Tito 3:3 - Kaqchikel Santo Domingo (Xenacoj)

³ Porque jumbꞌey kan, roj chuqaꞌ ma jun qanoꞌoj, xetal xojtajiyaj rikꞌin. Ma xojniman ta chuwech ri Dios. Kin roj chꞌakatin. Xojkꞌojeꞌ chuqaꞌ pa ruqꞌaꞌ ri itzel teq rayinik ri xeqabꞌanalaꞌ y xkikot qánima kikꞌin. Chubꞌanik xqabꞌen itzel teq achike chake chꞌaqa wineq. Itzel xqanaꞌ chare roma utz kibꞌanun chꞌaqa chik, itzel xqatzꞌetelaꞌ qiꞌ chiqawech y xeqabꞌanalaꞌ itzel teq achike ri achoq roma ri wineq xmulu kikꞌuꞌx qikꞌin.

Tuilleadh tionndaidhean

Kaqchikel Santa Maria de Jesus

³ Ruma ojier can, ojreꞌ jeꞌ oj-nacanak xkaꞌan-pa, man xojniman ta, can oj-sachnak, man xojtiquir ta xkakꞌil-kiꞌ choch ri pecado, xa xkaꞌan nojiel ri itziel tak kax ri xkarayij y altíra xojquicuot riqꞌuin ri kax ri icꞌo choch-ulief. Can itziel ri kacꞌaslien xkucꞌuaj, itziel xaꞌkatzꞌat ri nicꞌaj chic ruma otz icꞌo, itziel xojtzꞌiet ruma man otz ta ri kacꞌaslien y itziel xkatzꞌat-kiꞌ chikibꞌil-kiꞌ.

Kaqchiquel Bible

³ Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Kaqchikel Central Guatemala

³ Roma tok rubanon can, roj chuka' oj nacanek riq'uin ri kach'obonic. Man xojniman ta tzij. Yalan oj sachinek ri chiri'. Man xojtiquir ta xkak'il-ki' chuvech ri mac. Xa can xkaben ronojel ri itzel ri xkarayij, y xbe kánima riq'uin ri quicoten richin re ruvach'ulef. Yalan itzel ri kac'aslen xkac'uaj. Itzel xekatz'et ri ch'aka' chic roma ri utz c'o quiq'uin. Chikachibil ki' xketzelaj-ki', y roma ri man utz ta ri kac'aslen, ri vinek xojquetzelaj chuka'.

Re C'ac'a Testamento pa Kach'abal

³ Roma tak rubanon can, yoj chuka' yoj nacanak riq'uin re kana'oj. Man xkanimaj-ta re xbex chaka. Can yojsatzanak che'. Man xojtiquir-ta xkak'el-ki' chach re mac. Xa can xkaban ronojel re itzel tak banabal re xkarayij, y xba kánma riq'uin re cosas re ye'ban chach re ruch'ulef. Can man otz-ta re kac'aslen xkac'uaj. Itzel xe'katz'at re nic'aj chic roma otz jec'o. Y re kachibil-ki' quiq'uin xa xkatzelaj-ki', y roma man otz-ta re kac'aslen, chuka' re vinak can xojquitzelaj.

Kaqchikel Western Solola

³ Ruma tek rubanon ca, riyoj chuka' yoj nacanek riq'ui ri kana'oj. Ma xojniman ta tzij. Sibilaj yoj sachnek. Xa can yoj ximil pa ruk'a' ri itzel raybel; y xbe kánima chrij ri quicoten riche (rixin) re ruwach'ulef. Sibilaj itzel ri kac'aslen xkac'uaj. Itzel xkana' chique nic'aj chic ruma chi utz yec'o. Chikachibil ki' xketzelaj ki', y ruma chi ma utz ta ri kac'aslen, xojetzelex cuma ri winek.

Tito 3:3 Iomraidhean Croise

San Mateo 21:29

Pero ri kꞌajol riꞌ xubꞌij chare ri rutataꞌ: Ma niwojoꞌ ta. Pero atoq xqꞌax yan jubꞌaꞌ tiempo, xunaꞌ qa riꞌ chi ma utz ta ri xubꞌen, y xbꞌesamej pa rulew ri rutataꞌ apeꞌ etikon uvas.

San Lucas 21:8

Y ri Jesús kereꞌ xubꞌij chake: Tichajij iwiꞌ chi nixta jun tichꞌakatin iwichin, porque ekꞌiy ngetuqaqa ri kereꞌ ndikibꞌilaꞌ: Ja riyin ri taqon pe roma ri Dios chukolik ri rutinamit, ngechajeꞌ, y ndikibꞌij chuqaꞌ chi ja xuqaqa ri qꞌij bꞌiꞌin kan. Pero rix ma titaqij ri ndikibꞌij.

San Juan 8:34

Ri Jesús xubꞌij chake: Kin qetzij nibꞌij chiwa chi ri wineq ri ndubꞌanalaꞌ mak, chuxeꞌ ruchuqꞌaꞌ ri mak kꞌo wi.

Romanos 11:30

Rubꞌanun kan rix ma xixniman ta chuwech ri Dios, pero xjoyowex iwech roma ri Dios, y riꞌ roma ri israelitas ma xeniman ta chuwech.

Romanos 6:12

Romariꞌ, ma tiyaꞌ qꞌij chare ri mak chi ndubꞌen mandar pa i-cuerpo ri xa ndiken, chin ma ngixrutaqchiꞌij chubꞌanik ri itzel teq rurayinik.

Romanos 6:17

Jumbꞌey kan xixkꞌojeꞌ chuxeꞌ ruchuqꞌaꞌ ri mak, pero matiox chare ri Dios, wokami rikꞌin nojel iwánima iniman ri tijonik ri yoꞌon kan chiwa.

Romanos 6:22

Pero wokami, xixelesex yan pe chuxeꞌ ruchuqꞌaꞌ ri mak y xixok rusamajelaꞌ ri Dios, y riꞌ kꞌo utz ndukꞌen pe chiwa porque ndubꞌen chare ri ikꞌaslen chi ndok loqꞌolej y pa rukꞌisibꞌel ndok iwichin ri kꞌaslen ma ndikꞌis ta.

Romanos 6:6

Qetaman chi ri itzel kꞌaslen xqakꞌuaj rubꞌanun kan, xbꞌajix cho cruz junan rikꞌin ri Cristo ri nixta jun rumak, y keriꞌ ri itzel rurayinik ri qa-cuerpo xkꞌis ruchuqꞌaꞌ, chin keriꞌ ma ngojkꞌojeꞌ chi ta chuxeꞌ ruchuqꞌaꞌ ri mak.

2 Corintios 12:20

Riyin nurayin chi atoq xkixbꞌentzꞌetaꞌ, chojmilej ta chi kꞌaslen ikꞌuan, pero xa nuxibꞌin wiꞌ, porque rikꞌin jubꞌaꞌ ma ke ta riꞌ ri kꞌaslen ikꞌuan atoq xkibꞌeqaqa apeꞌ rixkꞌo. Y riꞌ xtubꞌen chi ma xtenbꞌanaꞌ ta chiꞌikajal achel ri iwoyobꞌen chuwa. Porque ma kꞌateꞌ ngixbꞌenwilaꞌ chi ngixtajin rikꞌin oyowal, o ekꞌo ri itzel ndikinaꞌ chare roma utz kibꞌanun chꞌaqa chik, o ekꞌo ri ndiququt kánima chikij wineq, o ekꞌo ndikibꞌen xe ri kꞌo utz ndukꞌen pe chake, o ekꞌo ri ndikibꞌilaꞌ itzel teq tzij chikij chꞌaqa chik, o ekꞌo ri ngechꞌaꞌa chikij wineq, o ekꞌo ri nim ndikinaꞌ kiꞌ o kꞌo ngebꞌanatej chiꞌikajal ri ma pa ruchojmil ta.

Gálatas 6:3

Porque si jun ndunaꞌ chi kin kꞌo ruqꞌij y romariꞌ ma ngerutoꞌ ta chꞌaqa chik, xa ruyon chuwech nduchꞌakatij qa riꞌ.

Colosenses 1:21

Rubꞌanun kan, ma rix ralkꞌuaꞌl ta ri Dios y xqꞌalajin chi rix yakatajneq chirij, porque ri itzel teq achike ri xeꞌinojilaꞌ kin xeꞌibꞌanalaꞌ wi.

Colosenses 3:7

Rubꞌanun kan, rix xeꞌibꞌanalaꞌ mak achel reꞌ, atoq xixkꞌojeꞌ chupan.

2 Timoteo 3:13

Pero ri wineq itzel kinoꞌoj y echꞌakatinelaꞌ, más itzel ndubꞌen qa ri kinoꞌoj. Ngekichꞌakatij ri wineq, y rejeꞌ chuqaꞌ ngechꞌakatix.

2 Timoteo 3:6

Porque chikikajal rejeꞌ ekꞌo ri ngebꞌeqaqa pa teq achoch y rikꞌin ri tijonik ndikiyaꞌ, ndikibꞌen chake ri ixoqiꞌ ri payaya ndiqasex kijolon chi ngetzaq pa kiqꞌaꞌ. Ri ixoqiꞌ riꞌ tzꞌan ralal kimak y eꞌukꞌuan roma jalajaj itzel teq rayinik,

Tito 1:16

Ndikibꞌij chi ketaman runoꞌoj ri Dios, pero roma ri itzel ndikibꞌanalaꞌ, kin ndiqꞌalajin chi xa maneq Dios pa kiwech. Xa ndimulu rukꞌuꞌx ri Dios rikꞌin ri itzel ngetajiyaj. Ma ngeniman ta y ma jun kikꞌaꞌtz chin ndikibꞌen ri utz.

Tito 2:12

Y ri favor riꞌ ndukꞌut chiqawech chi tiqayaꞌ kan rubꞌanik nojel ri itzel teq achike ri ndikibꞌanalaꞌ ri wineq maneq Dios pa kiwech y chi tiqayaꞌ kan nojel ri itzel teq rayinik ri ekꞌo chochꞌulew. Mientras rojkꞌo chochꞌulew, tiqajekꞌaꞌ qiꞌ rikꞌin ri ndiqabꞌij y ri ndiqabꞌen, tiqakꞌuaj jun chojmilej kꞌaslen y tiqabꞌanaꞌ ri ndiqaꞌ chuwech ri Dios.

Santiago 1:26

Si kꞌo jun ndunojij chi qetzij runiman ri Ajaw, pero xa ma nduqꞌet ta riꞌ rikꞌin ri ngerubꞌilaꞌ, xa ruyon chuwech nduchꞌakatij qa riꞌ, y ma qetzij ta ri ndunojij chi runiman ri Ajaw.

1 Pedro 1:14

Kin tikꞌutuꞌ chi qetzij rix ralkꞌuaꞌl ri Dios. Tinimaj rutzij, ma tikꞌuaj chik ri ikꞌaslen chupan ri itzel teq rayinik ri xeꞌibꞌanalaꞌ ojer, atoq kꞌajani tiwetamaj ri ndirajoꞌ ri Dios chiwa.

Apocalipsis 12:9

Xelesex kꞌa e ri mama ojer itzel kumetz ri ndibꞌix chuqaꞌ Satanás chare. Ja rijaꞌ ri ndichꞌakatin kichin ri jalajaj kiwech wineq chochꞌulew. Y xetorix qa rijaꞌ y ri ru-ángeles chochꞌulew.

Apocalipsis 13:14

Rikꞌin ri milagros ri xyoꞌox qꞌij chare chi ngerubꞌanalaꞌ chuwech ri nabꞌey itzel chikap, ngeruchꞌakatij ri wineq chochꞌulew. Xubꞌen mandar chi tikibꞌanaꞌ jun rachibꞌel ri nabꞌey itzel chikap ri xsokotej rikꞌin espada y ma xken ta.

Apocalipsis 18:2

Y rikꞌin kaw ruchꞌabꞌel xubꞌij: ¡Xkꞌis ruqꞌij! ¡Xkꞌis ruqꞌij ri nimalej tinamit Babilonia! Y xok qa kikꞌojlibꞌel itzel teq espíritu, Kachoch konojel kiwech seqꞌ teq espíritu, Kachoch seqꞌ aj xikꞌ teq chikap Y kachoch seqꞌ teq chikap ri ndimulu akꞌuꞌx kikꞌin.