Exodo 8:1 - Tsimane

¹ Jajiti: —Ĉọcme muꞌ ayoꞌ jéme: "Yi nash Jenꞌ jin mi: Farajjibut muntyiꞌ yụ paj qui timaꞌquin yụ in.

Exodo 8:1 Iomraidhean Croise

Exodo 3:18

Muꞌin tashcheꞌ buꞌyity in chäquibun raꞌ p̂eyacdyeꞌ in judyeyaꞌ muꞌin raꞌ penꞌdyetun in, ĉọctinte raꞌ muꞌ Egiptoĉantyiꞌ ayoꞌ, jétinte raꞌ miꞌin: "Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayequeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun", meꞌ raꞌ jéte mi muꞌ Egiptoĉantyiꞌ ayoꞌ.

Exodo 3:12

Vorjajiti muꞌ Jenꞌ: —Yụ́dye raꞌ penꞌdyetuye, aty raꞌ jorojyaꞌ jụijyaꞌ miꞌin, timaꞌquibudyiĉaꞌ raꞌ yụ miꞌin úcheꞌ mụcuꞌcheꞌ, mọꞌ raꞌ jịꞌĉocdyes yụ́dye juteye mi —yi jajiti Jenꞌ.

Exodo 5:1

Aty meꞌsiꞌ jéyacsi muntyiꞌ in, muꞌ Moisés judyeyaꞌ muꞌ Aarón chat qui q̂uinꞌdyemꞌ ĉọcte in Egiptoĉantyiꞌ ayoꞌ, jéte in: —Yi nash muꞌ Jenꞌ Ayoꞌ Israeltyiꞌ vóshiꞌ muꞌ: "Farajjibutiꞌ ram yụ́tyiꞌ muntyiꞌ in paj qui cäjyaꞌ jịjcaij in, muꞌĉan qui raꞌ jämꞌtyeꞌ feshta yụ́dyes in."

Exodo 7:16

Jéte ram muꞌ ayoꞌ: "Muꞌ Jenꞌ Ayoꞌ hebreoty in muꞌ nash jutin yụ paj qui yụ jéye, yi muꞌ: Farajjibut raꞌ muntyiꞌ yụ, paj cäjyaꞌ jịjcaij in timaꞌquin yụ in, yi muꞌ. A tsanꞌ jéye jiquej, mi qui namꞌ jam méquiꞌ chiquepte p̂eyacdyeꞌ muꞌ.

Exodo 4:23

Meꞌ tsanꞌ yụ jéye jiquej paj qui farajjibutiꞌ mi ạvaꞌ yụ paj qui timaꞌquin yụ in, mi qui namꞌ jam junꞌ chäquibutiꞌ p̂eyacdyeꞌ yụs mi, mọꞌdyes raꞌ yụ ijabiye tashchety ạvaꞌ mi", meꞌ raꞌ jéte mi muꞌ Egiptoĉantyiꞌ ayoꞌ —yi muꞌ Jenꞌ jajiti Moisés.

Exodo 5:3

Jéte in: —Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: "Farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun. Jam meꞌ jụijyaꞌ farajjitiĉaꞌ tsun mi vátyequej raꞌ muꞌ Jenꞌ soꞌmin tsun yịjyi fersiꞌ japacjodyeꞌ in, jam jụijyaꞌ vatyquej muꞌ Jenꞌ raꞌ jutacsi muꞌin chuntyiꞌ tsun in mạꞌjeꞌ ujan tsun."

Exodo 7:25

Aty yävätidyeꞌ mạyedyeꞌ meꞌquiꞌ chäsh buꞌyiꞌ yụꞌtyeꞌ ojñiꞌ muꞌ Ayoꞌ, quivij jajibun muꞌ Moisés.

Exodo 8:2

Jam chäquibutiꞌ p̂eyacdyeꞌ jụijyam, areꞌĉam yụ raꞌ yocsiꞌ vaꞌtacdyeꞌ soꞌmebiye jac mi, shach raꞌ shupquiꞌ ococo in, räj buꞌyiꞌ raꞌ ọij jac.

Exodo 8:20

Ayoꞌ jajiti Moisés: —Nojno raꞌ mạyedyeꞌ jadyiqui raꞌ cojiroyaꞌ muꞌ ayoꞌ. Pamꞌdye raꞌ ĉọcte mi, jéte ram: "Meꞌ nash yi jiquej muꞌ Ayoꞌ jin mi: Farajjibutiꞌ raꞌ mi yụ́tyiꞌ muntyiꞌ in paj qui timaꞌquin yụ in.

Exodo 9:1

Ayoꞌ jajiti muꞌ Moisés: —Ĉọcme muꞌ ayoꞌ jéte ram: "Yi muꞌ Jenꞌ, hebreoty Ayoꞌ muꞌin, muꞌ yi jin mi: Farajjeyacseva yụ́tyiꞌ muntyiꞌ in paj qui timaꞌquin yụ in.

Josué 8:18

Chat qui muꞌ Ayoꞌ jajiti Josué: —C̣họcoꞌtyevaꞌ yóvedyeꞌ Hai mọꞌyaꞌ shijmisyaꞌ chutidyedyes unĉansiꞌ mi ĉaĉaij na unĉan mi yụ raꞌ soꞌmitim mọꞌ bäꞌyedyeꞌ —jajiti Ayoꞌ. Chat qui Josué c̣họcoꞌtyeꞌ yóvedyeꞌ Hai mọꞌyaꞌ shijmisyaꞌ chutidyedyes unĉansiꞌ muꞌ.