San Lucas 7:13 - Kaqchikel Santo Domingo (Xenacoj)

¹³ Atoq ri Ajaw Jesús xutzꞌet ri ixaq, xujoyowaj ruwech y xubꞌij chare: Ma ngatoqꞌ.

Tuilleadh tionndaidhean

Kaqchikel Santa Maria de Jesus

¹³ Y antok ri Ajaf Jesús xutzꞌat ri ixok reꞌ, xujoyovaj roch y xuꞌej cha: Man chic catuokꞌ.

Kaqchiquel Bible

¹³ Toq ri Jesús xutz'et ruwech ri ixoq ri xken-el ri ral, xujoyowaj ruwech, y xubij k'a chire chi man chik toq'.

Kaqchikel Central Guatemala

¹³ Y tok ri Ajaf Jesús xutz'et ruvech ri ixok ri xquen-el (xcom-el) ri ral, xujoyovaj ruvech, y xubij c'a chire: Man chic c'a catok'.

Re C'ac'a Testamento pa Kach'abal

¹³ Y tak re Ajaf Jesús xutz'at rach re ixok re', xujoyovaj rach, y xubij cha: Man chic catok'.

Kaqchikel Western Solola

¹³ Y tek ri Ajaf Jesús xutz'et ri ixok ri xcom el ri ral, xujoyowaj ruwech, y xubij c'a chare: Man c'a catok' ta chic.

San Lucas 7:13 Iomraidhean Croise

Marcos 8:2

Riyin nijoyowaj kiwech re wineq reꞌ, porque ja oxiꞌ qꞌij kekꞌojeꞌ chireꞌ, y maneq achike kꞌo kikꞌin chin ndikikꞌux.

San Lucas 10:1

Atoq bꞌanatajneq chik nojel reꞌ, ri Ajaw Jesús xeruchaꞌ chik chuqaꞌ 72, y xeruteq chi kakaꞌ chi kakaꞌ chin kenabꞌeyaj chuwech pa nojel teq tinamit y pa teq lugar apeꞌ rubꞌanun ruwech chi ndibꞌa.

San Lucas 11:1

Kꞌo jumbꞌey ri Jesús ndubꞌen orar pa jun lugar, y atoq xukꞌis xubꞌen orar, jun chikikajal ri ru-discípulos kereꞌ xubꞌij chare: Ajaw, qojatijoj rikꞌin ri achike modo ndiqabꞌen orar, achel xubꞌen ri Juan ri Bautista, xerutijoj ri ru-discípulos.

San Lucas 11:39

Y ri Ajaw xubꞌij: Rix fariseos, ri ikꞌaslen xa achel jun vaso o jun leq chꞌajon rij, pero xa tzꞌil rupan. Kin achel ta rix chojmilej teq wineq ngixqꞌalajin, pero ri iwánima xa nojneq rikꞌin eleqꞌ y itzel teq noꞌoj.

San Lucas 12:42

Ri Ajaw xubꞌij: Jun samajel ri ndubꞌen ri ndubꞌij ri rajaw chare y ndunojij utz-utz ri ngerubꞌanalaꞌ, ja samajel riꞌ ri ndichaꞌox roma ri rajaw chin nduyaꞌ pa kiwiꞌ chꞌaqa chik samajelaꞌ, chin keriꞌ atoq ndiril hora chin rujachik ri ndikꞌatzin chake chin ndikikꞌux, runabꞌan chi apu nojel chin ndujech chake.

San Lucas 13:15

Ja atoq riꞌ ri Ajaw xubꞌij: ¡Rix xa kaꞌiꞌ ipalej! Nixta jun chiwech rix ri man ta ngerukir ri ruwakx y ri rukej, maske pa uxlanibꞌel qꞌij, y ngerukꞌuaj chin ndekitijaꞌ kiyaꞌ.

San Lucas 17:5

Ri apóstoles xkibꞌij chare ri Jesús: Ajaw, tabꞌanaꞌ chaqe chi más ndiqakuqubꞌaꞌ qakꞌuꞌx rikꞌin ri Dios.

San Lucas 17:6

Ri Ajaw xubꞌij: Xa ta kuqul ikꞌuꞌx rikꞌin ri Dios, maske juninikꞌ ta ok, achel jun chꞌuti wíta semilla mostaza, xibꞌij ta chare re jun cheꞌ sicómoro reꞌ: Takꞌuquꞌ e awiꞌ y taꞌatikaꞌ awiꞌ pa mar, xixchajeꞌ ta, y kin xutaqij yan ta itzij.

San Lucas 18:6

Y ri Ajaw Jesús xubꞌij: Tiwakꞌaxaj ri xubꞌij ri qꞌatoy tzij itzel runoꞌoj.

San Lucas 19:8

Ri Zaqueo xpeꞌeꞌ y kereꞌ xubꞌij chare ri Jesús: Ajaw, nikꞌaj chare nojel ri nuchajin niyaꞌ chake ri maneq ok kichajin, y si kꞌo achike numajon chikiqꞌaꞌ ri wineq, nitzolij kajiꞌ mul rukꞌexel chake.

San Lucas 22:61

Y ri Ajaw Jesús xtzuꞌun pe chirij y xutzutzaꞌ pe ri Pedro. Y ri Pedro xukꞌuxlaꞌaj chi ri Jesús kereꞌ rubꞌiꞌin kan chare: Chupan re qꞌij reꞌ, atoq kꞌajani titziritzin pe jun ekꞌ mamaꞌ, rat oxmul yan tabꞌij chi ma awetaman ta nuwech.

San Lucas 24:3

Y atoq xeꞌok apu chupan ri jul, ma xkil ta ru-cuerpo ri Ajaw Jesús.

San Lucas 24:34

Ri ekꞌo chiriꞌ ndikibꞌilaꞌ: Kin qetzij wi chi ri Ajaw xkꞌastajbꞌex pe chikikajal ri animaꞌiꞌ, y xukꞌut riꞌ chuwech ri Simón.

San Lucas 7:12

Atoq xebꞌeqaqa apeꞌ ngeꞌok apu ri wineq pa tinamit, ja atoq riꞌ telen pe jun ámna chin ndemuq. Ri ámna riꞌ jun kꞌajol, ral jun ixaq malkaꞌ, y xe ok ri junayon ral riꞌ xkꞌojeꞌ, y santienta wineq chin ri tinamit ebꞌaneq chirij chin ndekimuquꞌ.

San Lucas 7:14

Ri Jesús xjel apu chuchiꞌ ri warabꞌel ri achoq chuwech ukꞌuan ri ámna y xutzꞌen apu. Y ri eteleyon ri ámna ja xepeꞌeꞌ qa, y ri Jesús xubꞌij: Rat kꞌajol, nibꞌij chawa: ¡Kayakatej!

San Lucas 7:19

y xeruteq apeꞌ kꞌo ri Ajaw Jesús, chin ndekikꞌutuj razón kereꞌ chare: ¿Ja rat ri Jun bꞌiꞌin kan chi nduqaqa o ndiqoyobꞌej chik jun?

San Lucas 8:52

Ri wineq ngeꞌoqꞌ y ngebꞌison roma ri xten, pero ri Jesús xubꞌij chake: Ma kixoqꞌ, porque ri xten ma kamineq ta, xa ndiwer.

San Juan 11:2

Ri María riꞌ, jariꞌ ri xuqꞌij jubꞌulej aqꞌon chirij raqen ri Jesús y xerusuꞌ rikꞌin ri rusmal ruwiꞌ, y ja ruxibꞌal rijaꞌ ri ndiyawej.

San Juan 11:3

Y romariꞌ, ri ekaꞌiꞌ ranaꞌ ri Lázaro kereꞌ rubꞌixik xkiteq chare ri Jesús: Ajaw, ri Lázaro ri santienta ndawojoꞌ, ndiyawej.

San Juan 20:13

Y ri ángeles xkibꞌij chare ri ixaq: ¿Achike roma ngatoqꞌ? Y rijaꞌ xubꞌij chake: Roma xkikꞌuaj ru-cuerpo ri Wajaw Jesús, y ma wetaman ta apeꞌ xbꞌekiyaꞌ wi.

San Juan 20:15

Ri Jesús xubꞌij chare: Ixaq, ¿achike roma ngatoqꞌ? ¿Achike ri ndakanoj? Pa rutzij ri María ja ri achi ri ndisamej pa qejoj ri ndichꞌaꞌa chare, y romariꞌ xubꞌij chare: Si rat xatukꞌuan ru-cuerpo ri Wajaw Jesús, tabꞌij chuwa apeꞌ xbꞌaꞌayaꞌ wi y riyin nekꞌamaꞌ.

San Juan 4:1

Ri Jesús xuyaꞌ cuenta chare chi ri fariseos kakꞌaxan chi rijaꞌ más santienta wineq ngeꞌoqan richin y más santienta wineq ngerubꞌen bautizar ke chuwech ri Juan ri Bautista.

San Juan 6:23

Pero ekꞌo barcos eꞌeleneq pe pa tinamit Tiberias xebꞌeqaqa chiriꞌ chunaqaj ri apeꞌ xkꞌojeꞌ ri Jesús ri jun qꞌij kan, atoq xumatioxij chare ri Dios y xerutzuq ri wineq.

1 Corintios 7:30

Keriꞌ chuqaꞌ ri ngebꞌison, ma ja ri bꞌis tiqꞌato kichin chin ndikibꞌen ri ndirajoꞌ ri Ajaw. Ri ngekikot, ma jariꞌ tiqꞌato kichin chin ndikibꞌen ri ndirajoꞌ ri Ajaw. Ri santienta loqꞌoj ndikibꞌen, ma ja ri loqꞌoj riꞌ tiqꞌato kichin chin ndikibꞌen ri ndirajoꞌ ri Ajaw.

1 Tesalonicenses 4:13

Hermanos, roj ndiqajoꞌ chi rix ndiwetamaj ri ndebꞌanatej kikꞌin ri xkitaqij ri Ajaw y xeken yan e, chin keriꞌ ma ngixbꞌison koma ri ekamineq achel ngebꞌison ri wineq ri pa kitzij rejeꞌ ma ngekꞌastajbꞌex ta pe ri animaꞌiꞌ.

Hebreos 2:17

Y chin xtiker xubꞌen keriꞌ, xkꞌatzin chi xuꞌok wineq achel ri wineq ri ngerukal e, chin xok ri más nimalej ruqꞌij Sacerdote ri ndujoyowaj kiwech ri wineq ri ngeꞌok ruchaqꞌ, y kin jumul wi ndubꞌen rusamaj ri Dios pa ruchojmil, chin keriꞌ roma ri kamik xuqꞌasaj, ndikuyutej kimak ri wineq chuwech ri Dios.

Hebreos 4:15

Porque ri más nimalej ruqꞌij Sacerdote riꞌ, kin kꞌo pa qawiꞌ, y nditiker ndujoyowaj qawech atoq maneq ok ruchuqꞌaꞌ qánima chuwech ri mak. Porque atoq xkꞌojeꞌ chochꞌulew, rijaꞌ xtaqchiꞌix achel ngojtaqchiꞌix roj. Ri itzel xukusaj nojel itzel teq achike chirij chin xutaqchiꞌij y xrajoꞌ ta xutzeq pa mak, pero rijaꞌ ma jumbꞌey xtzaq pa mak.