Exodo 4:1 - Tsimane

¹ Moisés vorjete muꞌ Jenꞌ: —Muꞌin na raꞌ jam junꞌ anicjin yụ in, jam raꞌ junꞌ chäquibun p̂eyacdyeꞌ yụ in, yi raꞌ vatyquej in: "Junꞌdyemꞌ muꞌ Ayoꞌ jiꞌcaviti míyaꞌ", yi raꞌ in.

Exodo 4:1 Iomraidhean Croise

Exodo 2:14

Muꞌ muntyiꞌ vorjajiti: —¿Tyi dash meꞌ yuꞌtyin mi paj qui ayoꞌbuꞌyi tsundyes mi, paj qui jịꞌcäts yuꞌtiĉaꞌ tsun miꞌin? ¿Mi buty mạꞌjeꞌ ijatim yoj jetedyemꞌ jiquej um Egiptoĉantyiꞌ ijatem? —jajiti muꞌ Moisés. Aty seꞌvepteyaꞌ p̂eyacdyeꞌ muꞌ, jämꞌ itŝijyi ĉojtyiꞌĉan. "Q̂uinꞌ chat aty chäyin yụ in anicdye meꞌ ijate yụ", yi ĉụiꞌ Moisés.

Exodo 3:15

Meꞌ raꞌ jéyacsi mi Israeltyiꞌ vóshiꞌ muꞌ: "Muꞌ Jehová muꞌ nash jutintyiꞌ yụ, muꞌdye Jenꞌ muꞌintyiꞌ vóshity jiquej miꞌin, Abrahamtyiꞌ judyeyaꞌ Isaactyiꞌ judyeyaꞌ Jacobtyiꞌ chimeꞌ, muꞌ nash jutin yụ", yi raꞌ jéyacsim. Räjĉan buꞌyiꞌ raꞌ ọij tịj yụ, mijam raꞌ jụꞌñisĉan mạyedyeꞌ mọtsiꞌ.

Exodo 3:16

Tạij caꞌñibuda Egiptoĉan jịjcabada, vajmuꞌyaꞌjeyacseva muꞌin tashcheꞌ buꞌyity Israeltyiꞌ vóshiꞌ muꞌin, jéyacseva: "Jenꞌ vóshiꞌvuntyiꞌ Ayoꞌ jiquej miꞌin, Abrahamtyiꞌ judyeyaꞌ Isaactyiꞌ judyeyaꞌ Jacobtyiꞌ muꞌ jiꞌcaviti yụ́yaꞌ, muꞌ jin yụ, muꞌ nash fer dyijtunac miꞌin judyeyaꞌ cavibunac ñịbedyes miꞌin junꞌtyinac chuc Egiptoĉantyiꞌ in.

Exodo 3:18

Muꞌin tashcheꞌ buꞌyity in chäquibun raꞌ p̂eyacdyeꞌ in judyeyaꞌ muꞌin raꞌ penꞌdyetun in, ĉọctinte raꞌ muꞌ Egiptoĉantyiꞌ ayoꞌ, jétinte raꞌ miꞌin: "Muꞌ Jenꞌ Ayoꞌ tsun hebreoty, muꞌ jiꞌcaviti tsunyaꞌ, mọꞌdyes qui tsun jéyac mi: farajjitiĉamꞌ tsun paj qui cäjyaꞌ jịjcaij tsun, chibin raꞌ mạyedyeꞌ miꞌi tsun. Mọꞌĉan raꞌ jiꞌcoꞌshayequeꞌ cuꞌdyeꞌ tsun tsuntyidyes Jenꞌ, muꞌ nash Ayoꞌ tsun", meꞌ raꞌ jéte mi muꞌ Egiptoĉantyiꞌ ayoꞌ.

Exodo 4:10

Yi muꞌ Moisés jéte muꞌ Ayoꞌ: —Junꞌ a vuꞌ, jam raꞌ jutitiꞌ mi Ayoꞌ, yụ jam chịj voroꞌtacsi muntyiꞌ in, tạꞌcatydye nash yụ meꞌtyity, anic yäcäj nem yụ jam junꞌ camanꞌyi p̂eyaquiyaꞌ yụ.

Exodo 4:30

Räj muꞌ jéyacseban Aarón mọꞌ p̂eyacdyeꞌ Ayoꞌsiꞌ jasoꞌmitis Moisés jiquej. Moisés räj jịꞌcaveyacsi ferdyeꞌ jasoꞌmitis Ayoꞌ jiquej.

Exodo 4:31

Anicjeyacsebi p̂eyacdyeꞌ muꞌin. Aty seꞌveꞌyaꞌ in junꞌ chuc muꞌ Ayoꞌ aty dyijtucsi, judyeyaꞌ cạvacsebi därsiꞌ ñịbedyes jịꞌĉojtyes in, chat qui muꞌin vụduiꞌyi in timaꞌquete Jenꞌ ĉojtyiꞌĉan muꞌin.

Exodo 6:12

Moisés vorjete muꞌ Ayoꞌ: —Jeshaꞌ, muꞌin Israeltyiꞌ vóshiꞌ in jam mạꞌjeꞌ seꞌvin yụ in. ¿Junꞌ qui bu raꞌ meꞌ tupuj chäquin yụ muꞌ faraón yụ na jänꞌjänꞌyi p̂eyaquity?

Exodo 6:30

Muꞌ qui Moisés vorjeteyaꞌ muꞌ Ayoꞌ yi: —Yụ nash jänꞌjänꞌyi p̂eyaquity ¿junꞌ a ĉa muꞌ faraón chäquibun p̂eyacdyeꞌ yụ?

Uñedye' 7:25

Muꞌ Moisés jeñety chị́yepte in yụꞌtacdyeꞌ muꞌ, meꞌ ĉọcsi chätidyeꞌ muꞌ, junꞌ chuc muꞌ Jenꞌ jayuꞌti paj qui muꞌ raꞌ jiꞌc̣honacsi, jam qui namꞌ junꞌ chị́yete muꞌin in.