San Mateo 12:4 - Kaqchikel Santo Domingo (Xenacoj)

⁴ Ri David xok apu pa rachoch ri Dios, y rijaꞌ y ri erachibꞌil xkikꞌux ri kaxlan wey esujun chuwech ri Dios, maske ri ley ndubꞌij chi xe chake ri sacerdotes israelitas yoꞌon qꞌij chi ndikikꞌux ri kaxlan wey riꞌ.

Tuilleadh tionndaidhean

Kaqchikel Santa Maria de Jesus

⁴ Ri David xuoc pa rachuoch ri Dios y can ja ri sagrada simíta ri xbꞌayoꞌx-pa cha. Jajaꞌ xucꞌux ri simíta reꞌ y xuyaꞌ jeꞌ chica ri i-bꞌanak riqꞌuin; pero man pecado ta ri xquiꞌan, mesque ri simíta reꞌ joꞌc ri sacerdotes ri ncaꞌcꞌuxu.

Kaqchiquel Bible

⁴ Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

Kaqchikel Central Guatemala

⁴ Ri David xbe c'a chucanoxic vey chiri' pa rachoch ri Dios, y can ja ri lok'olej tak caxlan-vey ri xbejach-pe chire. Rija' y ri e rachibil xquitej c'a ri lok'olej tak caxlan-vey ri'. Man riq'uin vi ri', man mac ta ri xquiben. Y ri' xaxe ri sacerdotes c'o quik'a' chire.

Re C'ac'a Testamento pa Kach'abal

⁴ Re David xba chucanoxic vay chire' pa rachoch re Dios, y can ja re lok'olaj tak xcana-vay re xe'beya-pa cha. Y re xcana-vay re' xaxe re sacerdotes re ye'tijo richin. Pero reja' xutaj y chuka' re je'binak riq'uin can xquitaj. Pero astapa' reje' quire' xquiban manak quimac xel chach re Dios.

Kaqchikel Western Solola

⁴ Ri David xbe c'a chucanoxic wey chiri' pa rachoch ri Dios, y can ya ri lok'olaj tak caxlan wey ri xbejach pe chare. Riya' xutij ri lok'olaj tak caxlan wey ri' y xuya' chuka' chique ri ye benak riq'ui. Pero ma riq'ui wi ri', ma mac ta ri xquiben, astape' ri caxlan wey ri' xaxu (xaxe wi) ri sacerdotes yetijo.

San Mateo 12:4 Iomraidhean Croise

San Mateo 12:3

Y ri Jesús xubꞌij chake: ¿Ma ibꞌanun ta leer rix chupan ri rutzij ri Dios ri xubꞌen ri David ojer, atoq rijaꞌ y ri erachibꞌil xchꞌumu pe kipan?

San Mateo 12:5

¿Ma ibꞌanun ta kami leer chuqaꞌ chupan ri ley ri xyoꞌox chare ri Moisés pa ruwiꞌ ri uxlanibꞌel qꞌij? Chiriꞌ ndubꞌij chi ri sacerdotes ngesamej pa rachoch ri Dios pa teq uxlanibꞌel qꞌij y ma xajan ta chuwech ri Dios ri keriꞌ ndikibꞌen.

Marcos 2:26

Chupan ri tiempo atoq ja ri Abiatar ri más nimalej ruqꞌij sacerdote, ri David xok apu pa rachoch ri Dios y xukꞌux ri kaxlan wey esujun chuwech ri Dios, maske ri ley ndubꞌij chi xe chake ri sacerdotes israelitas yoꞌon qꞌij chi ndikikꞌux ri kaxlan wey riꞌ. Ri David xukꞌux y xuyaꞌ chuqaꞌ chake ri erachibꞌil.

San Lucas 6:4

Ri David xok apu pa rachoch ri Dios y xerukꞌen apu ri kaxlan wey esujun chuwech ri Dios, xukꞌux rijaꞌ y xuyaꞌ chuqaꞌ chake ri erachibꞌil, maske ri ley ndubꞌij chi xe chake ri sacerdotes israelitas yoꞌon qꞌij chi ndikikꞌux ri kaxlan wey riꞌ.

Hebreos 9:2

Romariꞌ kereꞌ xbꞌan chare: Ri achoch riꞌ xbꞌan rikꞌin kꞌul, y kꞌo chuqaꞌ jun pimilej kꞌul jachayon rupan ri achoch riꞌ. Chupan ri kꞌojlibꞌel kꞌo pe nabꞌey, xyoꞌox ri candelero, y xyoꞌox chuqaꞌ ri mesa apeꞌ ngeyoꞌox ri kaxlan teq wey ri ngesujeꞌ chuwech ri Dios. Ri nabꞌey kꞌojlibꞌel riꞌ, ndibꞌix loqꞌolej kꞌojlibꞌel chare.