Juan 1:1 - Tsimane

¹ Urucyaꞌ jiquej itŝiꞌdyemꞌ jedyeꞌ mọꞌyamꞌ, muꞌ na tạꞌcaty muꞌyaꞌ muꞌ P̂eyacdyeꞌ buꞌyity, muꞌyaꞌ bäꞌyi Jenꞌyaꞌ, muꞌ P̂eyacdyeꞌ buꞌyity muꞌdye Jenꞌ.

Juan 1:1 Iomraidhean Croise

Génesis 1:1

Tashcheꞌ jiquej itŝiꞌdyemꞌ jedyeꞌ, chat qui muꞌ Jenꞌ jämꞌtyeꞌ ọij jac judyeyaꞌ mạyedyeꞌ.

Isaías 7:14

Muꞌdye Ayoꞌ jiꞌcaviyinac yiris jịꞌĉocdyes jedyeꞌ, ạvaꞌyiꞌ raꞌ yiris p̂en jambiꞌ tyushtes sonꞌ, tịj raꞌ yụꞌtyeyete "Emanuel".

Isaías 9:6

Tsundyety raꞌ yirity naꞌi muꞌ joijnoꞌ, ạvaꞌ raꞌ naꞌi muꞌ, muꞌ yuꞌtyiyisinꞌtyiꞌ Jenꞌ, muꞌ raꞌ yụꞌte paj qui ayoꞌbuꞌyi. Daiꞌ raꞌ tịj muꞌ meꞌchuiꞌ jéte raꞌ in: Där jämꞌtyiꞌ jịꞌchiqueyacsity, Mujuꞌchaꞌ Ferdyeꞌtumtyiꞌ Jenꞌ, Jenꞌ jam mọtsity, yụꞌtacsity paj qui jämꞌjitidyeij in, meꞌ meꞌ raꞌ tịj muꞌ.

Mateos 1:23

"Mọꞌ p̂en jambiꞌ raꞌ tyushtes sonꞌ, ĉụiꞌ raꞌ ạvaꞌyi sonꞌ raꞌ ạvaꞌ mọꞌ, jịꞌtiꞌete raꞌ in Emanuel." Emanuel yiꞌ ca yiꞌ "Jenꞌ tsuntum".

Lucas 24:53

Räjĉan muꞌĉan buꞌyi in Jenꞌsiꞌĉan acaꞌ muꞌ, yejĉoij mọmoꞌ timaꞌquete Jenꞌ in.

Juan 1:14

Muꞌ P̂eyacdyeꞌ buꞌyity aꞌtum yuꞌti, atsij qui úcheꞌ tsuntum bäꞌyi, anic rụijtyity muꞌ, fer mạꞌjisinꞌ tsun muntyiꞌ. Tsun cạvepte ferdyeꞌ muꞌ, anic mujuꞌchaꞌ buꞌyi muꞌ, ĉaĉaij na muꞌ mọmoꞌ yiritytyity Jenꞌtyiꞌ Ạvaꞌ muꞌ.

Juan 1:18

Mijam tyi nạijte in muꞌ Jenꞌ, muꞌ qui namꞌ yiritytyity Ạvaꞌ muꞌ, muꞌdyemꞌ Jenꞌ muꞌyaꞌdye bäꞌyity muꞌtum, muꞌ räj jiꞌchäquiyisinꞌ junꞌ chuc muꞌ Jenꞌ.

Juan 1:2

Muꞌ P̂eyacdyeꞌ buꞌyity tạꞌcaty Jenꞌyaty.

Juan 16:28

Anicdye meꞌ, muꞌyaty atsij yụ Jenꞌyaty yụ, úcheꞌ jaccheꞌ jijtuij yụ. Q̂uinꞌ qui na ramꞌ yạjquibanꞌ ọij jac yụ, Jenꞌyaꞌ qui raꞌ jịjcaban yụ —jéyacsi Jesús.

Juan 17:5

Yụ́tyiꞌ Jenꞌ, q̂uinꞌ raꞌ míyaꞌ jịjcaban yụ, soꞌmitiꞌ fer buꞌyedyes yụ yojdyemꞌ meꞌchuiꞌ jiquej u yụ mísiꞌyaꞌ vej, itŝiꞌdyemꞌ jiquej ọij jac, meꞌ buꞌyi yuꞌtiꞌ quivij.

Juan 20:28

Tomás yi jéte: —Mi nash anictyity Ayoꞌ yụ, mi nash anictyity Jenꞌ yụ —yi jéte.

Juan 8:58

Vorjeyacsi Jesús: —Yụ anic jéyac, itŝijdyemꞌ jiquej muꞌ Abrahamvun, aty yụ tạꞌcaty muꞌyaꞌ —jéyacsi muꞌ Jesús.

Romaĉantyidyes 9:5

Muꞌin nash vóshiꞌ jiquej muꞌin tashchety tsimꞌtactyiꞌ Jenꞌtyiꞌ jiquej muꞌ. Muꞌinĉan naꞌi muꞌ Cristo, ĉaĉaij na muꞌ Israeltyiꞌ vóshiꞌ chimeꞌ muꞌ, muꞌ nash anictyity Jenꞌ muꞌ ayoꞌbuꞌyity räjdyes, mijam raꞌ jụꞌñisĉan mạyedyeꞌ mọtsiꞌ timaꞌcacdyeꞌ muꞌ. ¡Paj meꞌ!

Efesoĉantyidyes 3:9

Mọꞌ yụꞌtacdyeꞌ yụ paj qui räj jéyacsi yụ muntyiꞌ in mọꞌ tạꞌcas dyijyedyeꞌ Jenꞌsiꞌ muꞌ, muꞌ jämꞌtacsity räj jedyeꞌ in. Jämꞌtyeꞌyaꞌ ọij jac jiquej meꞌdye q̂uinꞌ, muꞌ jam jịꞌchiqueyacsi muntyiꞌ in mọꞌ dyijyedyeꞌ muꞌ.

Filiposĉantyidyes 2:6

Muꞌ nash tạꞌcaty Jenꞌ buꞌyity, muꞌ qui namꞌ jam dyijyi yejĉoij raꞌ ayoꞌbuꞌyi yojdyemꞌ Jenꞌ u muꞌ.

Colosasĉantyidyes 1:15

Cristo cạvetety jiquej in, muꞌ jorojĉanjisinꞌ muꞌ jam nạijtyejaty Jenꞌ, ĉaĉaij na Jenꞌ buꞌyi muꞌ Cristo. Muꞌ nash tashcheꞌ buꞌyity Jenꞌtyiꞌ ạvaꞌ muꞌ, muꞌ jam jämꞌtacdyeꞌ, mọꞌ na jämꞌtacdyeꞌ jam meꞌ in, anic moch in.

Colosasĉantyidyes 1:17

Jambiꞌdyemꞌ jämꞌtac jedyeꞌ in, tạꞌcaty muꞌ muꞌyaꞌ Cristo, muꞌdye räj yụꞌtacsi jämꞌ buꞌyiꞌ in räj jämꞌtacdyeꞌ muꞌ.

Tashches Timoteodyes 3:16

Där jämꞌsiꞌ ọij p̂eyacdyeꞌ Jenꞌsiꞌ muꞌ, mọꞌ caminves jiquej, mọꞌ jiꞌjäctes muꞌ Cristo, muꞌ anicjejaty tsun. Yiꞌ: Muꞌ aꞌtum jiꞌcaviti jeñej muntyiꞌ yi. Jenꞌsiꞌ Ạꞌedyeꞌ muꞌ vañinyedyeꞌyaꞌ muꞌ, mọꞌ jorojĉanjisinꞌ muꞌ Jenꞌtyiꞌ Ạvaꞌ muꞌ. Anjer muꞌin cạvepte ferdyeꞌ in. Räj buꞌyiꞌ jac jiꞌjäcte in, yịjyi muntyiꞌ jacchety in anicjete in, aty meꞌsiꞌ mạyedyeꞌcheꞌ qui Jenꞌyaꞌ jịjcaban muꞌ, muꞌcheꞌ qui bäꞌban muꞌ.

Titodyes 2:13

junꞌ quiꞌ chuc atsijbanyaꞌ muꞌ Jesucristo Jiꞌc̣honsinꞌtyiꞌ tsun, muꞌdye Jenꞌ mạyedyeꞌchety. Muꞌ bisvaꞌquejaty q̂uinꞌ tsun maꞌjodyeꞌtum raꞌ tiĉunja, mạijquedyeꞌtum raꞌ atsijban.

Hebreodyes 13:8

Muꞌ Jesucristo muꞌdye nash muꞌ jiquej, muꞌdye q̂uinꞌ judyeyaꞌ muꞌdye raꞌ yejĉoij, jam raꞌ yoc dyijyi.

Hebreodyes 7:3

Mijam méquiꞌ chị́yac jenꞌ muꞌ tyi chuc, mijam tseꞌ muꞌ, mijam vóshiꞌ muꞌ chimeꞌ, mijam sánac tịj muꞌin, jam jeñej muꞌin cudyitity Jenꞌcheꞌ jiquej in. Yojdyemꞌ Jenꞌtyiꞌ Ạvaꞌ u muꞌ, meꞌdye chimeꞌ muꞌ Melquisedec, jam jụꞌñisĉan mạyedyeꞌ mọtstaqui cudyitidyeꞌ Jenꞌcheꞌ muꞌ.

Jäqui'ves Pedros 1:1

Yụ Simón Pedro, úñity Jesucristoty muꞌ jutactyiꞌ yụ. Yụ sáñeꞌ ọij miꞌindyes anicjetintety tsuntyiꞌ Jenꞌ, muꞌdye Jesucristo Jiꞌc̣honsinꞌtyiꞌ tsun. Muꞌ soꞌminac anicyedyes miꞌin, mọꞌ damꞌdye yaꞌis, mọꞌyaꞌ c̣hoñi miꞌin chịmoꞌdye tsun soꞌmin chimeꞌ, ĉaĉaij na muꞌ rụijtyity, vaj cäts qui soꞌmisinꞌ.

Tashches Juansi' 5:20

Chimeꞌdye chị́jaꞌ tsun aty atsij Jenꞌtyiꞌ Ạvaꞌ muꞌ, muꞌ soꞌmisinꞌ ĉojtyiꞌĉandyes dyijyedyeꞌ paj qui tupuj chị́yeja muꞌ anictyity Jenꞌ. Tsun anictyitytum buꞌjaꞌ Jenꞌ judyeyaꞌ Jesucristotum buꞌjaꞌ chimeꞌ, Jenꞌtyiꞌtum Ạvaꞌ muꞌ. Muꞌ Jesucristo anictyity Jenꞌ muꞌ tsạꞌchusinꞌ tsun judyeyaꞌ yuꞌsinꞌ paj qui Jenꞌyadyety tsun.

Tashches Juansi' 5:7

Chibin mọꞌyaꞌ p̂eijtes in muꞌ Jesucristo junꞌ chuc muꞌ Jenꞌtyiꞌ Ạvaꞌ muꞌ:

Jị'cavacdye' 1:11

Mọꞌ jin yụ: —Mọꞌ raꞌ cạves q̂uinꞌ mi, mọꞌ raꞌ räj sáñem papercheꞌ, chat qui raꞌ juteyeyacsim muꞌin ñuruꞌtyity yụ́tyiꞌ in, muꞌin yävätidyeꞌyity Asiaĉansiꞌ bäꞌyedyeꞌ bäꞌyity in. Juteyeyacseva Efesoĉan bäꞌyity in, judyeyaꞌ Esmirnaĉantyiꞌ in, judyeyaꞌ Pérgamoĉantyiꞌ in, judyeyaꞌ Tiatiraĉantyiꞌ in, judyeyaꞌ Sardisĉantyiꞌ in, judyeyaꞌ Filadelfiaĉantyiꞌ in, judyeyaꞌ Laodiceaĉantyiꞌ in, meꞌ meꞌ raꞌ juteyeyacsim sánacdyeꞌ sáñeꞌsiꞌ raꞌ mi —yi muꞌ jin yụ.

Jị'cavacdye' 1:17

Nạijtacdyeꞌĉan mọmoꞌ säñej tŝọij mụijyaꞌ yụ, jeñej yirity säñity muntyiꞌ, meꞌ tŝọij yụ. Tocoꞌjin yụ tacvesyaꞌ un muꞌ, yi jin yụ: —Jam raꞌ noiꞌyi mi, yụ nash Tashchety judyeyaꞌ Jäquity.

Jị'cavacdye' 1:2

Anicdye meꞌ, muꞌ Juan rụij muꞌ jịꞌchiqueyacsi Jenꞌsiꞌ p̂eyacdyeꞌ muꞌ, junꞌ chuc cạveꞌ muꞌ, mọꞌ p̂eyes Jesucristo.

Jị'cavacdye' 1:8

"Yụ nash Tashchety judyeyaꞌ Jäquity," yi muꞌ Ayoꞌ tsun, muꞌ mujuꞌchaꞌ ferdyeꞌtumtyiꞌ Jenꞌ, muꞌ tạꞌcaty, muꞌ muꞌyaty q̂uinꞌ, muꞌdye ramꞌ yejĉoijtyiꞌ.

Jị'cavacdye' 19:13

Coftyity na muꞌ c̣huctac chäshĉan. Tịj na muꞌ: P̂eyacdyeꞌ buꞌyity.

Jị'cavacdye' 2:8

—Sáñevaꞌ anjerdyes muꞌ ĉọjcacsity muꞌin ñuruꞌtyity yụ́tyiꞌ in muꞌin Esmirnaĉan bäꞌyitydyes in, jéme ọij p̂eyacdyeꞌ muꞌindyes in: "Yi muꞌ Tashchety judyeyaꞌ Jäquity, muꞌ säñity jiquej judyeyaꞌ tsạꞌebantyiꞌ.

Jị'cavacdye' 21:6

Chimeꞌdye yi jin yụ: —A toꞌ o tas cạ̈tsiꞌ, yụ nash Tashchety judyeyaꞌ Jäquity. Tyi chuc jajrity in yụ raꞌ fibiꞌyaꞌ jiꞌtyecsi tsạꞌchusisyaꞌ ojñiꞌ, mọꞌ jijmoꞌmojĉan shupquis.

Jị'cavacdye' 22:13

Yụ nash Tashchety judyeyaꞌ Jäquity, tashcheꞌ jiquej tạꞌcaty yụ, judyeyaꞌ jadyiquis raꞌ tupudyeꞌ yejĉoij raꞌ yụ —yi muꞌ.

Jị'cavacdye' 3:14

—Sáñeva anjerdyes, muꞌ ĉọjcacsity muꞌin ñuruꞌtyity yụ́tyiꞌ in Laodiceaĉan bäꞌyity in, jéme ọij p̂eyacdyeꞌ muꞌindyes in: "Yi muꞌ rụij jịꞌchiqueyacsity, muꞌ jịꞌcätseꞌtyiꞌ p̂eyacdyeꞌ, yódyetytumdyemꞌ jiquej u muꞌ Jenꞌ räj jämꞌtacsi jedyeꞌ in. Yi muꞌ jínac: