Exodo 8:3 - Tsimane

³ Bänꞌ buꞌyiꞌ raꞌ ọ́ĉan cojiroĉan in, a raꞌ meꞌsiꞌ in chat qui raꞌ chanamꞌcheꞌ jịjcaiꞌ in, räj buꞌyiꞌ raꞌ acaꞌyam judyeyaꞌ ĉọshdyeꞌĉan mi, judyeyaꞌ jubijĉan mi. Räj buꞌyiꞌ raꞌ muntyisĉan acaꞌ mi, judyeyaꞌ nọ́taquitysiꞌĉan chimeꞌ in, meꞌ meꞌ raꞌ jịjcaiꞌ in. Chimeꞌdye raꞌ jornoĉan sitiꞌ in chimeꞌdye raꞌ tạꞌdyityĉan in.

Exodo 8:3 Iomraidhean Croise

Exodo 12:34

Muꞌin Israeltyiꞌ vóshiꞌ in jäcaqui in jämꞌtactyiꞌ pan jambiꞌ bijtyeyactyiꞌ jiꞌdujraquis chat qui cacaĉan in, mọꞌtumdye yóĉandyemꞌ yụꞌtacĉan u. Comomonꞌ quịꞌsiꞌĉan yụꞌte in bijbicheꞌ vememeꞌ cạqui in.

Exodo 8:2

Jam chäquibutiꞌ p̂eyacdyeꞌ jụijyam, areꞌĉam yụ raꞌ yocsiꞌ vaꞌtacdyeꞌ soꞌmebiye jac mi, shach raꞌ shupquiꞌ ococo in, räj buꞌyiꞌ raꞌ ọij jac.

Exodo 8:4

Paj raꞌ tsanꞌ mi roiꞌjin raꞌ in judyeyaꞌ mítyiꞌ nọ́taquity in, judyeyaꞌ räj muntyiꞌ chimeꞌ in, meꞌ meꞌ raꞌ ococo p̂aiꞌtacsiꞌ, jam chäquibut p̂eyacdyeꞌ jụijyam", meꞌ raꞌ jéte ayomꞌ —jajiti Moisés muꞌ Jenꞌ.

Exodo 10:6

Sät raꞌ tŝọiꞌ acaꞌĉan mísĉan in judyeyaꞌ nọ́taquitysiꞌĉan mi, judyeyaꞌ räj Egiptoĉansiꞌ acaꞌ. Anic raꞌ mọjoꞌchaꞌ tsäquiꞌ in, jam raꞌ jeñej jiquej cạves jenꞌ jiquej miꞌin judyeyaꞌ vịyaꞌ miꞌin, jam jämꞌdyeyaꞌ meꞌ cạveꞌ jiquej in urucyaty vóshiꞌ miꞌin", meꞌ jin mi muꞌ Jenꞌ. Aty ijaij muꞌ p̂eyaqui Moisés chat shuban qui ayosĉantyiꞌ acaꞌ muꞌ.

Exodo 7:11

Muꞌ ayoꞌ cavin jiꞌvorvaqui cọcojsiꞌ muꞌ judyeyaꞌ chị́jtyiꞌ muntyiꞌ muꞌ. Ĉụiꞌsiꞌyaꞌ ferdyeꞌ muꞌin mọꞌdye muꞌin jịꞌcaveyacsi in,

Exodo 8:11

Muꞌ raꞌ meijjebanꞌ acaꞌĉansiꞌ ococo in, meꞌquiꞌdye raꞌ meꞌtyin mi, judyeyaꞌ nọ́taquity mi judyeyaꞌ muntyiꞌ chimeꞌ in, cojiroĉandyety raꞌ mọꞌyaꞌ in jiꞌyajcatiꞌ in.