Exodo 11:3 - Tsimane

³ Ayoꞌ yi paj qui muꞌin Egiptoĉantyiꞌ in irijyi muꞌincheꞌ in Israeltyiꞌcheꞌ vóshiꞌ muꞌ. Chimeꞌdye muꞌin nọ́taquity ayoty judyeyaꞌ räjtumdye Egiptoĉantyiꞌ muntyiꞌ in cạvete in muꞌ Moisés anic ferdyeꞌtumtyiꞌ, anic quijñete in.

Exodo 11:3 Iomraidhean Croise

Génesis 12:2

Yụ raꞌ jiꞌdaijbiye muꞌĉan vóshiꞌ mi, anic raꞌ fer buꞌyi in. Yụ raꞌ ñịbeꞌjeye mi, muntyiꞌ raꞌ in anic raꞌ chäyin in, mi raꞌ nọ́tacsity shupqui muꞌindyes in.

Génesis 39:21

Meꞌ tsanꞌ muꞌ muꞌĉan, Ayoꞌ qui namꞌ räjĉan japenꞌdyetuti, muꞌ yi paj qui muꞌ ĉọjcacsity ĉärꞌtactyiꞌ in jamaꞌjotyiti muꞌ José.

Exodo 12:35

Chimeꞌdye cọdyetacsi in Egiptoĉantyiꞌ in, oro muꞌin judyeyaꞌ plata muꞌin judyeyaꞌ quịꞌsiꞌ chimeꞌ muꞌin, yoj jeyacsidyemꞌ Moisés jiquej u.

Exodo 12:36

Muꞌ Ayoꞌ yi paj qui muꞌin Egiptoĉantyiꞌ in irijyi muꞌincheꞌ in, mọꞌdyes qui muꞌin ñịbeꞌjeyacsi Israeltyiꞌ vóshiꞌ in jedyeꞌ chuc cọdyetaqui in. Meꞌ muꞌin Israeltyiꞌ vóshiꞌ in c̣hiconꞌjeyacsebi in Egiptoĉantyis jedyeꞌ muꞌin.

Exodo 3:21

Chimeꞌdye yụ raꞌ yi paj qui muꞌin Egiptoĉantyiꞌ in irijyi in Israeltyiꞌcheꞌ vóshiꞌ in, chat qui raꞌ jam dạ̈räꞌ jọban in, jedyeꞌtum qui raꞌ sacjebanꞌ in.

Uñedye' 7:22

Mọꞌdyes qui muꞌ Moisés jiꞌchäyiti räj Egiptoĉansiꞌ chị́dyeꞌ judyeyaꞌ dyijyedyeꞌ muꞌin. Aty ishoꞌyejoij muꞌ Moisés anic mujuꞌchaꞌ fer buꞌyi shupqui judyeyaꞌ jämꞌ voroꞌtacsi.

Deuteronomio 34:10

Itŝij yoctyiꞌ meꞌ jasoꞌmitity p̂eyacdyeꞌ Jenꞌ yojdyemꞌ Moisésvun u, ĉaĉaij na vejtute Ayoꞌ p̂eyaqui muꞌtum,

Deuteronomio 34:11

mijam yoctyiꞌ meꞌ jịꞌcaveyacsi Jenꞌsiꞌ ferdyeꞌ muꞌ, yoquiꞌdyemꞌ Ayoꞌ jajutitiyaꞌ Egiptoĉan jiquej paj qui muꞌ jịꞌcaveyete Jenꞌsiꞌ ferdyeꞌ muꞌ muꞌĉantyiꞌ ayoꞌ, judyeyaꞌ nọ́taquity muꞌ räjtumdye Egiptoĉantyiꞌ muntyiꞌ in. Därsiꞌ vaꞌtacdyeꞌ Jenꞌsiꞌ muꞌ soꞌmacsi Moisés muꞌĉantyiꞌ in.

Josué 4:14

Ọijĉandye mạyedyeꞌ muꞌ Jenꞌ mujuꞌchaty jayuꞌti muꞌ Josué muntyisyaꞌ vej in judyeyaꞌ muꞌin Israeltyiꞌ vóshiꞌ in ạ̈räjjete Josué räj mạyedyeꞌ jịjcaiꞌ tsạꞌ buꞌyiyaꞌ muꞌ, cäts yojdyemꞌ muꞌin ạ̈räjjise Moisésvun jiquej u in.

Jị'cavacdye' 3:9

Jeshaꞌ, pạrej fercheꞌ ñutsjinac in, meꞌ tsanꞌ judío naꞌi in, jam qui namꞌ anictyity judío shupqui in, Satanástyiꞌ shupqui in. Yụ qui na ramꞌ yi paj qui muꞌin ĉucnac in paj qui miꞌinsiꞌyaꞌ vej dyụtsyi in, mọꞌyaꞌ raꞌ chịj in junꞌ chuc yụ fer mạꞌjeyac miꞌin.