San Lucas 22:30 - Kaqchikel Santo Domingo (Xenacoj)

³⁰ chin ngixwaꞌ y nditij iyaꞌ chuchiꞌ mesa wikꞌin pa nu-reino, y niyaꞌ uchuqꞌaꞌ pa iqꞌaꞌ chin ngixbꞌetzꞌuyeꞌ pa tronos, chin ndiqꞌet tzij pa kiwiꞌ ri kiy-kimam kan ri kabꞌlajuj rukꞌajol ri Israel.

Tuilleadh tionndaidhean

Kaqchikel Santa Maria de Jesus

³⁰ richin quireꞌ xquixvaꞌ y xtikun iyaꞌ viqꞌuin choch ri nu-mesa chupan ri nu-reino. Y ixreꞌ xquixtzꞌuyeꞌ chupan tronos chi ntiꞌan juzgar ri doce (cabꞌalajuj) tribus richin ri Israel.

Kaqchiquel Bible

³⁰ richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

Kaqchikel Central Guatemala

³⁰ richin queri' xquixva' y xquixuc'ya' pa jun misma mesa viq'uin, tok xa can c'o chic c'a k'atbel-tzij pa nuk'a' yin. Y rix xquixoc c'a k'atoy-tzij pa quivi' ri cablajuj tak tinamit rubanon re nimalej tinamit Israel.

Re C'ac'a Testamento pa Kach'abal

³⁰ chin quire' xquixva' y xquixuq'uia' chach jun misma mesa viq'uin, tak c'o chic autoridad pa nuk'a' yen. Y yex xtiban gobernar pa quive' re je doce grupo israelitas re quibanon dividir-qui'.

Kaqchikel Western Solola

³⁰ riche (rixin) chi queri' xquixwa' y xquixuc'ya' wuq'ui pa numesa ri pa nujawaren. Y riyix xquixtz'uye' na pa tek ch'aquet riche (rixin) chi nik'et tzij pa quiwi' ri cablajuj tinamit ri yec'o pa rucuenta ri Israel.

San Lucas 22:30 Iomraidhean Croise

San Mateo 19:28

Ri Jesús xubꞌij chake: Kin qetzij nibꞌij chiwa chi chupan ri qꞌij atoq ndibꞌan kꞌakꞌakꞌ chare nojel, atoq riyin ri aj chikaj ri xinuꞌalex chiꞌikajal ngitzꞌuyeꞌ pa nu-trono rikꞌin nimalej nuqꞌij, rix ri yin iwoqan ngixbꞌetzꞌuyeꞌ pa kabꞌlajuj tronos, chin ndiqꞌet tzij pa kiwiꞌ ri kiy-kimam kan ri kabꞌlajuj rukꞌajol ri Israel.

San Mateo 5:3

Kin jabꞌel rokiqꞌij ri ndikinaꞌ chi eꞌaj mak y ndikꞌatzin ri kolotajik nduyaꞌ ri Dios chake, Porque pa kikꞌaslen rejeꞌ ndubꞌen reinar ri aj chikaj Dios.

San Mateo 8:11

Y nibꞌij chiwa chi pa ru-reino ri aj chikaj Dios, ngebꞌeqaqa santienta wineq epataneq pa teq rochꞌulew kelaꞌ apeꞌ ndel pe ri qꞌij y wineq epataneq kelaꞌ apeꞌ ndiqaqa wi y ngebꞌetzꞌuyeꞌ chuchiꞌ mesa junan kikꞌin ri Abraham, ri Isaac, y ri Jacob.

San Lucas 12:37

Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

San Lucas 14:15

Atoq xkakꞌaxaj ri xubꞌij ri Jesús, jun chikikajal ri tzꞌuyul chuchiꞌ mesa xubꞌij chare: ¡Kin jabꞌel rokiqꞌij konojel ri xkewaꞌ pa ru-reino ri Dios!

2 Timoteo 2:12

Si xtiqakachꞌ qawech chupan ri kꞌayew ndiqaqꞌasaj roma qataqin rijaꞌ, nduqaqa qꞌij atoq junan ndeqabꞌanaꞌ reinar rikꞌin. Y si xtiqabꞌij chi ma roj ta richin rijaꞌ, keriꞌ chuqaꞌ rijaꞌ xtubꞌij chi ma roj ta richin.

Santiago 1:1

Riyin Santiago, rusamajel ri Dios y rusamajel ri Ajaw Jesucristo, nitzꞌibꞌaj e re wuj reꞌ chiwa rix ri kiy-kimam kan ri kabꞌlajuj rukꞌajol ri Israel ri ikiran iwiꞌ chuwech ri rochꞌulew. Niteq e ruxunaqil iwech.

Apocalipsis 19:9

Y kereꞌ xubꞌij ri ángel chuwa: Tatzꞌibꞌaj reꞌ: ¡Kin jabꞌel rokiqꞌij ri xeꞌoyox chin ngewaꞌ chupan ri nimaqꞌij chin rukꞌulubꞌik ri Alaj Karneꞌl! Y xubꞌij chuqaꞌ chuwa: Re tzij re xinbꞌij chawa kin eqetzij wi, porque erutzij ri Dios.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

Apocalipsis 4:4

Chirij ri trono riꞌ, kisiriren kiꞌ 24 tronos, y pa kiwiꞌ ri tronos riꞌ etzꞌuyul 24 rijilej teq achiꞌaꞌ kiweqon kiꞌ rikꞌin seq teq tzieq y pa kijolon kikusan coronas ebꞌanun chare qꞌanapueq.