Juan 10:2 - Tsimane

² Muꞌ na rụij chụiꞌdyeꞌyaꞌ sitity, muꞌ nash jämꞌ ĉọjcacsity oveca.

Juan 10:2 Iomraidhean Croise

Mateos 15:11

Jedyeꞌ chuc jebeiꞌ yirity muntyiꞌ, jam mọꞌ junꞌ jaꞌac̣hiꞌti. Mọꞌ jiꞌshupqueꞌsiꞌ chụꞌĉan, mọꞌ chat jaꞌac̣hiꞌti.

Juan 10:14

Yụ nash mạꞌjitidyestumtyiꞌ ĉọjcacsity oveca. Muꞌ Jenꞌ yụ chäyin yụ judyeyaꞌ yụ chimeꞌ chị́yaqui ĉụiꞌtyiꞌ Jenꞌ yụ, meꞌdye yụ chimeꞌ chị́yacsi oveca yụ, judyeyaꞌ muꞌin chäyin yụ in, yụ raꞌ yuꞌti paj qui säñi yụ muꞌindyes in.

Juan 10:7

Jesús cuvij jéyacsi: —Yụ raꞌ jéyac, yụ́dye nash chụiꞌdyeꞌ buꞌyi, yóyaꞌdyemꞌ sitiyaꞌ oveca o in.

Juan 10:9

Yụ́dye nash chụiꞌdyeꞌ buꞌyi, tyi chuc yụ́yaꞌ sitity in, muꞌin raꞌ c̣hoñi in. Yụ raꞌ ĉọjcacsi jeñej buꞌyi oveca in, junꞌsiꞌ ĉụiꞌ sitiꞌ sópeĉan in judyeyaꞌ shubanꞌ in chat qui säcsebanꞌ in.

Uñedye' 20:28

Miꞌin qui namꞌ jemoñeꞌ ĉujcati miꞌin, ĉọjcacsejamꞌ chimeꞌ muꞌin anicjetety Jenꞌ in, ĉaĉaij na Jenꞌsiꞌ Ạꞌedyeꞌ muꞌ meꞌ yuꞌnac paj qui ĉọjcacsi miꞌin muꞌ Jenꞌtyiꞌ ñuruꞌtyity muꞌ, muꞌin yaꞌitactyiꞌ muꞌ ĉụiꞌsiꞌyaꞌ chäsh muꞌ.

Tashches Timoteodyes 4:14

Yejĉova dyijtuvaꞌ carijtacdyeꞌ Jenꞌdyes mi paj qui jam fibiꞌ shupquiꞌ mọꞌ carijtacdyedyes ferdyeꞌ, mọꞌ soꞌminsiꞌ Jenꞌ. Mọꞌ soꞌminsiꞌ jiquej yoquiꞌdyemꞌ p̂eyaquiyaꞌ jiquej u in muꞌin jasoꞌmitity p̂eyacdyeꞌ Jenꞌ in judyeyaꞌ tocoꞌjinyaꞌ unyaꞌ jiquej in muꞌin ĉọjcacsity anicjetety Jenꞌ in.

Titodyes 1:5

Yạjquiyeyaꞌ yụ jiquej Cretaĉan, yụ yạjquiye paj qui jämꞌ yụꞌtyeꞌ mi jedyeꞌ chuc jayej jämꞌ yụꞌtac muꞌinĉan in. Chimeꞌdye yụ bajaꞌ jéye jiquej paj qui yụꞌtacsi mi muꞌin ĉọjcacsity anicjetety Jenꞌ in, junanaj chuc vajmuꞌyaijĉan in, muꞌĉaĉan raꞌ yụꞌtacsi mi ĉọjcacsity in.

Hebreodyes 13:20

Yụ cọdyete Jenꞌ, muꞌ soꞌmisinꞌtyiꞌ maꞌjodyeꞌ ĉojtyiꞌĉandyesiꞌ tsun, muꞌ vañinjebajtety Ayoꞌ tsun Jesús. Muꞌ Jesús Ayoꞌ tsun tashcheꞌ buꞌyi Ĉujcasinꞌtyiꞌ tsun jeñej buꞌjaꞌ oveca muꞌ, ĉụiꞌsiꞌyaꞌ chäsh muꞌ ferdyeꞌ soꞌmepte p̂eyacdyeꞌ Jenꞌsiꞌ muꞌ, mọꞌ tsundyes, mọꞌ raꞌ jam jụꞌñisĉan mạyedyeꞌ mọtsis muꞌ.

Tashches Pedros 2:25

Miꞌin jiquej yojdyemꞌ moñis oveca o, meꞌ jiquej monꞌdyeꞌĉan bäꞌyi miꞌin, q̂uinꞌ qui namꞌ aty camanꞌyeban miꞌin Ayoꞌyaꞌ, q̂uinꞌ aty cäc̣häꞌchutinte, muꞌ nash ĉujcanac miꞌin judyeyaꞌ ñutsjinac chimeꞌ.

Tashches Pedros 5:4

Meꞌ jämꞌ ĉọjcacsi jụijyaꞌ miꞌin, atsijbanyaꞌ qui raꞌ muꞌ Tashchety Ĉujcasinꞌtyiꞌ tsun, muꞌ raꞌ soꞌminac bijodyeꞌ mọjoꞌchas jämꞌsiꞌ, mọꞌ bijodyeꞌ jam raꞌ jụꞌñisĉan mạyedyeꞌ mọtsis.

Jị'cavacdye' 1:20

Jeshaꞌ, yụ raꞌ jéye jedyeꞌ buty cạiꞌ in muꞌin yävätidyeꞌ ọ́rotaꞌ in, cạvacsity mi tacvesĉan un yụ, judyeyaꞌ mọꞌin yävätidyeꞌ yụꞌtaquis vera oro in. Mọꞌin yävätidyeꞌ yụꞌtaquis vera mọꞌ cạiꞌ in yụ́tyiꞌ ñuruꞌtyity in yävätidyeꞌ bäꞌyedyeꞌ bäꞌyity in, judyeyaꞌ muꞌin yävätidyeꞌ ọ́rotaꞌ in mọꞌ cạiꞌ muꞌin yävätidyeꞌ anjer in muꞌin ĉọjcacsity in —yi Ayoꞌ tsun jin yụ.