Exodo 4:2 - Tsimane

² Vorjajiti muꞌ Ayoꞌ: —¿Jedyeꞌ unĉan um? Vorjete Moisés: —Mutyudyeꞌ uij.

Exodo 4:2 Iomraidhean Croise

Génesis 30:37

Muꞌ na Jacob dyijyi paj dayiꞌve in mọꞌin yedyej ñútetes cuꞌdyeꞌ in, judyeyaꞌ mọꞌin móreres in judyeyaꞌ cushrurus chimeꞌ in. Meꞌdye muꞌ miquis dạqueꞌ son in, álamo judyeyaꞌ almendro judyeyaꞌ castaño, meꞌ meꞌ tịj mọꞌin. Mọꞌin tsacaꞌnacsi paj qui jaiꞌbas, ñútetes shupquiꞌ in, chat qui muꞌ yụꞌtacsi ojñiꞌyaꞌ yóyaꞌdyemꞌ cuꞌdyeꞌ ätsiꞌñitiꞌyaꞌ o in, mọꞌ qui cạveꞌ in ätsiꞌñitiꞌyaꞌ in. Anicdye meꞌ aty naꞌiyaꞌ ạvaꞌ mọꞌin joꞌmemeijdye ñúteteij shupqui in, judyeyaꞌ mórereij in judyeyaꞌ cushruruty chimeꞌ in.

Exodo 4:17

Mọꞌdye raꞌ unĉansiꞌ mutyudyeꞌ cạqui mi, mọꞌtum raꞌ jịꞌcaveyacsi ferdyeꞌ mi —yi jajiti Moisés muꞌ Jenꞌ.

Exodo 4:20

Chat qui muꞌ Moisés jiꞌfoquinꞌtaĉan bóricocheꞌ p̂en muꞌ judyeyaꞌ ạvaꞌ muꞌ chat sacjebanꞌ in, Egiptoĉan jịjcaban muꞌ Moisés. Jam mọꞌ faraj mutyudyemꞌ, mọꞌ jịꞌcavacdyes Jenꞌsiꞌ ferdyeꞌ muꞌ.

Exodo 7:15

Nojno raꞌ mạyedyeꞌ jäꞌmij cojiroyaꞌ jịjcaij mi mutyudyeꞌtum ram, mọꞌ nas muñis jiquej mi, tsävcheꞌ raꞌ bistem.

Exodo 7:9

—Ferdyeꞌ cudyinac jụijyaꞌ muꞌ ayoꞌ, jéte raꞌ mi muꞌ Aarón paj qui mụijyaꞌ farajjeyaqui mutyudyeꞌ muꞌ ayoꞌsiꞌyaꞌ vej muꞌ, paj nas muñiꞌ muꞌ.