Apocalipsis 16:12 - Re C'ac'a Testamento pa Kach'abal

¹² Re ruvakak ángel xbo'rk'aja' can pa rue' re moma' rakan-ya' Eufrates re c'o-a chupan re copa c'o pa ruk'a'. Y re ya' re' xchakij-ka chin c'o modo ye'kax re reyes re je'pitinak c'a quila pan oriente.

Tuilleadh tionndaidhean

Kaqchikel Santo Domingo (Xenacoj)

¹² Ri ruwaq ángel xbꞌa, y pa ruwiꞌ ri nimalej raqen yaꞌ rubꞌiniꞌan Éufrates xbꞌeruwoxij ri kꞌo chupan ri copa rukꞌuan, y ri raqen yaꞌ riꞌ xchaqiꞌj qa chin xbꞌan kan rukꞌojlen ri bꞌey apeꞌ ngeꞌeqꞌax ri reyes ri ngeꞌel pe apeꞌ ndalex ri qꞌij.

Kaqchikel Santa Maria de Jesus

¹² Ri chi vakiꞌ ángel xbꞌarukꞌijaꞌ ri cꞌo chupan ri copa paroꞌ ri nem río Eufrates. Y ri río reꞌ xchakej-ka chi cꞌo cheꞌl ncaꞌkꞌax ri reyes ri i-patanak oriente.

Kaqchiquel Bible

¹² Ri ruwaq ángel xberuq'eja' kan pa ruwi' ri nimalej raqen-ya' Éufrates ri ruk'uan-el chupan ri qumbel. Y ri raqen-ya' ri' xchaqi'j-qa richin chi xunaba' kan ri kibey ri q'atoy taq tzij ri e peteneq kere' pa relebel-q'ij.

Kaqchikel Central Guatemala

¹² Ri ruvak (ruvakak) ángel xberuk'eja' can pa ruvi' ri nimalej raken-ya' Eufrates ri ruc'uan-el chupan ri lek ri ruc'uan. Y ri raken-ya' ri' xchaki'j-ka richin chi yetiquir yek'ax ri k'atoy tak tzij ri e petenek quere' pa relebel-k'ij.

Kaqchikel Western Solola

¹² Ri ruwakak ángel xberutixa' c'a ca ri ruc'uan el chupan ri vaso pa ruwi' ri nimalaj raken ya' ri Eufrates rubi'. Y ri raken ya' ri' xchaki'j ka riche (rixin) chi xchojmitej jun bey ri xquek'ax wi ri aj k'atbel tak tzij ri ye petenak pa relebel k'ij.

Apocalipsis 16:12 Iomraidhean Croise

Apocalipsis 11:14

Y ja quire' xuban can re ruca'n tijoj-pokonal re xka pa rue' re ruch'ulef. Y can cha'nin chic pitinak re rox tijoj-pokonal.

Apocalipsis 17:15

Y re ángel xubij chuka' chua yen Juan: Re ya' xatz'at re anche' tz'uyul-va re ixok re man otz-ta ruc'aslen, re' xa vinak y camas je q'uiy roma man junan-ta tenemit que'po-va, re man junan-ta quich'abal y chuka' man junan-ta naciones que'po-va.

Apocalipsis 7:2

Y chuka' xintz'at che c'o jun ángel re pitinak quire' pan oriente, ruc'amom-pa re sello chin re c'aslic Dios. Y re ángel re' jun pa ruchi' xch'o-apo chique re je caje' ángeles, re can yi'om-pa poder chique chin che ne'quibana' ch'a'oj pa rue' re ruch'ulef y chuka' pa rue' re mar.

Apocalipsis 9:14

Y re ch'abal re' xubij cha re ruvakak ángel re xipun re trompeta: Ca'sola' c'a-a re je caje' ángeles re je'ximon can chuchi' re namalaj rakan-ya' rubini'an Eufrates, xcho'x.