Lucas 24:44 - Embéo e Majaró Lucas 1837 (Caló)

⁴⁴ Y les penó: Oconas sinelan as vardas sos pené á sangue, sinando aun con-a-sangue, que jomte que se perele o saro ma sinela libanado de mangue andré a Eschastra de Moysés, y andré os Prophetas, y andré os Psalmes.

Criscote e Majaró Lucas 1872 (Caló)

⁴⁴ Ta penó lengue: Cabas sinelan as caremas sos pené á sangue sinando aun con‐a‐sangue, que perfiné que se perele o saro sos sinela libanado de mangue andré la Liri de Moyses, y andré os Prophetas, y andré as Majarias Gillipenes (Psalmes).

Lucas 24:44 Iomraidhean Croise

Lucas 21:22

Presas oconas sinelan chibeses de venganza, somia se perelalen sarias as buchias, sos sinelan libanadas.

Lucas 22:37

Presas sangue penelo que jomte que se diquele perelado andré mangue aun ocono sos sinela libanado; Y sinaba jinado sat os chorés. Presas as buchias sos pajabelan á mangue, terelan desquero cumplimiento.

Lucas 24:46

Y les penó: Andiar sinela libanado, y andiar jomte que o Christo urjiyaráse, y ardiñáse al trincho chibes de enrún os mulés:

Lucas 9:22

Penandoles: Jomte, que o Chaboro e Manu padezca baribustrias buchias, y que sinele desechado de los purés, y de los Manclayes es erajais, y de los libanés: y que sinele diñado á la meripen, y que ardiñele al trino chibes.

Lucas 9:44

Y se darañelaban sares de la sila bari de Debél: y zibandose sares de sarias as buchias sos querelaba, penó á desqueres discipules: Chibelad andré jires carlés oconas vardas: Jomte que o Chaboro e manu sinele chibado andré bastes es manuces.