Exodo 3:2 - Tsimane

² Muꞌyaꞌ muꞌ Ayoꞌtyiꞌ Anjer jiꞌcaviti Moisésyaꞌ, ĉụiꞌ furyisyaꞌ son, muꞌyaꞌ jiꞌcaviti muꞌ. Moisés jämꞌtuiꞌ cạveꞌ mọꞌ son, meꞌ tsanꞌ furquiꞌ jam qui namꞌ jụꞌñiꞌ coꞌshaiꞌ mọꞌ räjquis son.

Exodo 3:2 Iomraidhean Croise

Génesis 21:17

Jenꞌ na jaseꞌvibuti táredyeꞌ muꞌ nanatysiꞌ muꞌ. Mạyedyeꞌcheꞌ yi vatyquej Jenꞌtyiꞌ anjer muꞌ, fayeꞌ Agar, jeꞌ: —¿Junꞌ toꞌ om Agar? Jam raꞌ noiꞌyiꞌ mi, a nash Jenꞌ jaseꞌvibuti táredyeꞌ ạvaꞌsiꞌ mi.

Génesis 22:11

Meꞌĉandye p̂eyaqui mạyedyeꞌchety anjer, Ayoꞌtyiꞌ muꞌ. Jafaijti muꞌ Abraham yi: —Abraham, Abraham. Vorjete Abraham: —Utsdye u yụ.

Génesis 48:16

Yụ cọdyete Anjer jiꞌc̣hoñintyiꞌ yụ paj qui jam aꞌc̣hisĉan yụ, paj qui muꞌ nọ́tacsi uts nanamuntyiꞌ in. Yụ cọdaqui paj qui muꞌin judyeyaꞌ vóshiꞌ raꞌ muꞌin cabun yụs tịj in, judyeyaꞌ vịyaꞌsiꞌ tịj yụ Abrahamsiꞌ, judyeyaꞌ jenꞌsiꞌ tịj yụ Isaacsiꞌ chimeꞌdye, paj muntyiꞌ chịj in muꞌin nash vóshiꞌ tsun. Chimeꞌdye yụ cọdaqui paj qui muꞌyaꞌ daiꞌ ạvaꞌ muꞌin, paj dayi jaccheꞌ in vóshiꞌ muꞌin", yi Israel cọdacdyeꞌĉan muꞌ.

Exodo 19:18

Muꞌ mụcuꞌ juñumjajiti jịꞌsaꞌ, ĉaĉaij na muꞌ Ayoꞌ tŝijcheꞌ chạij. Anic quivꞌdyeiꞌ jịꞌtŝoiꞌ jịꞌsaꞌ, jeñej därsiꞌ jorno, meꞌ shupquiꞌ, judyeyaꞌ fer muꞌ bubaqui mụcuꞌ.

Exodo 23:20

Jeshaꞌ, yụ raꞌ jutaqui anjer paj qui muꞌ tashi ñutschunac miꞌin carijsisyaꞌ miꞌedyeꞌĉansiꞌ judyeyaꞌ paj qui muꞌ tunac miꞌin yóyaꞌdyemꞌ mọꞌ jac jämꞌ yụꞌtyeꞌsiꞌ yụ u.

Exodo 3:16

Tạij caꞌñibuda Egiptoĉan jịjcabada, vajmuꞌyaꞌjeyacseva muꞌin tashcheꞌ buꞌyity Israeltyiꞌ vóshiꞌ muꞌin, jéyacseva: "Jenꞌ vóshiꞌvuntyiꞌ Ayoꞌ jiquej miꞌin, Abrahamtyiꞌ judyeyaꞌ Isaactyiꞌ judyeyaꞌ Jacobtyiꞌ muꞌ jiꞌcaviti yụ́yaꞌ, muꞌ jin yụ, muꞌ nash fer dyijtunac miꞌin judyeyaꞌ cavibunac ñịbedyes miꞌin junꞌtyinac chuc Egiptoĉantyiꞌ in.

Marcos 12:26

Q̂uinꞌ dyijtujaꞌ vañinyedyeꞌ säñitysiꞌ in. ¿Jam adac p̂eyeptinte miꞌin Moiséssiꞌ sánacdyeꞌ muꞌ? Mọꞌ yiꞌ junꞌ chuc muꞌ Jenꞌ jiquej jiꞌcaviti ĉụiꞌ furyisyaꞌ son, jajiti Moisés: "Yụ nash Abrahamtyiꞌ Jenꞌ muꞌ, judyeyaꞌ Isaactyiꞌ judyeyaꞌ Jacobtyiꞌ chimeꞌ.

Lucas 20:37

Q̂uinꞌ dyijtujaꞌ vañinyedyeꞌ raꞌ säñitysiꞌ in. Moiséssiꞌ sánacdyeꞌ muꞌ yiꞌ junꞌ chuc muꞌ Jenꞌ jiquej jiꞌcaviti furyisyaꞌ son, mọꞌtum raꞌ chị́jaꞌ vañinyeban säñity in. Yiꞌ sánacdyeꞌ: "Muꞌ Ayoꞌ, muꞌ nash Abrahamtyiꞌ Jenꞌ muꞌ, judyeyaꞌ Isaactyiꞌ judyeyaꞌ Jacobtyiꞌ chimeꞌ."

Juan 1:14

Muꞌ P̂eyacdyeꞌ buꞌyity aꞌtum yuꞌti, atsij qui úcheꞌ tsuntum bäꞌyi, anic rụijtyity muꞌ, fer mạꞌjisinꞌ tsun muntyiꞌ. Tsun cạvepte ferdyeꞌ muꞌ, anic mujuꞌchaꞌ buꞌyi muꞌ, ĉaĉaij na muꞌ mọmoꞌ yiritytyity Jenꞌtyiꞌ Ạvaꞌ muꞌ.

Romaĉantyidyes 8:3

Mọꞌ na Jenꞌsiꞌ yụꞌtacdyeꞌ muꞌ, mọꞌ jam tupuj jiꞌc̣honsinꞌ tsun ĉaĉaij na jam méquiꞌ ferdyeꞌ meꞌchujaꞌ tsun, mọꞌdyes qui jam tupuj chiquepja tsun. Jenꞌ qui namꞌ jiꞌc̣honsinꞌ tsun, muꞌ jutaqui ĉụiꞌtyiꞌ Ạvaꞌ muꞌ, muntyiꞌ buꞌyi qui jiꞌcaviti, mijam qui namꞌ méquiꞌ juchajtum muꞌ. Muꞌ jiꞌijati úcheꞌ tsunsidyes juchaj, paj qui mọꞌ juchaj aty jam bächäbusinꞌ aꞌ tsun.

Jäqui'ves Tesalonicaĉantyidyes 1:7

pacaj raꞌ miꞌin yiriꞌyaꞌ tsuntum chimeꞌ, junꞌsiꞌ chuc atsijbanyaꞌ muꞌ mạyedyeꞌchety Ayoꞌ tsun Jesús, tuqui raꞌ ferdyeꞌtumtyiꞌ anjer muꞌ, yenamyistum raꞌ tŝij chạij muꞌ.