Exodo 3:1 - Tsimane

¹ Moisés ĉọjcacsity oveca, tyúñes ĉọjcaqui oveca Jetros, muꞌ Jetro cọdaquity Jenꞌcheꞌ, Madiánĉan bäꞌyity. Yirisĉan mạyedyeꞌ muꞌ Moisés yocve cạcsi oveca in cäjyaꞌ tyeij tajñiꞌĉan, ĉụiꞌdye ventyecte mụcuꞌ Horeb, Jenꞌtyiꞌ mụcuꞌ muꞌ.

Exodo 3:1 Iomraidhean Croise

Exodo 17:6

mụcuꞌcheꞌ Horebcheꞌ. Muꞌcheꞌ raꞌ yụ bisye mijcheꞌ. Mij raꞌ pacjete mi chat qui raꞌ ojñiꞌ shupquiꞌ mọꞌĉansiꞌ, paj qui tyeij muntyiꞌ räj in. Moisés chiquepte p̂eyacdyeꞌ muꞌ, meꞌdye mọꞌ shupqui ojñiꞌ, vaj mọꞌcheꞌ vej muꞌin cạvi in muꞌin tashcheꞌ buꞌyity in.

Exodo 18:12

Judyeyaꞌ Jetro, Moiséstyiꞌ tyúñeꞌ muꞌ, jiꞌcoꞌshayaqui Jenꞌdyes judyeyaꞌ yocsiꞌ tucdyeꞌ soꞌmete Jenꞌ chimeꞌ. Muꞌ Aarón muꞌintum in räj tashcheꞌ buꞌyity Israeltyiꞌ vóshiꞌ in atsij in yiriꞌyaꞌ pan jebetyete in Moiséstyiꞌ tyúñeꞌ muꞌ. Jenꞌsiꞌyaꞌ vej muꞌin meꞌjeꞌ in.

Exodo 19:11

paj qui nojnoĉanyaꞌ jämꞌ yuꞌti in, ĉaĉaij na muntyisyaꞌ vej muꞌin yụ raꞌ chạban úcheꞌ Sinaícheꞌ.

Exodo 19:3

Muꞌcheꞌ muꞌ Moisés bojvi mụcuꞌcheꞌ, ĉọcte muꞌ Jenꞌ. Muꞌcheꞌ buꞌyi muꞌ Ayoꞌ jafaijdyi muꞌ Moisés jajiti: —Jéyacseva uts Jacobtyiꞌ vóshiꞌ in, Israel jiquej jäquiꞌves tịj muꞌ, soꞌmacsevaꞌ ọij p̂eyacdyeꞌ:

Exodo 2:16

Ayij mọꞌyaꞌ yävätidyeꞌ nanamunsiꞌ in, yudyej Reuelsiꞌ ạvaꞌ muꞌ, muꞌ Madiánĉantyiꞌ cọdaquity Jenꞌcheꞌ. Mọꞌin ayij in jenꞌsiꞌ oveca tuquiꞌ in, mạꞌjeꞌ tsanꞌ bänꞌjeꞌ in tyeiꞌĉan oveca in jiꞌtyecsiꞌ in.

Exodo 2:18

chat acaꞌyaꞌ jịjcabanꞌ in. Jenꞌ mọꞌin jéyaqui ạvaꞌ muꞌ: —¿Junꞌ caꞌ meꞌyequiꞌ miꞌin cavin ayijbanꞌ miꞌin?

Exodo 2:21

Anicdye meꞌ muꞌ Moisés muꞌyaꞌ dyäqui Reuelsiꞌĉan acaꞌ. Yiris soꞌmete ạvaꞌ p̂endyes muꞌ Moisésdyes, jajiꞌvämiti, Séfora tịj mọꞌ p̂ensiꞌ.

Exodo 24:13

Anicdye meꞌ muꞌ Moisés sacti mụcuꞌcheꞌ jịjcaij Jenꞌtyiꞌcheꞌ, muꞌ cạte nọ́taquity muꞌ, Josué.

Exodo 3:12

Vorjajiti muꞌ Jenꞌ: —Yụ́dye raꞌ penꞌdyetuye, aty raꞌ jorojyaꞌ jụijyaꞌ miꞌin, timaꞌquibudyiĉaꞌ raꞌ yụ miꞌin úcheꞌ mụcuꞌcheꞌ, mọꞌ raꞌ jịꞌĉocdyes yụ́dye juteye mi —yi jajiti Jenꞌ.

Exodo 3:5

Yi jajiti muꞌ Jenꞌ: —Jam raꞌ c̣hẹiꞌyaꞌ jijtuij mi, chacjeyaca yujches mi, ĉaĉaij na tsäquiꞌ buꞌyiꞌ ọij jac, aty Jenꞌdyes yụꞌtac.

Exodo 33:6

Chat qui muꞌin Israeltyiꞌ vóshiꞌ in jam yejĉoij jämꞌtyiꞌĉan quịꞌsiꞌ cofjiti in, mijam sháshatuti in jiquej jambiꞌdyemꞌ yacchubajteyaꞌ in muꞌ mụcuꞌ Horeb.

Exodo 4:18

Chat qui muꞌ Moisés acaꞌyaꞌ jịjcaban Jetrosyaꞌ tyúñesyaꞌ muꞌ, jéte: —Farajjitiꞌ, caꞌñibun nash raꞌ yụ, Egiptoĉan ĉọcseĉan chätidyeꞌ yụ, vatyquej raꞌ tacaꞌ tsạꞌ in. Vorjete muꞌ Jetro: —Jụdyej, ạnijyeban ĉam.

Exodo 4:27

Ayoꞌ jajiti muꞌ Aarón: —Tạij cäjyaꞌ jịjcava, jiꞌrebeme muꞌ Moisés. Meꞌdye qui muꞌ sacti Aarón, muꞌyaꞌ muꞌ täjjete Jenꞌtyiꞌyaꞌ mụcuꞌ, vorjete judyeyaꞌ pụꞌsete.

Lucas 2:8

Chimeꞌdye c̣hẹiꞌyaꞌ mọꞌ Belén muꞌyaꞌ ĉọjcaquity oveca pạrej in, taĉandye ĉọshi tajñiꞌĉan in ĉọjcaquity oveca in.

Uñedye' 7:30

Jiyiꞌ vạjpedyeꞌ quiꞌtac yómodyeꞌ muꞌĉan, chat yirity anjer jiꞌcaviti Moisésyaꞌ cäjyasĉan jac, c̣hẹiꞌyaꞌ muꞌ mụcuꞌ Sinaí, furquisyaꞌ son jiꞌcaviti.

Tashches Samuel 16:11

Chimeꞌdye jajiti: —¿Itŝij caꞌ yoctyiꞌ yiritydyety ạvaꞌ muꞌyaꞌ mi? Vorjete Isaí: —Meꞌdyety muꞌ ạvaꞌ yụ jäquity, muꞌ ĉọjcacsity oveca. Samuel jajiti: —Jeshaꞌ jäĉajme, jambiꞌ chum raꞌ tsun jiꞌcoꞌshayeꞌ Jenꞌdyes, junꞌ quiꞌ chuc atsij muꞌ.