San Lucas 4:23 - Kaqchikel Santo Domingo (Xenacoj)

²³ Y ri Jesús xubꞌij chake: Kin qetzij wi chi rix ndiwojoꞌ ndibꞌij re jun tzij reꞌ chuwa: Aqꞌomanel, tawoqꞌomaj qa awiꞌ ayon chawech. Nojel ri qakꞌaxan chi abꞌanun pa tinamit Cafarnaúm, tabꞌanaꞌ chuqaꞌ chireꞌ pa atinamit.

Tuilleadh tionndaidhean

Kaqchikel Santa Maria de Jesus

²³ Y ri Jesús xuꞌej chica: Inreꞌ vataꞌn ri ntiꞌan pensar chuvij: Doctor, taꞌnaꞌ curar-aviꞌ atreꞌ mismo. Ojreꞌ kaxan chi qꞌuiy milagros i-abꞌanun Capernaum, tabꞌanaꞌ jeꞌ vaveꞌ pan atanamit.

Kaqchiquel Bible

²³ Jak'a ri Jesús xubij chike: Yin ninbij chi rix nich'ob-qa chuwij achi'el nubij ri jun k'ambel-tzij: Rat aq'omanel tawaq'omaj-qa-awi' ayon; roma qak'axan chi k'iy nima'q taq banobel abanon pa Capernaum, xa kan tabana' chuqa' wawe' pa qatinamit, yixcha'.

Kaqchikel Central Guatemala

²³ Y ri Jesús xubij chique: Yin can cukul nuc'u'x chi rix nich'ob-ka chuvij: Vi re Jesús re' can nitiquir-vi yerubanala' milagros, man ta xe c'a pa Capernaum yerubanala-vi. Can querubanala' c'a chuka' vave' pa rutinamit.

Re C'ac'a Testamento pa Kach'abal

²³ Y re Jesús xubij chic chique: Yen can ntaman re andex ninojij chuij roma nibij: Vo xa re Jesús re' can nitiquir-va ye'rubanala' milagros, man xe-ta pa tenemit Capernaum que'rubanala-va. Can que'rubanala' chuka' vova' pa rutenemit.

Kaqchikel Western Solola

²³ Y ri Jesús xubij chique: Riyin can wetaman chi riyix nibij re ch'abel re' chuwij: Ajk'omanel, tawak'omaj ka awi' ayon riyit. Ruma kac'axan chi q'uiy milagros ye'abanala' pa Capernaum. Wacami can que'abanala' c'a chuka' wawe' pan atinamit, yixcha'.

San Lucas 4:23 Iomraidhean Croise

San Mateo 13:54

Atoq xbꞌeqaqa pa rutinamit, ngerutijoj ri wineq pa ki-sinagoga, y ri wineq ndisach kikꞌuꞌx chirij y ndikibꞌilaꞌ: ¿Apeꞌ xretamaj re achi reꞌ ri retaman? ¿Achike yoyon uchuqꞌaꞌ chare chin ngerubꞌen milagros?

San Mateo 4:13

Pero ma xkꞌojeꞌ ta pa tinamit Nazaret, xa xbꞌekꞌojeꞌ pa Cafarnaúm, jun tinamit kꞌo chuchiꞌ ri lago apeꞌ kꞌo kulew ri kiy-kimam kan ri Zabulón y ri Neftalí.

San Mateo 4:23

Ri Jesús xbꞌa nojel teq apeꞌ chuwech ri rochꞌulew Galilea, ngerutijoj ri israelitas pa teq ki-sinagoga y ndutzijolaꞌ ri utzulej teq tzij ri ndubꞌij ri achike rubꞌeyal chin ngeꞌok ri wineq pa ru-reino ri Dios y ngerukꞌachojrisaj ri wineq chuwech nojel yabꞌil y qꞌaxomal.

Marcos 6:1

Ri Jesús xel pe chiriꞌ y xbꞌa pa rutinamit Nazaret, y ri ru-discípulos xkoqaj.

San Lucas 2:39

Atoq ri José y ri María xkichꞌajchꞌojrisaj yan kiꞌ achel ndubꞌij ri ley chin ri Ajaw, xetzolij chikachoch pa tinamit Nazaret ri kꞌo pa rochꞌulew Galilea.

San Lucas 2:51

Ja atoq riꞌ ri Jesús xeroqaj pe ri rute-rutataꞌ y xetzolij qa pa tinamit Nazaret. Y ri Jesús kin ngerunimaj ri rute-rutataꞌ. Y ri María nojel ri ndibꞌanatej rikꞌin ri Jesús, kin nduyek pa ránima.

San Lucas 4:16

Ri Jesús xbꞌa pa tinamit Nazaret, ri tinamit apeꞌ xkꞌiytisex. Y pa jun uxlanibꞌel qꞌij xok apu pa sinagoga achel rukꞌamon chare chi ndubꞌen. Y chiriꞌ xyakatej chin ndubꞌen leer ri rutzij ri Dios.

San Lucas 4:31

Ri Jesús xbꞌa qa pa tinamit Cafarnaúm, jun tinamit ri kꞌo pa rochꞌulew Galilea, y pa teq uxlanibꞌel qꞌij ngerutijoj ri wineq rikꞌin ri rutzij ri Dios.

San Lucas 4:35

Y ri Jesús xubꞌij chare: ¡Kachꞌojochiꞌ y katel e pa rukꞌaslen ri achi! xchajeꞌ. Ja atoq riꞌ ri seqꞌ espíritu xuroqij ri achi pa kinikꞌajal ri wineq, xel e pa rukꞌaslen y nixta jun chik itzel xubꞌen kan chare.

San Lucas 6:42

Si rat qꞌatel jun ten pa awech, ¿achike roma kaw awech ndabꞌij kereꞌ chare ri a-hermano: Tayaꞌ qꞌij chuwa chi niwelesaj la chꞌuti kꞌin qꞌatel pa awech? Y ma ndanaꞌ ta awiꞌ chi qꞌatel jun ten pa awech. ¡Rat xa kaꞌiꞌ apalej! Nabꞌey tawelesaj e ri ten qꞌatel pa awech, y keriꞌ chaj ngatzuꞌun chin ndawelesaj ri chꞌuti kꞌin qꞌatel pa ruwech ri a-hermano.

San Juan 4:28

Ja atoq riꞌ ri ixaq xuyaꞌ kan ri rukukuꞌ chiriꞌ y xtzolij pa tinamit, y kereꞌ xbꞌerubꞌij chake ri wineq:

2 Corintios 5:16

Romariꞌ, ri achike ndiqanojij pa ruwiꞌ jun wineq, ma junan chi ta rikꞌin ri ndikinojij ri wineq ma kitaqin ta ri Dios, porque qetaman chi ri Cristo kin ngerajoꞌ wi konojel wineq. Y si roj atoq kꞌajani tiqataqij ri Cristo, kin xojnojin pa ruwiꞌ ri Cristo achel ndikinojij ri wineq ma kitaqin ta rijaꞌ, wokami ma keriꞌ chi ta ri ndiqanojij.