundyes jiquej u.

Tashches Pedros 4:1

Cristos ñịbeꞌ cạveꞌ aꞌ muꞌ, meꞌdye raꞌ miꞌin chimeꞌ jịꞌĉojtiñeꞌ, mọꞌdyes q̂uinꞌ jäꞌmiiꞌtyejamꞌ dyijyedyeꞌĉan miꞌin, vatyquej raꞌ meꞌ ñịbeꞌ cạvetiñeꞌ. Tyi chuc ñịbeꞌ cạveꞌ aꞌĉan jụijyaꞌ muꞌ, aty jam jiꞌsäsdyi juchajyaꞌ,

Tashches Pedros 5:3

Jam qui na ramꞌ sonꞌ buꞌyi yuꞌti miꞌin, jam raꞌ jeñej ayoꞌ miꞌin, damꞌdye jämꞌ rụij bäꞌyi miꞌin paj qui muꞌin cäc̣häꞌchubunac in rụijsis dyijyedyeꞌ miꞌin, meꞌ raꞌ ĉọjcacsi miꞌin Jenꞌtyiꞌ oveca buꞌyity in.