Juan 1:4 - Tsimane

⁴ Muꞌ P̂eyacdyeꞌ buꞌyity muꞌ tsạꞌchucsity judyeyaꞌ mạijchucsity chimeꞌ räjdyes muntyiꞌ in.

Juan 1:4 Iomraidhean Croise

Mateos 4:16

Muꞌin tojmadyeꞌĉan bäꞌyity jiquej in, muꞌin därsiꞌ mạijquedyeꞌ cạveꞌ in, mọꞌ qui mạijchucsiꞌ muꞌin tojmadyeꞌĉantyiꞌ in muꞌin säñi bäꞌyity in", yiꞌ sánacdyeꞌ. Jesús meꞌ jịꞌcätseꞌ ọij sánacdyeꞌ voroꞌyedyeꞌyaꞌ muꞌ.

Lucas 2:32

Muꞌ raꞌ mạijchucsebi ĉojtyiꞌ muꞌin jam Israeltyiꞌ vóshiꞌ in, jéyacsi raꞌ muꞌ mis p̂eyacdyeꞌ, judyeyaꞌ qui raꞌ muꞌ soꞌmacsi c̣honꞌdyedyes muꞌin Israeltyiꞌ vóshiꞌ in, meꞌ raꞌ uts Jiꞌc̣honacsity Muntyiꞌ —yi Simeón.

Juan 11:25

Jeꞌ Jesús: —Yụ nash tsạꞌchucsity judyeyaꞌ vañinjeyacsebantyiꞌ yụ. Tyi chuc anicjintyiꞌ yụ, meꞌ tsanꞌ säñi jụijyaꞌ muꞌ, vañinyeban raꞌ.

Juan 12:35

Vorjeyacsi Jesús: —Atyuꞌ damꞌdyety penꞌdyetuyac miꞌin, atyuꞌ damꞌdyety mạijchuyac chimeꞌ. Mạijquedyeꞌĉandyemꞌ q̂uinꞌ miꞌin, jäꞌmij yejĉojamꞌ miꞌejamꞌ paj qui jam tojmadyeꞌĉan bäꞌyi miꞌin. Tyi chuc tojmadyeꞌĉan miꞌity jụijyaꞌ jam chịj junꞌve chuc raꞌ jịjcaij.

Juan 12:46

Yụ úcheꞌ jaccheꞌ jijtuij yụ mạijchucseti úcheꞌ yụ, paj qui jam yejĉoij tojmadyeꞌĉan bäꞌyi in muꞌin anicjintyiꞌ yụ in.

Juan 14:6

Jesús vorjete: —Yụ́dye nash majmi buꞌyi, yụ́dye rụijsis buꞌyi p̂eyacdyeꞌ judyeyaꞌ tsạꞌchucsity chimeꞌ yụ, paj qui Jenꞌyadyety in. Itŝij yoctyiꞌ meꞌ yụꞌtacsity paj qui c̣hẹiꞌyaꞌjete Jenꞌ in, meꞌdye yụmꞌ yirity muꞌyaꞌ.

Juan 3:19

Meꞌ tsanꞌ úcheꞌ jijtuij muꞌ mạijchucsity muntyiꞌ, uts na jam jụjjete in, tojmadyemꞌ maꞌjotyeꞌ in, mọꞌ qui namꞌ mạijquedyeꞌ muꞌ jam maꞌjotyepte in ĉaĉaij na mọꞌ jorojĉanjeyacsebiꞌ aꞌc̣his dyijyedyeꞌ muꞌin. Mọꞌ jiꞌmeꞌtacsiꞌ vaꞌtacdyeꞌĉandyety in ĉaĉaij na jam jụjjete in.

Juan 5:21

Yojdyemꞌ muꞌ Jenꞌ u vañinjeyacseban muꞌin säñity in judyeyaꞌ jịꞌtsaꞌacseban, meꞌjeꞌdye raꞌ yụ chimeꞌ Ạvaꞌ muꞌ, tyi chuc mạꞌjeꞌ jịꞌtsaꞌebajte yụ, meꞌdye raꞌ yụ chimeꞌdye.

Juan 5:26

Muꞌ Jenꞌ yụ muꞌ nash tsạꞌchucsity, meꞌ buꞌyi yụ chimeꞌ yuꞌtyin yụ, yụ qui tsạꞌchucsity.

Juan 8:12

Jesús quivij jịꞌchiyacsi muntyiꞌ in, jéyacsi: —Yụ nash mạijchucsity jacchety muntyiꞌ in, tyi chuc cäc̣häꞌchuntyiꞌ yụ in, muꞌin raꞌ jam tojmadyeꞌĉan bäꞌyi in, muꞌin raꞌ meꞌchuiꞌ in tsạꞌchucsis mạijyis —jéyacsi.

Juan 9:5

Úcheꞌdyemꞌ jaccheꞌ q̂uinꞌ yụ, mạijchucsi yụ úcheꞌ bäꞌyity in —jéyacsi Jesús.

Uñedye' 26:23

Yiꞌ mọꞌ sánacdyeꞌ atsij raꞌ muꞌ Jiꞌc̣honacsity Muntyiꞌ judyeyaꞌ raꞌ ijate in, meꞌ raꞌ tsanꞌ meꞌjete in, vañinyeban qui na ramꞌ, muꞌ raꞌ tashcheꞌ vañinyebantyiꞌ, mọꞌ vañinyedyeꞌ muꞌ, mọꞌ raꞌ mạijchucsebiꞌ ĉojtyiꞌ judíoty muꞌin judyeyaꞌ jam judíoty in paj qui c̣hoñive in, meꞌ yiꞌ sánacdyeꞌ —jéyacsi muꞌ Pablo.

Tashches Corintoĉantyidyes 15:45

Mọꞌdye p̂eyeꞌ mọꞌ sánacdyeꞌ yiꞌ: "Tashchety muntyiꞌ Adán soꞌmac jiquej paj qui tsạꞌ buꞌyi muꞌ", yiꞌ mọꞌ, muꞌ na jäquiꞌvety Adán muꞌ anic tsạꞌchusinꞌtyiꞌ tsun ĉụiꞌsiꞌyaꞌ Ạꞌedyeꞌ muꞌ, paj qui Jenꞌyadyety tsun.

Efesoĉantyidyes 5:14

mọꞌ mạijquedyeꞌ muꞌ mọꞌ räj jịꞌmotseꞌ mọꞌ tojmas aꞌc̣his muꞌin. Mọꞌdye mọmoꞌ p̂eyeꞌ mọꞌ p̂eyacdyeꞌ yiꞌ: "Tsạꞌebada ĉọshity mi, vañinyebada sänꞌdyeꞌĉan bäꞌyity mi, chat qui raꞌ muꞌ Cristo mạijchun mi", yiꞌ p̂eyacdyeꞌ.

Colosasĉantyidyes 3:4

Cristo quimꞌ yirity dyijtutinte miꞌin, muꞌsiꞌ qui dyijyedyeꞌ meꞌchuptinte. Atsijbanyaꞌ raꞌ muꞌ, miꞌinmun raꞌ jiꞌcaviti muꞌtum judyeyaꞌ raꞌ penꞌdyetutinte miꞌin fer buꞌyedyeꞌĉan.

Tashches Juansi' 1:1

Tsun sáñeꞌ ọij miꞌindyes p̂eijte tsun muꞌ P̂eyacdyeꞌ buꞌyity judyeyaꞌ tsạꞌchucsity. Itŝiꞌdyemꞌ jedyeꞌ mọꞌyamꞌ jiquej, aty muꞌ tạꞌcaty muꞌyaꞌ. Tsun seꞌvepte p̂eyacdyeꞌ muꞌ, judyeyaꞌ cạvete tsun ĉụiꞌsiꞌyaꞌ vej tsun, judyeyaꞌ unyaꞌ tocoꞌjete chimeꞌ tsun.

Tashches Juansi' 1:2

Atsijyaꞌ jiquej muꞌ Tsạꞌchucsity, tsun cạvete, mọꞌdyes qui tsun jéyacsi muntyiꞌ in judyeyaꞌ miꞌin chimeꞌ jịꞌchiqueyeyac junꞌ chuc muꞌ Tsạꞌchucsity muntyiꞌ, muꞌ yụꞌtacsi paj qui Jenꞌyaꞌ bäꞌyi in. Muꞌ Jenꞌyaty atsij jiꞌcaviti tsunyaꞌ, Jenꞌ jiꞌcaviyin tsun.

Tashches Juansi' 5:11

Ọij p̂eyacdyeꞌ jiꞌchäquiyisinꞌ junꞌ chuc muꞌ Jenꞌ tsạꞌchusinꞌ tsun paj qui Jenꞌyadyety tsun, chịmoꞌdye jiꞌchäquiyisinꞌ tsun junꞌ chuc muꞌdye Ạvaꞌ muꞌ tsạꞌchusinꞌ tsun.

Jị'cavacdye' 22:1

Anjer jiꞌcaviyin yụ muꞌĉantyiꞌ cojiro anic chintyiꞌ, mọꞌ na ojñiꞌ muꞌ tsạꞌchucsis raꞌ muntyiꞌ in, mọꞌĉan shupquiꞌ bäꞌyaquisĉan Jenꞌsiꞌ muꞌ judyeyaꞌ Oveca buꞌyitysiꞌĉan.

Jị'cavacdye' 22:16

—Yụ nash Jesús, yụ nash juteyeyac miꞌin anjer yụ paj qui ọij p̂eyacdyeꞌ q̂uinꞌ muꞌ jiꞌchäquiyinac miꞌin yojyojdyemꞌ ñuruꞌtyity yụ́tyiꞌ u miꞌin. Yụ nash Davidtyiꞌ vóshiꞌ muꞌ, yụ nash jeñej buꞌyi pashyity ọ́rotaꞌ nạijjodyeꞌ tuiꞌtyiꞌ, meꞌ buꞌyi yụ.