Exodo 5:3 - Tsimane

³ Jéte in: —Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: "Farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun. Jam meꞌ jụijyaꞌ farajjitiĉaꞌ tsun mi vátyequej raꞌ muꞌ Jenꞌ soꞌmin tsun yịjyi fersiꞌ japacjodyeꞌ in, jam jụijyaꞌ vatyquej muꞌ Jenꞌ raꞌ jutacsi muꞌin chuntyiꞌ tsun in mạꞌjeꞌ ujan tsun."

Exodo 5:3 Iomraidhean Croise

Exodo 3:18

Muꞌin tashcheꞌ buꞌyity in chäquibun raꞌ p̂eyacdyeꞌ in judyeyaꞌ muꞌin raꞌ penꞌdyetun in, ĉọctinte raꞌ muꞌ Egiptoĉantyiꞌ ayoꞌ, jétinte raꞌ miꞌin: "Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayequeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun", meꞌ raꞌ jéte mi muꞌ Egiptoĉantyiꞌ ayoꞌ.

Exodo 7:16

Jéte ram muꞌ ayoꞌ: "Muꞌ Jenꞌ Ayoꞌ hebreoty in muꞌ nash jutin yụ paj qui yụ jéye, yi muꞌ: Farajjibut raꞌ muntyiꞌ yụ, paj cäjyaꞌ jịjcaij in timaꞌquin yụ in, yi muꞌ. A tsanꞌ jéye jiquej, mi qui namꞌ jam méquiꞌ chiquepte p̂eyacdyeꞌ muꞌ.

Exodo 8:1

Jajiti: —Ĉọcme muꞌ ayoꞌ jéme: "Yi nash Jenꞌ jin mi: Farajjibut muntyiꞌ yụ paj qui timaꞌquin yụ in.

Exodo 8:20

Ayoꞌ jajiti Moisés: —Nojno raꞌ mạyedyeꞌ jadyiqui raꞌ cojiroyaꞌ muꞌ ayoꞌ. Pamꞌdye raꞌ ĉọcte mi, jéte ram: "Meꞌ nash yi jiquej muꞌ Ayoꞌ jin mi: Farajjibutiꞌ raꞌ mi yụ́tyiꞌ muntyiꞌ in paj qui timaꞌquin yụ in.

Exodo 8:27

Mọꞌdyes jemoñeꞌ moch jịjcaij tsun cäjyaꞌ, chibin raꞌ mạyedyeꞌ miꞌi tsun, muꞌve raꞌ jiꞌcoꞌshayequeꞌ Jenꞌdyes tsun, yoj jindyeꞌ Jenꞌ ayoꞌ u tsun jiquej.