San Lucas 8:43 - Kaqchikel Santo Domingo (Xenacoj)

⁴³ Y kꞌo chuqaꞌ chiriꞌ jun ixaq ri ja kabꞌlajuj junaꞌ ndipelaꞌ pe kikꞌ chuxeꞌ. Ri ixaq riꞌ rukꞌison chik nojel ri ruchajin chikitojik aqꞌomanelaꞌ, pero nixta jun kꞌachojrisayon richin.

Tuilleadh tionndaidhean

Kaqchikel Santa Maria de Jesus

⁴³ Chiquicajol cꞌa ri vinak, bꞌanak jun ixok ri cꞌo doce (cabꞌalajuj) junaꞌ ri ntiel ruquiqꞌuiel y man nitanieꞌ ta, ruma jun yabꞌil. Ya xuqꞌuis nojiel ri ru-miera chiquivach iqꞌuiy doctores, y man jun chiquivach ijejeꞌ tiquirnak ta rukꞌoman ri ruyabꞌil.

Kaqchiquel Bible

⁴³ Chikikojol k'a ri winaqi', beneq jun ixoq yawa'. Re ixoq re' k'o yan kablajuj juna' nibiyin rukik'el, y man tanel ta. Xuk'is yan k'a ronojel ruméro, roma beneq chik kik'in k'iy aq'omanela', jak'a man jun chike ri aq'omanela' tikirineq ta raq'oman.

Kaqchikel Central Guatemala

⁴³ Chiquicojol c'a ri vinek, benek jun ixok yava'. Re ixok re' c'o yan cablajuj juna' nibiyin ruquiq'uel, y man tanel ta. Xuq'uis yan c'a ronojel ru-mero, roma benek chic quiq'uin q'uiy ak'omanela', y man jun chique ri ak'omanela' tiquirinek ta rak'oman ri ruyabil.

Re C'ac'a Testamento pa Kach'abal

⁴³ Chiquicojol re vinak, binak jun ixok niyavaj. Y re ruyabil re ixok re' ja re nibiyin ruq'uiq'uel y doce juna' tuc'alvachij-va quire'. Xuq'uis-yan ronojel ru-mero, roma binak chic quiq'uin q'uiy doctores, y man jun chique re doctores nitiquir-ta nuk'omaj re ruyabil re ixok.

Kaqchikel Western Solola

⁴³ Chiquicojol c'a ri winek, benak jun ixok ri c'o jun ruyabil riche (rixin) ic' chare. Ri ixok ri' c'o chic c'a cablajuj juna' ri ma tanel ta ri ruquiq'uel. Xuq'uis yan c'a ronojel rurajil, ruma benak chic quiq'ui q'uiy ajk'omanel, y majun chique ri ajk'omanel cowinek ta rak'oman ri ruyabil.

San Lucas 8:43 Iomraidhean Croise

Marcos 12:44

Porque konojel xaxe ok ruwiꞌ ri kibꞌeyomal xkiyaꞌ kan, pero la ixaq laꞌ, maske kꞌiy achike ndikꞌatzin chare, ja ri jubꞌaꞌ kꞌo rikꞌin chin nduqꞌasaj rukꞌaslen ri xuyaꞌ kan.

Marcos 9:18

Y achike na lugar kꞌo ri nukꞌajol, nditzꞌan y ndiroqix pa ulew roma ri seqꞌ espíritu, ndubꞌen chare chi ndiwaqa pe ruchiꞌ, nduqachꞌachꞌej reyaj y chi ndichukꞌuchuꞌ qa ruqꞌa-raqen. Xinkꞌutuj kamelal chake la a-discípulos chi tikelesaj e, pero ma xetiker ta.

San Lucas 13:11

Y chiriꞌ kꞌo apu jun ixaq, ri ja 18 junaꞌ tiyawej pe roma jun itzel espíritu tzꞌamayon richin. Romariꞌ, re ixaq reꞌ, jumul wuqꞌuwik y ma nditiker ta nduchojmirisaj pe ri ru-cuerpo.

San Lucas 13:16

Y re ixaq reꞌ, jun riy-rumam kan ri Abraham ri ja 18 junaꞌ ximon chupan ri yabꞌil roma ri itzel. ¿Ma utz ta kami chi pa uxlanibꞌel qꞌij ndel libre?

San Lucas 8:27

Atoq ri Jesús xqaqa pa ulew, jun achi aj chiriꞌ ri ekꞌo itzel teq espíritu pa rukꞌaslen, xurukꞌuluꞌ ri Jesús. Ri achi riꞌ kꞌo chik chi tiempo maneq tzieq ndukusaj y ma kꞌo chi ta pa rachoch, xa chikikajal ri kikꞌojlibꞌel ri animaꞌiꞌ kꞌo wi.

San Lucas 8:42

Keriꞌ xubꞌij, porque ri achi riꞌ junayon ok rumiꞌal kꞌo, y ri xten jun laꞌeq kabꞌlajuj rujunaꞌ, y yaméra ndiken. Atoq ri Jesús bꞌaneq chirachoch ri Jairo, santienta wineq ndikitelelaꞌ apu kiꞌ chirij ri Jesús y romariꞌ ndikipitzꞌ ebꞌaneq.

San Lucas 8:44

Ri ixaq xjel apu chirij ri Jesús, xutzꞌen apu jubꞌaꞌ ruchiꞌ ri kꞌul ruqꞌuꞌun ri Jesús, y kin ja paqiꞌ xtaneꞌ ri kikꞌ ndipelaꞌ pe chuxeꞌ.

San Juan 9:1

Atoq ri Jesús ndeqꞌax pa bꞌey, xutzꞌet jun achi soqꞌ ralaxibꞌen pe.

San Juan 9:21

pero ri achike xbꞌanatej chin nditzuꞌun yan chik wokami, ma qetaman ta, nixta qetaman ruwech ri xbꞌanun chi xtiker xtzuꞌun. Tikꞌutuj razón chare, porque kꞌo chik rujunaꞌ chin ndubꞌij ri xbꞌanatej rikꞌin.

Hechos 3:2

Chuchiꞌ jun puerta rubꞌiniꞌan Jabꞌel Qꞌusqꞌuj chin ri rachoch ri Dios, qꞌij-qꞌij ndeyoꞌox kan jun achi. Ri achi riꞌ ekamineq raqen ralaxibꞌen pe, y ndukꞌutuj limosna chake ri ngeꞌok apu chiriꞌ.

Hechos 4:22

Porque más chik 40 rujunaꞌ ri achi xkꞌachojrisex rikꞌin ri retal ruchuqꞌaꞌ ri Dios xbꞌanatej.