Apocalipsis 9:19 - Re C'ac'a Testamento pa Kach'abal

¹⁹ Re quiej re', ja riq'uin re quichi' y riq'uin re quijay niquiban-va ch'a'oj, roma pa quichi' ndel-va-pa k'ak', sib y azufre. Y re quijay ancha'l cumatz, mare' can ja chuka' riq'uin re quijay ye'ch'apon-va.

Tuilleadh tionndaidhean

Kaqchikel Santo Domingo (Xenacoj)

¹⁹ Ri kej riꞌ, pa kichiꞌ y chikijey kꞌo wi ri kuchuqꞌaꞌ; ri kijey kꞌo kijolon achel kijolon kumetz, y rikꞌin riꞌ ndikiyaꞌ qꞌaxomal.

Kaqchikel Santa Maria de Jesus

¹⁹ Ri quiej reꞌ, niquicusaj ri quichiꞌ y ri quijay chi niquiyaꞌ ruquiy chica ri vinak, ruma ri quijay can incheꞌl cumatz y cꞌo quijaluon.

Kaqchiquel Bible

¹⁹ Re kiej re', ja ri kichi' y ri kijey ri yebanon ch'a'oj, roma ri pa kichi' nel q'aq' y sib. Ri kijey achi'el kumetz y rik'in ri' nikiben-wi ch'a'oj.

Kaqchikel Central Guatemala

¹⁹ Re quiej c'a re', ja ri quichi' y ri quijey ri yebanon ch'a'oj, roma ri pa quichi' nel k'ak', sib y azufre. Y ri quijey achi'el cumetz, roma can riq'uin chuka' ri' niquiben-vi ch'a'oj.

Kaqchikel Western Solola

¹⁹ Ri uchuk'a' ri ya'on chique ri quiej ri', can pa tak quichi' y tzan tak quijey c'o wi, ruma ri quijey can c'o rujolon (ruwi') achi'el cumatz, y yari' niquicusaj tek niquiben pokon chique ri winek.

Apocalipsis 9:19 Iomraidhean Croise

Efesios 4:14

Y tak tz'akat chic re kac'aslen, man chic xtakaban-ta ancha'l niquiban re ac'ola' che ye'ba quila, ye'ba quila, y man c'ayef-ta chin che ye'k'olotaj. Yoj man chic xtakaban-ta quire', chin nakaya' k'ij che yojc'uax coma re enseñanzas re man katzij-ta, y yojtzak-ta pa quik'a' re camas je listo chubanic chin yojquik'ol.

Apocalipsis 9:10

Re quijay ancha'l quijay re alacranes, y chutza'n c'o-va re quich'ut. Y riq'uin re quich'ut re' ye'tiquir ye'quiya' pa k'axomal re vinak, vo'o' ic'.

Apocalipsis 9:18

Y ja re k'ak', re sib y re azufre re ye'el-pa pa tak quichi' re quiej, jare' re xbano che xe'com jun tercera parte chique re vinak re jec'o chach re ruch'ulef.

Apocalipsis 9:20

Jac'a re vinak re c'a xe'c'ase-na can re man xka-ta re tijoj-pokonal re' pa quive', cama-va xtzolaj-ta-pa quic'o'x riq'uin re Dios. Xa can c'a xe'quibanala' re itzel tak banabal. C'a xe'quiyala' quik'ij re itzel tak espíritu, xe'quiyala' quik'ij re imágenes re je'quibanon cha k'anapuak, cha sakapuak, cha aboj, cha che' y cha re jun ch'ich' nibex bronce cha. Jare' re xe'quiyala' quik'ij re vinak re', y re ye'quiyala' quik'ij reje', xa man ye'tzu'un-ta, man niquic'axaj-ta y chuka' man ye'biyin-ta.