Exodo 9:3 - Tsimane

³ Jenꞌ raꞌ quivij yụꞌtaqui ferdyeꞌ muꞌ, muꞌ raꞌ soꞌmibunac japacjodyeꞌ cuꞌdyeꞌ miꞌin. Säñiꞌ raꞌ cavayo in, judyeyaꞌ bórico in, cameyo in, vaca in judyeyaꞌ oveca in, räj raꞌ mọꞌin tyejoiꞌ in.

Exodo 9:3 Iomraidhean Croise

Génesis 47:17

Chat qui mọꞌ tacyejoiꞌ cuꞌdyeꞌ muꞌin, cavayo muꞌin, oveca muꞌin, vaca muꞌin judyeyaꞌ bórico chimeꞌ muꞌin, meꞌ meꞌ vaꞌtyeyete José in, chat q̂uinꞌdyemꞌ muꞌ soꞌmacsi jibitidyes muꞌin, cäts yirisdyes yómodyeꞌ, meꞌquiꞌ muꞌ trivo tasyetac muꞌin.

Exodo 5:3

Jéte in: —Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: "Farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun. Jam meꞌ jụijyaꞌ farajjitiĉaꞌ tsun mi vátyequej raꞌ muꞌ Jenꞌ soꞌmin tsun yịjyi fersiꞌ japacjodyeꞌ in, jam jụijyaꞌ vatyquej muꞌ Jenꞌ raꞌ jutacsi muꞌin chuntyiꞌ tsun in mạꞌjeꞌ ujan tsun."

Exodo 7:4

Muꞌ na ayoꞌ jam raꞌ junꞌ chäquinac miꞌin, yụ qui raꞌ jịꞌcaveyacsi ferdyeꞌ yụ, därsiꞌ raꞌ vaꞌtacdyeꞌ soꞌmacsi yụ, yụ raꞌ jiꞌshupcacsi Israeltyiꞌ vóshiꞌ muꞌ, cäts raꞌ ñuruꞌ jịjcaij in.

Exodo 8:19

Mọꞌdyes muꞌin cọcojsiꞌ yi in: —Jenꞌdye meꞌ yụꞌtyeꞌ ọij q̂uinꞌ —yi in. Muꞌ na ayoꞌ yejĉoij yäcäj ĉojtyiꞌ muꞌ, rụijdyemꞌ yi Jenꞌ jiquej, muꞌ jam junꞌ chicacsebi p̂eyacdyeꞌ muꞌin.

Uñedye' 13:11

Q̂uinꞌ chat raꞌ muꞌ Jenꞌ jämꞌsiꞌ vaꞌtacdyeꞌ jiꞌtŝuyin mi, tofej raꞌ jadyiqui mi, mijam raꞌ méquiꞌ nạijbite mi tsunsiꞌ mạijquedyemꞌ —jajiti Pablo. Meꞌĉandye tomaj tyeiꞌ vej muꞌ, quevte qui muntyiꞌ tyi chuc raꞌ yemeꞌ cạbajte jiꞌmiꞌebajte.