Juan 10:10 - Tsimane

¹⁰ Muꞌ na shushuꞌaty muntyiꞌ mọꞌ mọmoꞌ mạꞌjeꞌ shuꞌaij judyeyaꞌ ac̣hiꞌtacsi oveca chimeꞌ, pạrej ijacsi. Yụ na atsij tsạꞌchucsi paj qui maꞌjodyeꞌtum bäꞌyi in.

Juan 10:10 Iomraidhean Croise

Lucas 19:10

Meꞌdyes nash atsij yụ Anictyity Muntyiꞌ yụ, quevacseti yụ monꞌdyeꞌĉantyiꞌ in, paj qui jiꞌc̣honacsi yụ —yi Jesús jajiti.

Juan 6:51

Yụ́dye nash mọmoꞌ jeñej buꞌyi mạyedyeꞌches säcsedyeꞌ mọꞌ tsạꞌchucsis, tyi chuc mọꞌ jebeiꞌtyiꞌ, Jenꞌyaꞌ raꞌ bäꞌyi in. Mọꞌ säcsedyeꞌ soꞌmacsis raꞌ yụ, mọꞌ jeñej ĉụiꞌsiꞌ shush yụ, meꞌ raꞌ yụꞌtyeꞌ aꞌ yụ muntyidyes in paj qui mọꞌ tsạꞌchucsiꞌ úchety muntyiꞌ in —jéyacsi Jesús.

Juan 12:47

Muꞌin na muntyiꞌ in meꞌ tsanꞌ seꞌvibuntyiꞌ p̂eyacdyeꞌ yụ in, jam qui namꞌ chäquibun jụijyaꞌ yụ in, muꞌin vaꞌtacdyedyety in. Jam yụ yụꞌtacsi vaꞌtacdyedyety in. Yụ atsij úcheꞌ jam meꞌdyety yụ soꞌmacseti vaꞌtacdyeꞌ yụ, mọꞌ tun yụ paj qui jiꞌc̣honacsetiij muntyiꞌ in.

Juan 6:33

Mọꞌ anicsis mạyedyeꞌches säcsedyeꞌ yụꞌtyes muꞌ Jenꞌ, mọꞌ tsạꞌchucsis säcsedyeꞌ jacchetydyes muntyiꞌ in —jéyacsi Jesús.

Juan 3:17

Jenꞌ jutaqui Ạvaꞌ muꞌ, jam paj qui vaꞌtacdyeꞌ soꞌmacsi jacchety muntyiꞌ in. Damꞌdye muꞌ jutaqui Ạvaꞌ paj qui muꞌ jiꞌc̣honacsive muntyiꞌ in.

Tashches Timoteodyes 1:15

Anic rụijsis ọij p̂eyacdyeꞌ tupuj tsun anicjejaꞌ, yiꞌ: Muꞌ Cristo Jesús atsij úcheꞌ jaccheꞌ jijtuij paj qui jiꞌc̣honsinꞌ tsun juchajtumtyiꞌ muntyiꞌ tsun. Yụ anic mujuꞌchaꞌ juchajtumtyiꞌ, meꞌ buꞌyi shupqui yụ, uyaꞌyaꞌ yoctyiꞌ in.

Juan 10:1

Yi Jesús jéyacsi: —Jeshaꞌ meꞌ buꞌyiꞌ oveca in. Yụ raꞌ jéyac, tyi chuc jam chụiꞌdyeꞌyaꞌ siti in ovecasĉan sópe, yocve siti jụijyaꞌ in, muꞌin nash shushuꞌaty in, ĉaĉaij na aꞌc̣histum dyijyedyeꞌ atsij in.

Mateos 20:28

yojdyemꞌ yụ u Anictyity Muntyiꞌ yụ, ĉaĉaij na jam meꞌdyes atsij yụ jam raꞌ muntyiꞌ ñútyin yụ in. Yụ atsij nọ́tyetacsetity mọmoꞌ yụ daiꞌtyiꞌ muntyiꞌ in. Ĉụiꞌ jiꞌsäsdyi yụ mọꞌdyes meꞌ raꞌ säñi yụ paj qui tupuj jiꞌc̣honacsiij muꞌin in.

Hebreodyes 7:25

Mọꞌdyes muꞌ Jesús ferdyeꞌtum, tupuj jiꞌc̣honacsi tyi chuc c̣hẹiꞌyaꞌjetety Jenꞌ in Jesússiꞌcheꞌ tịj muꞌ, räjĉan buꞌyi raꞌ Jenꞌyaꞌ in. Muꞌ tupuj jiꞌc̣honacsi ĉaĉaij na muꞌ räjĉan cọdaqui Jenꞌcheꞌ muꞌ muꞌindyes in, jam raꞌ jụꞌñisĉan mạyedyeꞌ säñi muꞌ.

Jäqui'ves Pedros 1:11

Chat qui raꞌ ñịbeꞌjitidyesyaꞌ muꞌ Jenꞌyaꞌ yuꞌnac miꞌin, muꞌcheꞌ raꞌ tiĉunꞌnac miꞌin, ayoꞌbuꞌyedyeꞌĉan muꞌ Ayos tsun Jesucristos Jiꞌc̣honsinꞌtyiꞌ tsun, mijam raꞌ jụꞌñisĉan mạyedyeꞌ mọtsiꞌ ayoꞌbuꞌyedyeꞌ muꞌ Ayos tsun.

Hebreodyes 6:17

Meꞌdye chimeꞌ muꞌ Jenꞌ, ĉụiꞌsiꞌcheꞌ tịj jiꞌjäcdyiꞌ yoquiꞌdyemꞌ soꞌmacsiyaꞌ p̂eyacdyeꞌ muntyiꞌ jiquej in. Yi qui muꞌ Jenꞌ paj qui fer buꞌyiꞌ shupquiꞌ mọꞌ, aty raꞌ jam junꞌ yoc yụꞌtac dyijyedyeꞌ muꞌ, cạ̈tsiꞌ raꞌ mọꞌ p̂eyes p̂eyacdyeꞌ muꞌ.

Mateos 23:13

Fer raꞌ ñịbeꞌ cạvetiñeꞌ miꞌin jịꞌchiyacsity yụꞌtacdyeꞌ miꞌin judyeyaꞌ miꞌin fariseo, anic ac̣hiꞌ dyijyity miꞌin jämꞌ yuꞌti tsanꞌ miꞌin. Miꞌin ĉärꞌjetacsi muntyiꞌ in mọꞌ Jenꞌyas chụiꞌdyeꞌ paj qui jam siti in ayoꞌbuꞌyedyeꞌĉan muꞌ. Mijam ĉụiꞌ siti miꞌin mijam jiꞌsitacsi miꞌin muꞌin mạꞌjeꞌ sitity in.

Romaĉantyidyes 2:21

Miꞌin meꞌ yoctyiꞌ jịꞌchiyacsi miꞌin, ¿junꞌ dash jam ĉụiꞌ jiꞌchäyiti miꞌin? Miꞌin jéyacsi voroꞌyedyeꞌyaꞌ miꞌin, yi miꞌin: "Jam raꞌ shuꞌaij miꞌin." ¿Junꞌ qui dash ĉaĉaij meꞌ jämꞌtaqui miꞌin shuꞌaij miꞌin?

Mateos 18:10

Jam raꞌ äcäijjeyacsi miꞌin muꞌin anicjintyiꞌ yụ in meꞌ tsanꞌ miquity in. Yụ jéyac, muꞌintyiꞌ anjer in ĉọjcacsity in, Jenꞌsiꞌyaꞌ vej bäꞌyi in mạyedyeꞌchety Jenꞌ yụ.

Marcos 11:17

Chat qui muꞌ tiyacchuti jịꞌchiyacsi muntyiꞌ in, jéyacsi: —Yiꞌ nash Jenꞌsiꞌ sánacdyeꞌ muꞌ: "Ọij acaꞌ yụ cọdacdyedyes mọmoꞌ yụ́cheꞌ yụꞌtac, räjdyes muntyiꞌ in", yiꞌ. Miꞌin qui namꞌ yụꞌtiñeꞌ paj qui muꞌĉan bäꞌyi muꞌ shushuꞌaty muntyiꞌ in —jéyacsi muꞌ Jesús.

Juan 12:6

Judas mijam méquiꞌ dyijtucsi ñịbety in, ĉụiꞌ mọmoꞌ yi, querec̣hamꞌ dyijtute muꞌ, ĉaĉaij na muꞌ pạrej shuꞌatucsi querec̣ha muꞌin jịꞌchiyactyiꞌ muꞌ Jesústyiꞌ, ĉaĉaij na muꞌ yụꞌte in ĉọjcacsebity querec̣ha muꞌin.

Mateos 21:13

Jéyacsi muꞌ: —Yiꞌ mọꞌ Jenꞌsiꞌ sánacdyeꞌ muꞌ: "Ọij acaꞌ yụ cọdacdyedyes mọmoꞌ yụ́cheꞌ" yiꞌ, miꞌin qui namꞌ jam meꞌ, muꞌĉan jiꞌbäꞌyacsi miꞌin shushuꞌaty muntyiꞌ in.

Juan 5:40

mijam méquiꞌ mạꞌjetiñeꞌ atsij yụ́yaꞌ miꞌin paj qui yụ yụꞌtyeyac Jenꞌyadyety miꞌin.

Juan 10:11

Yụ nash jämꞌtyiꞌ ĉọjcacsity oveca, muꞌ jämꞌtyiꞌ ĉọjcacsity oveca yuꞌti muꞌ paj qui säñi ovecadyes in.