San Lucas 9:10 - Kaqchikel Santo Domingo (Xenacoj)

¹⁰ Atoq ri apóstoles xetzolij pe chutzijoxik rutzij ri Dios, xkitzijoj chare ri Jesús nojel ri xbꞌekibꞌanalaꞌ. Y ri Jesús xerukꞌuaj kiyon pa jun tinamit rubꞌiniꞌan Betsaida.

Tuilleadh tionndaidhean

Kaqchikel Santa Maria de Jesus

¹⁰ Y antok ri ru-apóstoles ri Jesús xaꞌtzalaj-pa, xquiꞌej cha nojiel ri chica xquiꞌan. Y jajaꞌ xaꞌrucꞌuaj y xaꞌa chupan jun lugar pacheꞌ manak vinak richin ri tanamet rubꞌinan Betsaida.

Kaqchiquel Bible

¹⁰ Chirij ri' ri e rutijoxela' xetzolin-pe chire ri banoy rusamaj, y xkitzijola' k'a chire ri Jesús ri xkibanala'. Y ri Jesús xeruk'uaj k'a el ri tijoxela' ri', y xebe pa jun tz'iran ruwach'ulew richin ri tinamit Betsaida.

Kaqchikel Central Guatemala

¹⁰ Y tok ri e ru-apóstoles ri Jesús xetzolin banoy rusamaj ri Dios, xquitzijola' c'a chire ri Jesús ri xquibanala'. Y ri Jesús xeruc'uaj c'a el ri rutijoxela' ri', y xebe pa jun tz'iran ruvach'ulef. Y re lugar re' richin c'a ri tinamit rubini'an Betsaida.

Re C'ac'a Testamento pa Kach'abal

¹⁰ Y re ru-apóstoles re Jesús tak xe'tzolaj-pa banoy re rusamaj re Dios, xquitzijoj cha re Jesús andex re xquibanala'. Y re Jesús xe'ruc'uaj c'a-a chupan jun lugar anche' manak vinak re nibex desierto cha. Y re lugar re' chin re tenemit rubini'an Betsaida.

Kaqchikel Western Solola

¹⁰ Y tek ri ye ru'apóstoles ri Jesús xetzolin pe chubanic ri rusamaj ri Dios, xquitzijola' c'a chare ri Jesús ri xequibanala'. Y ri Jesús xeruc'uaj c'a el ri ru'apóstoles, y xebe pa jun desierto, jun lugar ri c'o pa rucuenta ri tinamit Betsaida.

San Lucas 9:10 Iomraidhean Croise

San Mateo 11:21

¡Juyo iwech rix aj Corazín! ¡Juyo iwech rix aj Betsaida! Porque ri milagros ri xebꞌanatej chiꞌikajal rix, xa ta pa kitinamit ri aj Tiro y ri aj Sidón xebꞌanatej, kꞌiyal chi ta qꞌij rubꞌanun pe chi rejeꞌ kikusan tzieq chin bꞌis y kiyaloꞌon ta chaj chikij, retal chi ngebꞌison roma ri mak kibꞌanun y xkiyaꞌ yan ta kánima rikꞌin ri Dios.

Marcos 2:7

¿Achike roma keriꞌ ndubꞌij la jun achi laꞌ? Xa nduyaqꞌ ri Dios. Porque, ¿achike jun nditiker ndikuyun kimak ri wineq? Xa kin xe ri Dios.

San Lucas 10:17

Atoq xetzolij pe ri 72 etaqon e chutzijoxik ri ru-reino ri Dios, santienta ngekikot xkibꞌij chare ri Jesús: Ajaw, hasta ri itzel teq espíritu ndikinimaj qatzij atoq pa abꞌiꞌ ngeqelesaj e.

San Juan 1:44

Ri Felipe aj Betsaida, ri kitinamit ri Andrés y ri Pedro.

Hebreos 13:17

Tinimaj kitzij ri ukꞌuey bꞌey chiwech y tibꞌanaꞌ ri ndikibꞌij chiwa, porque rejeꞌ ndikitij kiqꞌij chi ndikichajij ri iwánima, porque ketaman chi ndikꞌutux razón chake ri achike xkibꞌen chin xixkichajij. Romariꞌ tinimaj kitzij, chin keriꞌ ndikikot kánima ngixkichajij, y man ta ndibꞌen chake chi rikꞌin kaꞌiꞌ kikꞌuꞌx ngixkichajij, porque si keriꞌ ndibꞌen, xa ma jun utz ndukꞌen pe chiwa.