San Lucas 8:3 - Kaqchikel Santo Domingo (Xenacoj)

³ Ebꞌaneq chuqaꞌ ri Susana, y jun ixaq rubꞌiniꞌan Juana, rixjayil jun achi rusamajel ri rey Herodes. Ri samajel riꞌ rubꞌiniꞌan Cuza. Ebꞌaneq chuqaꞌ ekꞌiy chik más ixoqiꞌ, y konojel ri ixoqiꞌ riꞌ ndikitoꞌ ri Jesús rikꞌin ri kichajin.

Tuilleadh tionndaidhean

Kaqchikel Santa Maria de Jesus

³ Y bꞌanak ri Juana, raxjayil ri ache Chuza rubꞌeꞌ. Y ri ache reꞌ jun rusamajiel ri Herodes. Bꞌanak jeꞌ ri Susana. Y icꞌo jeꞌ nicꞌaj chic ixokiꞌ ri niquiꞌan servir ri Jesús riqꞌuin ri cꞌo quiqꞌuin.

Kaqchiquel Bible

³ Chuqa' beneq ri jun ixoq ri rubini'an Juana, rixjayil ri jun achin rubini'an Cuza. Y re achin re' jun rusamajel ri Herodes Antipas. Chuqa' beneq ri jun ixoq rubini'an Susana. Ek'o chuqa' ch'aqa' chik ixoqi' ri e beneq ri kan yekito' ri Jesús y ri rutijoxela'.

Kaqchikel Central Guatemala

³ Chiquicojol ri ixoki' ri e tzeketel chirij ri Jesús, benek ri jun ixok ri rubini'an Juana, rixjayil ri jun achin rubini'an Chuza. Y re achin re' jun rusamajel ri Herodes. Chuka' benek ri jun ixok rubini'an Susana. Y ec'o chuka' ch'aka' chic ixoki' ri e benek ri can yeto'on chuka' richin ri Jesús. Re ixoki' re' xequilij ri Jesús y ri rutijoxela'.

Re C'ac'a Testamento pa Kach'abal

³ Chiquicojol re ixoki' re je'tzakatal chij re Jesús, binak re jun ixok rubini'an Juana, ruxayil re jun ache rubini'an Chuza. Y re ache re' nisamaj riq'uin re Herodes y c'o más ruk'ij que chiquivach re nic'aj chic ye'samaj riq'uin. Chuka' binak re jun ixok rubini'an Susana. Y jec'o chuka' nic'aj chic ixoki' re je'binak y xe'ta'on chin xe'quivilij re Jesús y re ru-discípulos.

Kaqchikel Western Solola

³ Y benak chuka' ri Juana, rixjayil ri jun achi ri Chuza rubi'. Y ri achi ri' jun rumozo ri Herodes. Y benak chuka' ri Susana. Y ye benak chuka' nic'aj chic ixoki' ri can c'o chuka' quibeyomal ri can ye riye' yeya'o y yebano ronojel ri nic'atzin chare ri Jesús, y chique ri ye rudiscípulos.

San Lucas 8:3 Iomraidhean Croise

San Mateo 14:1

Chupan ri tiempo riꞌ, ri tetrarca Herodes xrakꞌaxaj ri utzulej rutzijol ri Jesús ndikibꞌen ri wineq.

San Mateo 14:3

Keriꞌ xubꞌij, porque atoq ri Juan ri Bautista kꞌa kꞌes, ri Herodes xubꞌen mandar chi xtzꞌan, xxim rikꞌin cadenas y xyoꞌox pa cheꞌ, porque ri Juan xuchꞌolij ri Herodes, roma ri Herodes rubꞌanun qa rixjayil chare ri Herodías. Ri ixaq riꞌ xok yan rixjayil ri Filipo ri kichaqꞌ-kinimal kiꞌ rikꞌin ri Herodes.

San Mateo 14:6

Pero atoq xril qꞌij chin xbꞌan nimaqꞌij roma ri Herodes xukꞌis chik jun rujunaꞌ, ri xten ral ri Herodías xxaja chikiwech konojel chiriꞌ y xqaꞌ chuwech ri Herodes.

San Mateo 2:11

Y atoq xebꞌeqaqa apeꞌ kꞌo ri akꞌual, xeꞌok apu pa achoch, y xkitzꞌet ri chꞌuti akꞌual rikꞌin ri María ri ruteꞌ. Xexukeꞌ qa y xkiqasaj kijolon pa ulew chin xkiyaꞌ ruqꞌij ri akꞌual. Xekijeq ri yakbꞌel apeꞌ ekikꞌuan apu kibꞌeyomal, y xkisipaj kan qꞌanapueq, pon y mirra chare.

San Mateo 20:8

Atoq xokoqꞌaꞌ qa, ri rajaw ri ulew xubꞌij chare ri kꞌo pa kiwiꞌ ri samajelaꞌ: Kaꞌawoyoj ri samajelaꞌ y tatojoꞌ e ri samaj xkibꞌen, tatzꞌukuꞌ e kikꞌin ri kꞌa pa rukꞌisibꞌel xetuqaqa, y kꞌa pa rukꞌisibꞌel kaꞌatojoꞌ ri xetuqaqa nabꞌey.

San Mateo 25:40

Y riyin ri Rey nibꞌij chake ri ekꞌo pa wikiqꞌaꞌ: Kin qetzij nibꞌij chiwa, chi roma xitoꞌ jun chikikajal re yin kitaqin re maneq ok kiqꞌij, riꞌ kin chuwa riyin xibꞌen wi.

San Mateo 26:11

Keriꞌ nibꞌij chiwa, porque ri wineq maneq ok kichajin kin jumul ekꞌo chiꞌikajal. Pero riyin ma jumul ta ngikꞌojeꞌ chiꞌikajal.

San Mateo 27:55

Chiriꞌ ekꞌo apu ekꞌiy ixoqiꞌ, ngetzuꞌun apu chi nej. Ri ixoqiꞌ riꞌ koqan pe ri Jesús xe jampeꞌ eleneq pe pa rochꞌulew Galilea chin ndikilij.

San Lucas 24:10

Ri ixoqiꞌ ri xebꞌeyoꞌon rutzijol reꞌ chake ri apóstoles, ja ri María Magdalena, ri Juana, ri María ri ruteꞌ ri Santiago, y ri chꞌaqa chik ixoqiꞌ ri ekachibꞌilan atoq riꞌ.

San Juan 12:6

Ri Judas xubꞌij keriꞌ, ma roma ta qetzij ndupoqonaj kiwech ri wineq ri maneq ok kichajin. Rijaꞌ keriꞌ xubꞌij xa roma kin eleqꞌon wi y pa ruqꞌaꞌ rijaꞌ jachon ri méra ndikikusaj ri Jesús y ri discípulos y xa kin kꞌo ndireleqꞌaj e rikꞌin ri méra riꞌ.

Hechos 13:1

Chikikajal ri ndikimal kiꞌ pa rubꞌiꞌ ri Ajaw pa tinamit Antioquía, ekꞌo ngeqꞌalajrisan ri ndubꞌij pe ri Dios pa kánima y ekꞌo chuqaꞌ tijonelaꞌ chin ri rutzij ri Dios, y jareꞌ ri kibꞌiꞌ: Ri Bernabé, ri Simón ri ndibꞌix Negro chare, ri Lucio aj Cirene, ri Saulo, y ri Menahem, ri junan xekꞌiy rikꞌin ri Herodes ri xubꞌen reinar pa rochꞌulew Galilea.

2 Corintios 8:9

Porque rix iwetaman ri favor ruyoꞌon ri Qajaw Jesucristo, chi roma rujoyowaxik iwech, rijaꞌ maske kin pa ruqꞌaꞌ kꞌo nojel, xuꞌok achel jun ri maneq ok ruchajin chochꞌulew, y roma ri keriꞌ xurubꞌanaꞌ, rix xiwil ri bꞌeyomal chin chikaj.

Filipenses 4:22

Konojel ri loqꞌolej hermanos ndikiteq ruxunaqil iwech. Pero ri más ngetaqo e ruxunaqil iwech, ja ri erusamajelaꞌ ri rey César.

1 Timoteo 5:10

ri etaman chikij chi ekibꞌanun ri utz achel reꞌ: Ekikꞌiytisan jabꞌel ri kal, xkikꞌen apu kiwech pa kachoch ri epataneq jukꞌan chik apeꞌ, kichꞌajloꞌon pe kaqen ri loqꞌolej teq ralkꞌuaꞌl ri Dios, ekitoꞌon ri ndikiqꞌasaj kꞌayew, y nojel ruwachinel utz kibꞌanun pe.