San Mateo 5:9 - Kaqchikel Santo Domingo (Xenacoj)

⁹ Kin jabꞌel rokiqꞌij ri ndikitij kiqꞌij ndikitik uxlanen chikikajal ri wineq, Porque ri Dios kin xtubꞌij ralkꞌuaꞌl chake.

Tuilleadh tionndaidhean

Kaqchikel Santa Maria de Jesus

⁹ Can jaꞌal caꞌquicuot ri niquiꞌan chi niqꞌuis ri ayoval, ruma xtiꞌeꞌx chica chi i-ralcꞌual ri Dios.

Kaqchiquel Bible

⁹ Jebel ruwa-kiq'ij ri yeqasan ruwi' oyowal, roma rije' xtibix chike chi e ralk'ual ri Dios.

Kaqchikel Central Guatemala

⁹ Jebel ruva-quik'ij ri c'o cánima ri nikasan ruvi' oyoval, roma rije' xtibix chique chi e ralc'ual ri Dios.

Re C'ac'a Testamento pa Kach'abal

⁹ Yex re camas ch'o'l re ivánma, y tak c'o ayoval can nitaj ik'ij che niq'uis-a re ayoval, otz-ibanoj roma can xtibex chiva che yix rajc'ual re Dios.

Kaqchikel Western Solola

⁹ Jabel ruwaquik'ij ri c'o cánima riche (rixin) chi yequibochi'ij ri yebano oyowal, ruma riye' xtibix chique chi ye ralc'ual ri Dios.

San Mateo 5:9 Iomraidhean Croise

San Mateo 5:45

chin keriꞌ nditzꞌetetej chi rix ralkꞌuaꞌl ri Itataꞌ Dios kꞌo chikaj. Rijaꞌ ndubꞌen chi ndel pe ri qꞌij pa kiwiꞌ konojel wineq, utz o ma utz ta kikꞌaslen. Y ndubꞌen chuqaꞌ chi ndiqaqa qatataꞌ chochꞌulew apeꞌ ekꞌo ri chojmilej kikꞌaslen y ri ma chojmilej ta kikꞌaslen.

San Mateo 5:48

Romariꞌ, tibꞌanaꞌ nojel pa ruchojmil achel ri aj chikaj Itataꞌ Dios ndubꞌen nojel pa ruchojmil.

San Lucas 20:36

Maneq chik ruqꞌaꞌ ri kamik chake, porque ngeꞌok achel ri ángeles, ri ma ngeken ta, y kin eralkꞌuaꞌl ri Dios. Keriꞌ ndiqꞌalajin porque ngekꞌastajbꞌex pe chikikajal ri animaꞌiꞌ.

San Lucas 6:35

Ri más utz chi ndibꞌen jareꞌ: Keꞌiwojoꞌ ri ngebꞌanun oyowal chiwa, tibꞌanaꞌ ri utz, y atoq ndiyaꞌ jun achike pa qajik, ma tiwoyobꞌej chi nditzolix rajel-rukꞌexel chiwa. Si keriꞌ xtibꞌen, nim rajel-rukꞌexel ndiyoꞌox chiwa chikaj y keriꞌ ndiqꞌalajin chi rix ralkꞌuaꞌl ri nimalej ruqꞌij Dios. Keriꞌ tibꞌanaꞌ, porque rijaꞌ kin utz runoꞌoj ndubꞌen chake ri wineq ri ma ngematioxin ta y chake ri wineq eꞌitzel chikibꞌanik.

Hechos 7:26

Chukan qꞌij ri Moisés xebꞌerilaꞌ ekaꞌiꞌ israelitas ndikichꞌeyelaꞌ kiꞌ. Rijaꞌ xrajoꞌ xeruqꞌil, y kereꞌ xubꞌij chake: Rix iwinaqul iwiꞌ. ¿Achike roma ndichꞌeyelaꞌ iwiꞌ? xchajeꞌ.

Romanos 12:18

Tibꞌanaꞌ ri janipeꞌ ngixtiker ndibꞌen chin utz ndikꞌuaj iwiꞌ kikꞌin konojel wineq.

Romanos 8:14

Porque konojel ri eꞌukꞌuan roma ri Espíritu chin ri Dios, kin eralkꞌuaꞌl ri Dios.

Romanos 8:16

Y ja ri Espíritu Santo ri ndiyoꞌon pa qánima chi ndiqanaꞌ chi qetzij roj ralkꞌuaꞌl ri Dios.

Romanos 8:19

Nojel ri ebꞌanun roma ri Dios bꞌaneq kánima chiroyobꞌexik ri qꞌij riꞌ, atoq ndiqꞌalajrisex achike ri eqetzij ralkꞌuaꞌl ri Dios.

1 Corintios 6:6

Pero chiꞌikajal rix ekꞌo hermanos ri ma xe ta ndikibꞌen oyowal, xa ndikikꞌuaj ri oyowal riꞌ chikiwech qꞌatoy tzij ri ma kitaqin ta ri Cristo.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

2 Corintios 5:20

Romariꞌ, roj taqon pa rubꞌiꞌ ri Cristo chin ngojchꞌaꞌa chake konojel wineq, y atoq ngojchꞌaꞌa chake, kin achel ja ta ri Dios ri ndibꞌochiꞌin ri kánima chin kejel apu rikꞌin rijaꞌ, chin keriꞌ pa rubꞌiꞌ ri Cristo ndelesex e ri kimak jachayon kiwech rikꞌin ri Dios y ndikꞌan apu kiwech roma rijaꞌ.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Efesios 4:1

Riyin Pablo, yin tzꞌapel pa cheꞌ roma nibꞌen rusamaj ri Ajaw. Ngixinpixabꞌaj chi tikꞌuaj jun chojmilej kꞌaslen achel rukꞌulun chi ndikꞌuaj chuwech ri xoyon iwichin.

Filipenses 4:2

Rat hermana Evodia y rat hermana Síntique, xe jun ruwech itzij tibꞌanaꞌ, porque xe jun ibꞌanun rikꞌin ri Ajaw.

Colosenses 3:13

Tikochꞌolaꞌ iwiꞌ y tikuyulaꞌ iwiꞌ chiwech. Atoq kꞌo jun ndisujun chirij jun chik, kixkuyun achel xixrukuy ri Ajaw.

Hebreos 12:14

Titijaꞌ iqꞌij chi ndikꞌojeꞌ uxlanen chiwech kikꞌin konojel wineq, y titijaꞌ iqꞌij chi ndikꞌuaj jun chꞌajchꞌaj kꞌaslen, porque nixta jun nderutzꞌetaꞌ ruwech ri Ajaw, si ma chꞌajchꞌaj ta rukꞌaslen.