Exodo 2:3 - Tsimane

³ aty jam junꞌ tupuj yejĉoiꞌ junꞌ buꞌyiꞌ, chat qui yirity jämꞌte canasto, taiꞌte peiꞌtaquisyaꞌ paj qui jam ñịtsive ojñiꞌĉan. Muꞌĉan qui yụꞌtaquiꞌ ạvaꞌ mọꞌ, chat qui ojñiꞌĉan jicajquiquiꞌ ạvaꞌ mọꞌ därtyiꞌĉan biruruc, Nilo tịj muꞌ cojiros.

Exodo 2:3 Iomraidhean Croise

Génesis 11:3

Yirisĉan mạyedyeꞌ dyijyi in yi jítidyeij in: —Jeshaꞌ jämꞌtyejaꞌ faratucsiꞌ jac, jämꞌ raꞌ ferojmun jiꞌmujaꞌ —yi jítidyeij in. Anicdye meꞌ muques faratucsiꞌ jac jämꞌtyeꞌ in, jam mij jämꞌte in, judyeyaꞌ tsinꞌcusyaꞌ qui peiꞌtaquis peiꞌquejĉoiꞌ jämꞌtyeꞌ in, mijam musactyiꞌyaꞌ mij.

Génesis 14:10

Sidim tịj mọꞌ mojis, daiꞌ mọꞌĉan toꞌ in peiꞌtaquistumsiꞌ in taĉansiꞌ. Muꞌin ĉanamꞌyity ayoꞌ in aty chutidyeꞌĉan in peñi in, chat qui roiꞌjeꞌ ĉaꞌjoij in. Sodomaĉantyiꞌ ayoꞌ judyeyaꞌ Gomorraĉantyiꞌ ayoꞌ chimeꞌ muꞌin ĉaꞌjoij in, mọꞌdyes ĉaꞌjodyeꞌĉan jọꞌchaij in yóĉandyemꞌ peiꞌtaquis bäꞌyi o, muꞌĉan rätsäꞌ tŝọij in. Muꞌin na yoctyiꞌ ayoꞌ in c̣hoñi in mụcuꞌcheꞌ muꞌin jịjcaij in.

Génesis 6:14

Mi raꞌ jämꞌte yirity covamba, jämꞌsiꞌ raꞌ son jämꞌtyeꞌ in, räj raꞌ ñuctacdyeꞌtum jämꞌte mi. Pärenꞌcheꞌ raꞌ peiꞌtac paj qui jam ñịtsi.

Exodo 1:22

Muꞌ ayoꞌ yụꞌtyeꞌ p̂eyacdyeꞌ räjdyes muntyiꞌ in, yiꞌ: —Yụ raꞌ jéyac: Vaꞌcacsequi raꞌ miꞌin cojiroĉan räj hebreoty ạvaꞌ mọꞌin sonꞌ naꞌity in, p̂en na raꞌ naꞌiꞌ jụijyaꞌ paj mọꞌyaꞌ jam raꞌ vaꞌcacsequi miꞌin —yi jéyacsi.

Mateos 2:13

Muꞌin chị́quity ọ́rotaꞌyaꞌ in aty meꞌsiꞌ jọban in chat qui Jenꞌtyiꞌ anjer muꞌ taminꞌdyeꞌĉan jiꞌcaviti Joséyaꞌ. Jajiti: —Sacta Egiptoĉan jịjcava tiĉavꞌqueme muꞌ miquity tseꞌtumdye. Muꞌĉan raꞌ taĉan meꞌ buꞌyim junꞌ quiꞌ chuc yụ jébadyeye, ĉaĉaij na muꞌ Herodes quevte raꞌ muꞌ miquity, mạꞌjeꞌ ijate.

Mateos 2:16

Muꞌ Herodes aty cạveꞌyaꞌ junꞌ chuc muꞌin chị́quity ọ́rotaꞌyaꞌ in väñätute in, chat qui muꞌ fạ́coij tyeij. Jutacsi qui väc̣häꞌtyity muꞌ paj qui ijacsi in muꞌin miquiꞌmuntyiꞌ sonꞌ in, räj Belénĉan bäꞌyity in judyeyaꞌ c̣hẹiꞌyaꞌ bäꞌyity chimeꞌ in. Päräꞌ yómodyeꞌyity in judyeyaꞌ joijnoꞌ in chimeꞌ, räj ijacsi in, ĉaĉaij na meꞌ muꞌin yi in chị́quity ọ́rotaꞌyaꞌ in, aty päräꞌ yómodyeꞌ tyiti cạvete ọ́rotaꞌ jiquej in.

Uñedye' 7:19

Ayoꞌ väñädyeꞌyaꞌ meꞌbubusinꞌ vóshiꞌ tsun, jutacsi paj qui jiꞌshupcacsi jorojyaꞌ joijnoꞌ ạvaꞌ ĉụiꞌtyiꞌ muꞌin paj qui säñive in.