San Juan 20:12 - Re C'ac'a Testamento pa Kach'abal

¹² Y jare' tak xe'rutz'at je ca'e' ángeles re je'quicusalon sak tak tziak. Re je ca'e' ángeles re' je'tz'uyul. Re jun tz'uyul re anche' xc'ue-va rujalom re Jesús y re jun chic anche' xc'ue-va re rakan.

Tuilleadh tionndaidhean

Kaqchikel Santo Domingo (Xenacoj)

¹² Y xerutzꞌet kaꞌiꞌ ángeles seq kitziaq, etzꞌuyul apeꞌ xkꞌojeꞌ ri ru-cuerpo ri Jesús, jun tzꞌuyul apeꞌ xliꞌeꞌ ri rujolon y ri jun chik apeꞌ xliꞌeꞌ ri raqen.

Kaqchikel Santa Maria de Jesus

¹² Y xaꞌrutzꞌat icaꞌyeꞌ ángeles ri sak quitziak. Jun tzꞌuyul ri pacheꞌ xcꞌujie-ve ri rujaluon ri Jesús y ri jun chic pacheꞌ xaꞌcꞌujie-ve ri rakan.

Kaqchiquel Bible

¹² Jari' k'a toq xerutz'et-ok e ka'i' ángel ri e kikusalon saqilej taq tzieq. Ri jun tz'uyul ri akuchi xli'e-wi ri rujolon ri Jesús y ri jun chik akuchi ri xk'oje-wi ri raqen.

Kaqchikel Central Guatemala

¹² Y jac'ari' tok xerutz'et-oc e ca'i' ángeles ri e quicusalon sakilej tak tziek. Ri ca'i' ángeles ri' e tz'uyul c'a. Ri jun tz'uyul ri acuchi xli'e-vi ri rujolon (ruvi') ri Jesús y ri jun chic acuchi ri xc'oje-vi ri raken.

Kaqchikel Western Solola

¹² Y yac'ari' tek xerutz'et oc ye ca'i' ángeles ri ye quicusalon sakilaj tak tziek. Ri ca'i' ángeles ri' ye tz'uyul c'a. Jun tz'uyul pa ruwi' y jun tz'uyul pa raken ri acuchi (achique) xli'e' wi ri Jesús.

San Juan 20:12 Iomraidhean Croise

San Mateo 17:2

Re Jesús can xjalataj rutzubal chiquivach re je oxe' ru-discípulos. Re rupalaj can niyiq'uiloj can ancha'l titzu'un re k'ij. Y re rutziak can ancha'l re sakil, roma camas sak xuban.

Hechos 1:10

Y re apóstoles can c'a ye'tzu'un chij re xba chicaj, tak xquina' xe'bec'ulun je ca'e' ancha'l achi'a' quiq'uin re quicusalon sak tak tziak.

Apocalipsis 3:4

Pero chiquicojol re hermanos re jec'o chire' pa Sardis, jec'o jun ca'e-oxe' re can je ch'ajch'oj. Can man quitz'ilbisan-ta-qui' riq'uin re banabal re man je otz-ta. Y jare' re xque'biyaj junan viq'uin yen, quicusalon sak tak tziak, roma can ruc'amon-va che niquicusaj.

Apocalipsis 7:14

Y yen ximbij cha: Ja rat re yat-atamayon anchique che vinak la', xincha' cha. Y reja' xubij chua: Jare' re je'elinak chic-pa chupan re namalaj tijoj-pokonal, y quich'ojersan y quisekresan-qui' chupan re ruq'uiq'uel re Jesucristo re ancha'l oveja.