Lucas 7:37 - Embéo e Majaró Lucas 1837 (Caló)

³⁷ Y yeque cadchi chumasconá, sos sinaba andré o foros, chanelando que sinaba á la mensalle andré o quer e Phariséo, lligueró yeque pigote de alabastro, perelalo de ampio lacho:

Criscote e Majaró Lucas 1872 (Caló)

³⁷ Y yeque manusardi crejetéra, sos sinaba andré o foros, chanelando que sinaba á la mensalle andre o quer e Phariséo, lligueró yeque jestarica de alabastro, perelali de ampio palife.

Lucas 7:37 Iomraidhean Croise

Lucas 18:13

Tami o Publicano, sinando muy dur, darañaba aun costunar as aquias al Tarpe: sino que curaba sun chepo, penando: Un-debél, terela canrea de mangue choro!

Lucas 19:7

Y dicando ocono sares, chumasquereláron, penando, que terelaba chalado á sinar andré quer de yeque choro.

Lucas 5:30

Tami os Phariseyes, y os Libanes sinaban ululés, y penaban á os discipules de Jesus: ¿Presás jamais, y piyais sat os Publicanes y chores?

Lucas 5:32

Na he abillado á araquerar á os laches á penitencia, sino á os chores.

Lucas 7:34

Abilló o Chaboro e manu, sos jamela, y piyela, y penelais: He acoi manu jamador, y matogaro, monro de Publicanes y chorés.

Lucas 7:36

Y le mangaba yeque Phariséo, que chalase á jamar sat ó: y habiendo chalado andré o quer e Phariséo, se bejeló á la mensalle.