Juan 10:12 - Tsimane

¹² Jeshaꞌ, muꞌ yaꞌitactyiꞌ ĉọjcacsity jam meꞌ muꞌ. Ĉọssetiꞌ jụijyaꞌ tsäquiꞌyis vajedyedyeꞌ, muꞌ yaꞌitactyiꞌ jam muꞌ junꞌ ñutsjetacsi oveca in. Ĉaꞌjoij mọmoꞌ muꞌ ĉaĉaij na yaꞌitactyiꞌ mọmoꞌ muꞌ, jam ĉụiꞌsiꞌ oveca muꞌ. Chat qui mọꞌ vajedyedyeꞌ p̂aiꞌtacsiꞌ oveca in, räj ficajteyacsiꞌ paiꞌ jịjijcayacsiꞌ.

Juan 10:12 Iomraidhean Croise

Mateos 10:16

Jeñej oveca buꞌyi miꞌin yụ raꞌ juteyac yóĉandyemꞌ bäꞌyiꞌ vajedyedyeꞌ o. Jemoñeꞌ ĉụiꞌ dyijyedyeꞌtum miꞌin jeñej nas, judyeyaꞌ jämꞌjitac chimeꞌ miꞌin jeñej ọꞌtoꞌ, meꞌ raꞌ miꞌin.

Mateos 7:15

Ĉujcatiĉamꞌ miꞌin ĉaĉaij na daiꞌ muꞌyaꞌ vaꞌve jịꞌchiyacsity in, jeñej buꞌyi jasoꞌmitity p̂eyacdyeꞌ Jenꞌ in. Jeñej jam tsäquiꞌyis oveca miꞌinyaꞌ in, ĉojtyiꞌĉan qui namꞌ muꞌin jeñej tsäquiꞌyis vajedyedyeꞌ meꞌ buꞌyi in.

Juan 10:13

Muꞌ yaꞌitactyiꞌ ĉaꞌjoij mọmoꞌ ĉaĉaij na querec̣haveij mọmoꞌ muꞌ, mijam dyijtucsi oveca in.

Juan 10:2

Muꞌ na rụij chụiꞌdyeꞌyaꞌ sitity, muꞌ nash jämꞌ ĉọjcacsity oveca.

Juan 10:3

Muꞌ ĉọjcaiꞌtyiꞌ chụiꞌdyeꞌ muꞌ vanacjeyete, muꞌ qui ĉọjcacsity oveca cäts yirisisij fayaqui oveca muꞌ, jiꞌjäcacsebi tịj mọꞌin. Mọꞌin na chị́yepte in mạꞌedyeꞌ p̂eyacdyes muꞌ judyeyaꞌ jịjcate in, muꞌ jiꞌshupcacsebanyaꞌ sópeĉan.

Uñedye' 20:29

Aty chịj yụ, aty raꞌ yacchuyacyaꞌ yụ, jäquiꞌve raꞌ shupqui in cäjsis p̂eyacdyeꞌ tuiꞌtyiꞌ in, muꞌin raꞌ jam ạ̈räjyi anicjetetytum Jenꞌ in, jeñej tsäquiꞌyis vajedyedyeꞌ jam ạ̈räjyiꞌ cuꞌdyeꞌtum, meꞌ buꞌyi raꞌ shupqui in.

Tashches Timoteodyes 3:3

Mijam raꞌ tyeijtyiꞌ chimeꞌ, mijam raꞌ chucsity, mijam raꞌ fer dyijtutety querec̣ha, jemoñeꞌ jämꞌyity judyeyaꞌ jam ashyity.

Tashches Timoteodyes 3:8

Meꞌdye raꞌ chimeꞌ, tyi chuc raꞌ yụꞌtac nọ́tacsity anicjetety Jenꞌ in, jemoñeꞌ jämꞌ ĉujcatity, judyeyaꞌ rụij p̂eyaquity. Chimeꞌdye jam tyeijtyiꞌ, mijam fer dyijtutety querec̣ha.

Jäqui'ves Timoteodyes 4:10

Muꞌ na Demas mọjoꞌchaꞌ dyijtuiꞌ jacches jedyeꞌ, farajjitaquin yụ, Tesalónicaĉan qui jịjcaban muꞌ. Muꞌ na Crescente Galaciaves jac muꞌve jịjcaban muꞌ, muꞌ na Tito Dalmaciaves jac jịjcaij muꞌ chimeꞌ.

Titodyes 1:7

Muꞌ ĉọjcacsity anicjetety Jenꞌ in, muꞌ nash yụꞌtac paj qui carijtaqui Jenꞌdyes muꞌ, mọꞌdyes jemoñeꞌ jam jụꞌñity muꞌ, mijam meꞌmeꞌyity, mijam fuchyedyeijtyiꞌ, mijam tyeijtyiꞌ, mijam chucsity, mijam fer dyijtutety querec̣ha chimeꞌ.

Tashches Pedros 5:2

Q̂uinꞌ yụ jéyac, ĉọjcabimac Jenꞌtyiꞌ oveca buꞌyity in, ĉaĉaij na meꞌdyes carijtacdyeꞌ miꞌin paj qui ĉọjcacsi miꞌin. Jam raꞌ carij ĉọ́tiñeꞌ mọꞌ ĉọjcacsedyeꞌ miꞌin, mijam raꞌ querec̣hadyeꞌyas dyijtutiñeꞌ miꞌin, jämꞌsiꞌyamꞌ dyijyedyeꞌ ĉọjcacsejamꞌ, mọꞌ mạꞌjeꞌ Jenꞌ.

Jäqui'ves Pedros 2:3

Muꞌin väñädyeꞌyaꞌ jịꞌchiyacsity in querec̣havedyeꞌyaꞌ raꞌ mọmoꞌ jiꞌchäyinac in cäjsisyaꞌ dyijyedyeꞌ muꞌin. Jenꞌ aty dyijyi vaꞌtacdyeꞌ raꞌ soꞌmacsi muꞌin meꞌtyity in, muꞌin raꞌ jam junꞌ c̣honchuc in, ĉaĉaij na tạꞌcaty aty yụꞌtac in tsäquiꞌsisĉandyety in.