San Mateo 17:12 - Re C'ac'a Testamento pa Kach'abal

¹² Pero yen nimbij chiva che re Elías re' xpa-yan y man xquinabej-ta anchique re'. Xa camas xquiban-a cha. Can andex xquijo' quire' xquiban-a cha. Y can quire' chuka' yen re xinalax chi'icojol, jec'o ye'bano chua che nink'asaj tijoj-pokonal, xcha' re Jesús.

Tuilleadh tionndaidhean

Kaqchikel Santo Domingo (Xenacoj)

¹² Pero nibꞌij chuqaꞌ chiwa chi ri Elías xuqaqa yan, y ri wineq ma xketamaj ta chi ja rijaꞌ ri xuqaqa, xa xkibꞌen ri janipeꞌ itzel xkajoꞌ xkibꞌen chare. Keriꞌ chuqaꞌ riyin ri aj chikaj ri xinuꞌalex chiꞌikajal, kin xtinqꞌasaj kꞌayew pa kiqꞌaꞌ ri wineq.

Kaqchikel Santa Maria de Jesus

¹² Pero inreꞌ niꞌej chiva chi ri Elías ya xpa, y man xquinaꞌiej ta chica reꞌ. Can nojiel ri xcajoꞌ, can quireꞌ xquiꞌan cha. Y can quireꞌ xtiquiꞌan jeꞌ cha ri Xtak-pa chicaj chi xalax chiꞌicajol, can xtuꞌon sufrir pa quikꞌaꞌ, xchaꞌ ri Jesús.

Kaqchiquel Bible

¹² Jak'a yin ninbij chiwe chi ri jun achi'el Elías xa xpe yan, y ri winaqi' man xkinabej ta achike rija'. Xa janila xkiben-el chire, achi'el ri xkajo' rije'. Y kan keri' chuqa' xtikiben chuwe yin, ri xiqaqa-pe achi'el wineq chi'ikojol, xcha' ri Jesús.

Kaqchikel Central Guatemala

¹² Pero yin can ninbij c'a chive chi ri Elías ri' xpe yan y man xquinabej ta achique ri'. Xa janíla xquiben-el chire. Can achique ri xquirayij xquiben-el chire, can que vi ri' xquiben. Y can que c'a chuka' ri' yin ri xinalex ri chi'icojol, ec'o ri yebanon chuve chi ninc'ovisaj tijoj-pokonal, xcha' ri Jesús.

Kaqchikel Western Solola

¹² Yac'a riyin nbij c'a chiwe chi ri Elías ri' xpe yan y ma xquetamaj ta el ruwech. Xa sibilaj c'a pokon xquiben el chare. Can achique ri xcajo' xquiben el chare, can queri' wi xquiben. Y can queri' chuka' riyin ri C'ajolaxel ri xinalex chicojol, yec'o ri xquebano chuwe chi xtink'axaj tijoj pokonal, xcha' ri Jesús.

San Mateo 17:12 Iomraidhean Croise

San Mateo 11:2

Re samaj re nuban re Cristo xapon rutzijol riq'uin re Juan Bautista pa cárcel, mare' tak xpa re Juan xe'rutak-a je ca'e' chique re achi'a' can je tzekelbey-va richin, c'a riq'uin re Jesús.

San Mateo 16:21

Y re Jesús xutz'am rubixic chakavach yoj re yoj ru-discípulos, che yen tiene que yimba pa tenemit Jerusalén y camas q'uiy tijoj-pokonal xtink'asaj pa quik'a' re rejeta'k tak achi'a' re c'o quik'ij, pa quik'a' re principal tak sacerdotes y pa quik'a' chuka' re je'atamayon re ley kachin yoj re yoj israelitas. Can xquinquiquimisaj-va, pero pa rox k'ij xquinc'astaj-pa chiquicojol re anama'i', xcha' re Jesús chaka.

San Mateo 17:11

Y re Jesús xubij chique: Can katzij-va che re Elías nipa nabey y can nuban rubiyal ronojel.

San Mateo 17:13

Y c'ajare' tak re discípulos xk'ax pa quive' che re Jesús chij re Juan Bautista xch'o-va.

San Mateo 17:22

Y tak re Jesús y yoj re yoj ru-discípulos xojapon-yan pa Galilea, xpa re Jesús xubij chic jun bey chaka: Yen re xinalax chi'icojol, can xquinjach-va pa quik'a' re vinak.

San Mateo 17:9

Y tak reje' je'xulam-pa chach re loma, re Jesús xuchalabej chique re ru-discípulos che man jun anchok cha tiquitzijoj-va re xquitz'at. Yex otz xtitzijoj pero tak yen re xinalax chi'icojol xinc'astaj-yam-pa chiquicojol re anama'i', c'ajare' tak ruc'amon che yex xtitzijoj, xcha' chique.

San Mateo 21:32

Re Juan Bautista tak xpa, xuc'ut jun bey choj chivach, jac'a yex man xinimaj-ta. Xaxe re molay tak impuestos y re ixoki' re man otz-ta quic'aslen, xaxe reje' re xe'niman. Jac'a yex, man riq'uin re' cama-va xjalataj-ta re ic'aslen chach re Dios y chuka' cama-va xinimaj-ta.

San Mateo 8:20

Xpa re Jesús xubij cha re ache re': Re utif can c'o quijul anche' ye'c'ue-va, y quire' chuka' re ch'utak chicop c'o quixic' re ye'ba pa cak'ik', can c'o chuka' quisoc. Jac'a yen re xinalax chi'icojol, manak anche' yinc'ue-va.

San Lucas 7:33

Roma tak xpa re Juan Bautista, reja' man nutaj-ta xcana-vay y man nukum-ta chuka' ruyi'al-uva. Y yex nibij che reja' c'o itzel espíritu riq'uin.

San Juan 1:11

Can chupan-va re ruch'ulef chin reja' xbeka-va, pero re vinak re je richin reja', xa man xquic'ul-ta.

Hechos 2:23

Pero re Dios xuya' k'ij che xjach re Jesús pan ik'a', roma can quire' runojim-pa. Y yex xiya' pa quik'a' vinak re xa man niquiban-ta re nubij re ruch'abal re Dios, xaxe chin che xquiquimisaj cho cruz.

Hechos 4:10

Titamaj c'a yex re yixc'o-pa vova', y tiquitamaj chuka' conojel re kavinak israelitas, che re jun ache re c'o vova' chivach xc'achoj tak xkanataj rube' re Jesucristo aj-Nazaret, re Jesucristo re xitak ruquimisasic cho cruz, pero re Dios xuban che xc'astaj-pa re ru-cuerpo chiquicojol re anama'i'.

Hechos 7:52

Roma conojel re rusamajela' re Dios re xe'c'ue' ajuer can, re xbex profetas chique, can xquitaj pokan pa quik'a' re kavinak xe'c'ue' ajuer can. Roma reje' can xe'quiquimisaj re xe'bin che re Jun choj ruc'aslen xtipa vova', y re' ja re Cristo. Y tak xbeka re Cristo, ja chic c'a yex re xixjacho richin y xic'utuj che tiquimisas.