1 Pétéru 2:1 - Tii Iitihi: Élele Iitihi na mwo Coho

¹ É hemepie wonaa, ke tahi taabwon ni huô na ta, pwohewii a pipwohuô, a gele, a pipwokonaado, me a pipii apulie.

1 Pétéru 2:1 Iomraidhean Croise

Mataio 15:7

Geé te ju gahe pwo! E te juuju wo péroféta Isaia, na e pwaadeni a pwooti te Padué ne kowé pie:

Mataio 23:28

Wogewé mwo, be é ne pwomwo, ke te junihe wâé gewé ne ko ni apulie, kehe é jengedé ne kowé, ke te ju oba ko gele me nina ta.»

Mataio 24:51

Ke e bo ne a cuhinaado na junihe ubwo te pa apenem naa, woélé me lépwo béé apenem na ta jélé, ke lé o é ke piwii pecuwo.»

Mataio 7:5

«Wogo, ke pa apipulekenye, kehe bwi go! Go mi pétaabwon a ba-acuwo na ubwo na e hamiim! Ke é mulang, ke go bwobe ali ehi ace bwo pétaabwon na a meté na e hamii pa âjiénem!

Maréko 12:15

Ke e te temehi wo Iésu pie lépwo apulie naa, ke lépwo agele, ke e pii telé pie: «É ko ade na geé pihaamiéo? Geé cuwoteeke habwii tong ace céiu mwani péi.»

Luka 11:44

«Geé pwohewii ni bwomu na time uce pwopweehi. Be, me genye engen pwon, ke time genye uce temehi pie genye ko engen pwo ce bwomu!»

Luka 12:1

É ha a benaamwon na e ko pacihe lépwo *Farasaio wo Iésu, ke caa pihiwon ni apulie na lé âbé tabemieng. Ke lé tabuhi pititéélé. É ânebuhe a bwo pacihelé ten, ke e mi pacémuni ni acémun den. Ke e pii telé pie: «Geé pipwocile a ‘nyaa te pwoloa’ te lépwo Farasaio, be lé habwii a duaan na wâé, kehe lé neduwohi ni ta pwo telé.

Ioane 1:47

E ali Natanaël wo Iésu, he e âbé beniieng, ke e pii ne kon pie: «Weengi pa ju Isaraéla, na te tice pipwohuô kon.»

Roma 1:29

Te ju oba jélé ati ko a ta: Lé cibehede, ke lé pipii delé; Ke nimelé ko ni de ni béén, ke lé pipwokon; Ke lé pipwohuô te ni béén; Ke lé pijeta kolé, ke lé pipééle; Ke lé cihe me ta ne kolé; Ke lé okéé die ko ana lé taunuhi apulie; Ke time lé uce piténede ni nyaa me caa telé; Ke time lé uce pajuujuhi ni *piapwo telé; Ke time lé uce paciiti Padué, ke lé cubwonieng. Ke te tice pwonimelé, ke te tice pipwoééhe kolé; Ke lé tee cuwo ko tooli ati ni bwopwonen me lé pwo nina ta.

1 Korénit 14:20

Lépwo bééng, geé nemwo alihi pwohewii ne ko ni nahi ewa ne ha a bwo tautinaado. Kehe é ne ko a ta, ke me wogewé ni cuwo nahi ewa, kehe é ne ko a bwo tautinaado, ke me wogewé lépwo apulie.

1 Korénit 5:8

É mu ko anaa, ke genye pituume ha a Pacika ko a pwoloa na tice nyaa ten, ne ha a pwonime na céiu, ke juuju. Genye nemwo eni a pwoloa na pwo ko a ukéiu nyaa te pwoloa, a nyaa te pwoloa ko a bwomu tenye na ta.

2 Korénit 12:20

Be mwotiéo hemepie é tehene lé pelewé, ke koli é tooli ace naado celi time uce wâé tong. Ke wieli time uce wâé tewé ace bwo hegi nen dong ne tewé. Be wieli é tooli ne pelewé ce pitaacunaado, me ce pipwokon, me ce piokéé, ke ce pihota, me ce pipii apulie, me ce picibehede. Ke wieli é o tooli ce béé huô celi ta ne ha a pubuuwé.

Éféso 4:31

Geé nemwo pwotahinaado ne ko ni béén, me pipii me ta jélé. Geé nemwo cile ne he ni pwonimewé nina ta na lé pwo tewé. Geé nemwo pipééle, me piokéé. Ke geé nemwo pijeta kowé.

1 Tésalonik 2:3

Be ana geme cihe kon, ke time e uce cuwo pwo a gele, ai é ne pwo ni naado na time uce wâé, ai é ne ha a pipwohuô.

1 Timoté 3:11

Ke é ne ko ni dikone toomwo, ke wâé heme lé woni: Me lé pipaciitilé; Me time lé uce pipii apulie; Me time lé uce wiinaado me ûdu hauli; Me lé juuju ne he nina lé pwo.

Tit 2:3

Ke go pii te ni ukéiu toomwo pie, wâé heme lé cile ehi a mulie na wâé ne ale Padué. Ke lé nemwo pipii apulie, ke lé nemwo nihe ûdu tabe megele. Wâé heme lé habwii ne he ni bwomu telé, ni naado na wâé me nye pwo.

Ébéru 12:1

Caa pajuujuhi ne tenye ni céihi te lépwona lé ânebuhenye, lépwona te junihe hiwon jélé. A mulihelé, ke a béhabwiinen denye. Ke mepie wonaa, wogewé lépwo bééng, ke wâé heme genye pétaabwon ati ni âneule na lé pacuwohi ni bwo téte tenye. Genye necu ni ta na e imwikenye! Ke genye cumang, beme genye te téte die ha anebwén kon.

Cang 1:21

É mu ko anaa, ke geé necu nina ta, ke ni naado na mwiihi. Ke geé pwo me piwahin gewé, ke geé hegi a pwooti na e caa cemi he ni pwonimewé wo Padué, ke anaa, ke jan me e celuimikewé.

Cang 3:14

Kehe mepie e he pwonimewé a pitaaba ke a pipwokon, ke geé nemwo pipii dewé, ke geé nemwo gele.

Cang 4:11

Go nemwo cihe me ta ne ko ni béém, ke go nemwo tautilé! Be wo pana e wonaa, ke e cihe me ta ne ko ni patén, ke e tauti ni patén. Kehe time uce wogo na me go tauti ni patén, kehe me go ténedehi!

Cang 4:5

Be caa te tii ne he ni tii iitihi pie, [ana nime Padué kon, ke a ju pwonimenye] be e ne konye a *Jenen Iitihi ten, na te junihe eânimen den. Ai, kona geé te niimihi pie te piticenaado ne ko a pwooti naa?

Cang 5:9

Geé nemwo pipii lépwo béén, beme time e uce tautikewé wo Padué: Be neko pa atautinaado he e caa ko cuwo he pomwa!

1 Pétéru 2:16

Geé engen ehi ne he ni bwomu tewé, be caa tuwokewé mu he na geé mu lang. Ke ni bwomu tewé naa, ke me time e uce neduwohi ni penem dewé na ta. Geé engen ehi pwohewii lépwo eabwé te Padué.

1 Pétéru 2:22

Weeng panaa: Time e uce pwo aceli ta. Mwo te time e uce téele pipwohuô te pace céiu. Ésaïe 53.9

1 Pétéru 3:10

Be caa te tii ne he ni tii iitihi pie: He nimem me go mulie ha ace mulie celi wâé? He nimem me go mu ha a péém? Go nemwo pii me ta lépwo béén. Ke go nemwo gele.

1 Pétéru 4:2

É ha a benaamwon na e mwo ko ne tewé beme geé mulie ne pwo bwohemwo, ke geé nemwo âcehi nina te nimewé kon na ta, ke me geé piténede Padué.

1 Pétéru 4:4

É jenaa, ke lé téetihi wo lépwo bééwé ânebun, be caa time geé uce âcéilé ne he ni naado na lé pwo na tanim, ke lé pii nina ta ne kowé.

Pii Beetihi 14:5

Time lé mu uce gele. Ke te tice ta pwo telé.